انا شخصيا بحترم وبقدّر الزوج يللي بيترك زوجته بتمارس هواياتها
لإنه ما فيها تضل بخلقته او هو يضل بخلقتها مثل مهي كمان "المفروض" تتركه يمارس هواياته
اتركك من بدايات الزواج شي طبيعي رح يكون ببجنن.
حياتون الحقيقية رح تبين بعد مدة زمنية هون فيك تكتشف اذا فعلا اخدوا بعض عن حب واذا فعلا رح يتحملوا بعض!
/
الحياة الزوجية بمرحلة معينة رح يكون فيها نوع من الروتين، فليش ما يعطوا كل واحد مساحته الخاصة ومن خلال هاي المساحة يمارسوا فيها كل واحد فيون هواياته؟
مش مفروض يصير مشكلة لمن يشاركوا بعضون هواياتن بس السؤال هل عنجد رح يتقبلوا اهتمامات بعض؟ سؤال صعب نجاوب عليه.
الواحد لمن يتزوج شخص بيحبه بيفكر حالو اتزوج شخص بيشبهه بكل شي
بس بالحقيقة مش بالضرورة!
لإنه الزواج قبل كل شي عبارة عن "تركيب راسين على بعضون" قديش رح ينجح هالشي؟ وهالأمر بالذات كتير صعب!
بعرفش إذا الحب هون بيساعد مع إني ما بآمن بالحب. او بالأحرى بالحب الأبدي.
بس لحتى ينجح بيحتاج لتنازلات! التنين لازم يتنازلوا.
لهيك ع الأغلب بيرجع للشخص نفسه، بيرجع إلها وبيرجع إلو.
على كل حال الحياة الزوجية عالم فيو كل شي وليس فقط اهتمامات
فما تستغرب لمن يجي يوم وميكنش معك وقت انت بحالك إنك تمارس هواياتك! ومرتك نفس الشي.
ع سبيل المثال لمن مرتك تخلف ولد وقتها كلو رح يكون للولد فمش رح يكون معها وقت للهوايات.
/
معقول الأمر بيرجع للهواية نفسها؟! يبقى برضو بيرجع لمين انت متزوج بالضبط.
/
سؤال رائع.