09-29-2021
|
|
|
#واقع_معاش
#واقع_معاش
مشكلتنا بنحب من قلبنا وبسرعة
كل من نقول ما ح نتعلق فيه ...بسرعة نتعلق!!
#عارفين_ليه؟؟!!
لانو طبع الإنسان أصلا بميل للعاطفه دايما ... ما في انسان فينا بحب يكون براهو يعني "وحيد" !!
كلنا عايزين ناس تحس بينااا وتهتم فينا٠
يعني لمن نزعل حد يطبطب علينا ويوسينااا ويكون معانا في المره😢💔 قبل الحلوه...
ولمن ننجح و نفرح حد يفرح معانا ويفرح لي فرحناا... ولمن ننكسر💔 حد يجبر بخاطرنااا...ولمن نقع حد يقويناا ويسندنا ويرفعناا...
#مشكلتنا
كل مره بنقول ح نبعد من الحاجات دي و ح نشوف حياتنا 😢👨🦯 وح نعيشها و و و ، بس فجأه بجي حد من هناكك
تلقائيا تلقى نفسك وقعت💔 بدون ما تشعر 💔 يخليك تغير رايك الاخدتو
في البداية واحنا فجأه بنقوم نغير رأينا وترجع حليمه لقديمه ... 🙂💔
ليه ما قاعدين نحسب انو في يوم ح يجي ونفس الحد ده ح يتغير ويبقي زيهم...
ليه دائما بنحب الحد البعذبنااا والي يجرحناا ونتمسك بيه وبنخاف نخسرو...
ليه دائما كل مرة احنا نسامح وهم يتمدوا في اغلاطهم وتصرفاتهم...
عارفين ليه؟! عشان احنا واقعنااا وحبيناهم
#الخلاصة
ليه ما نعصر علي قلبنا حبة ونديه للحد الصح البتساهلوا ويقدروا ؟!
ليه دايما بنشوف البدايات حلوه والنهايات حزينه!! ليه ما تكون النهايات احلى من البدايات ...
#وفي_النهاية
اهتم بلي يهتم بيك وخليك مع العايزك وخايف عليك ...
#ابقو_عافية ✨💛
|