منتديات قلب فلسطين - عرض مشاركة واحدة

01-09-2021

اقتباس

المشاركة الأصلية كتبت بواسطة هل كان حباً


	عزيزتي ما في شئ اسمه " ما في اكره بالدين الإسلامي " طالما انتي ( مو انتي تحديداً بشكل عام بحكي ) قبلتي تكوني مسلمة فأنتِ ملزمة بكل شئ شرعه وأوجبه الإسلام ، ما بيطلع لك تكوني مسلمة وما تعملي شرع أو فرض من فروض الله والمبرر انه ما في اكراه بالدين الإسلامي انا ما بناقشك في ترك الفرض او عدم عمله ، في النهاية كلنا مقصرين نسأل الله الهداية لنا جميعاً ، انا معترض على إلصاق عبارة " ما في اكراه بالدين الإسلامي " معنى كلامك انه اكون مسلم ومعتنق الديانة الإسلامية وما بصلي مثلاً او ما بصوم ولما ييجوا يسألوني ليش ما بتصلي وما بتصوم أقول " ما في اكراه بالدين الإسلامي " لا طبعاً لا يجوز الدين لا يتجزأ وطالما قبلت اكون مسلم يبقى انا ملزم بكل أحكام وفروض الإسلام الي ما بعمله أو الي متكاسل عنه او الي تاركه ، تاركه من باب التقصير ، من باب الغفلة ، من باب غلبة الشيطان ، لكن مو من باب انه ما في اكراه بالدين الإسلامي اعذريني انت حطيتي العبارة في غير موضعها نهائياً نيجي لمعنى الآية " لا إكراه في الدين " المقصود فيها غير المسلم بمعنى انه لا نُجبر او نُكره غير المسلمين بالدخول في الدين الإسلامي اما انتَ مسلم وقبلت تكون مسلم يبقى انت مُلزم بكل احكام وفروض الإسلام ، ما بيطلع لك تقولل لا اكره في الدين الإسلامي وأعذريني على المداخلة كان لازم أتدخل وأوضح الي عندي يسعد اوقاتك يا رب

انا يلي قصدته انه ما احاول اجبرها ع لبسه
لازم احاول اقنعها فيه بدون ما اكرها فيه
لانه لو لبسته وهي مش مقتنعه ما رح تلتزم فيه
لانه كتير كنت اشوف بنات لبسوهم اهلهم الحجاب غصبن عنهم
كانوا يطلعوا من البيت بالحجاب وبمجرد ما يبعدوا عنه بقلعوه
شكرا لمداخلتك هل كن حبا
ويسعد مساك