كنت وأنا صغيرة دايمًا أسمع امي تدعي وتقول
"ربنا مايحوجنا غير لوجهه الكريم"
فـ كنت بـسمع وانا غير مدركة لمعنى ال"حوجة" ..

احتياج مادي !

كبرت وعرفت إن مش الحاجة المادية بس هي الحوجة ..

انك تحتاج حد يسمعك ومتلاقيش
انك تحتاج حد يسندك و متلاقيش
تحتاج حد يوظفك ولا يزُقك ولا يوصي عليك ويتجاهلك ..
انه تبقى سعادتك وراحة بالك مربوطة بشخص واحد فيعمل العكس ..
انه تبقى محتاج حاجة تقضي بيها حاجتك و بيغليها عليك ..
إنك تستنى حد يبسطك .. يخرجك .. ياخد بإيدك .. يعديك الشارع .. يخدمك في مرضك ..

كل دي حوجة ... انك تطلب حاجة من حد وتبقى ثقيلة على قلبه !

فأنا والله مابقيت عايزة حاجة من حد
وكل ما أحس مجرد احساس ان حاجتي هتُقضى بواسطة "شخص" هيتكبر أو يتجبر أو يمنعها عني ..
فورًا بزهدها
وأدعي واقول ..
"يارب.. يارب ما تحوجني غير لوجهك الكريم"

يارب ما تحوجنا لحد 🙏🏻