اولاً كل عام و انتم بخير
ثانياً بعتذر من الإدارة لأني ما استشرتهم فيها
ثالثاً لو حبيتو الفكرة ياريت ترفعوا الموضوع ع التنبيهات و لنا أجر مشترك بإذن الله
رابعاً الفكرة كَ فعالية او عمل خير جماعي لكسب الأجر و الثواب و تشجيع بعضنا

..

السلام عليكم و رحمة الله

قال تعالى: « إِنَّ الَّذِينَ يَتْلُونَ كِتَابَ اللَّهِ وَأَقَامُوا الصَّلَاةَ وَأَنْفَقُوا مِمَّا رَزَقْنَاهُمْ سِرًّا وَعَلَانِيَةً يَرْجُونَ تِجَارَةً لَنْ تَبُورَ» [فاطر: ٢٩]

افضل الأعمال في هذه الأيام المباركة هي قراءة القرآن
لأنها تشمل جميع الأذكار الفاضلة من تسبيح و تكبير و تحميد

الفكرة هي فعالية لختم القرآن الكريم بهاي العشر او التسع ايام
9 ايام كافية لأي انسان يختم القرآن

و هاد الموضوع لنشجع بعضنا
مثلاً كل يوم او يومين نكتب لأي جزء قرأنا
حتى يوم عرفة اللي ما خلص يختم

( بعرف القراءة لله تعالى و في ناس ما بحبو يحكو كم او ايمتى بقرأو
لهيك حبيت اعملها مسابقة ، حتى نشجع بعض و نقرأ ، و اصلاً هالأيام
الأعمال الخيرية كلنا بنشوفها )

ملاحظة ..
انا مش ادارية اعطي جوائز
و الظروف ما بتسمح ارسل هدايا

جائزة كل شخص بختم المصحف قبل يوم العيد ، لو قبل بدقيقة

رح اطلب من ربنا يعطيه 100 حسنة من حسناتي
و هاي افضل جائزة بقدر اقدمها بكل حب
و طبعاً الأمانة اهم شيء

بتمنى اشوف عدد كبير مشارك ♡