متى بتعرف قيمة شخص معين بحياتك !
بالوقت يلي مابتكون طايق حالك فيه بس بتلاقيه جنبك ومتحمل عنادك ويباسة راسك ، بالوقت يلي بتشعر فيه انه كل اشي ضدك بكون هوه الوحيد يلي معك ، باللحظة يلي بس يصير معك موضوع معين مابيخطر عبالك غيره لتحكيله حتى لو ما ح يساعدك المهم رح يسمعك لأنك متعود إنه بالنهاية في الك ملجأ او مكان تتخبى فيه من هالعواصف يلي بترميها بوجهك الدنيا ..
لمن تكون فاشل او سيء او حتى مخربط بضله متمسك فيك لحتى يشوفك احلا وانجح واجمل ، عالاقلية لحتى يشوفك بتضحك ..
السند ممكن ما يكون شخص عشت معه من اللحظة الاولى بحياتك ممكن شخص المدة المعقودة بينكم عبارة عن وقت قصير ، بس بتحكي ياريتني وعيت عالدنيا وهوه جنبي
ببساطه لأنه السبب الثابت بقلبك لأنك صامد لليوم ..


لـِ داليا الأعرج