منتديات قلب فلسطين - عرض مشاركة واحدة

06-05-2020

اقتباس

المشاركة الأصلية كتبت بواسطة البريئة !

انا لاحظت ان الخليل ضوت اليوم ههههه

احكي وين .؟

هههه شكرا شكراً

بنشر على باب كريات أربع

لما نزلت من السيارة تذكرت موقفك مع لكلاب لما حاصروكي في هاي المنطقه وفورا نسيت انو العجل مبنشر واني نزلت من السيارة عشانو هههه ووقفت على بوز السيارة اوزع نظراتي تتفقد المكان واتخيل في أي بقعة كنتي واقفة قدام لكلاب والى أي جهة هربتي هههه بعد اكم دقيقه طلعوا ٢ من المستوطنة واحد وجه سلاحو إتجاه صدري والتاني بحكي عربي خفيف بقلي ليش وقفت حكتلو تخافش مشكلتي مش معكم مشكلتي مع العجل بنشر معاي صار يتفرج على العجل وحكالي طيب وقف لقدام ما توقف هون .. كان واحد ابن حلال جاي من الاتجاه المعاكس بمشي ع الخفيف كان شايفني واقف معهم فلما قدمت تلاه وقف بقلي خير مالك حكتلو بنشر العجل على باب المستوطنة الا همي اجو حكولي قدم لقدام ..الا هو بقلي بسيطه والله فكرت طخو عليك وبستنا فيهم يروحو اجي اشيلك هههه صرت اضحك حكتلو هدول جُبناء اتوقع منهم اي اشي ..المهم الا هو بحكيلي معك عجل سبير حكتلو معاي بس معيش عدة حكالي وانا معيش حكتلو حتى ما بعرف كيف اركبوا الا هو حكالي ولا يهمك انا بركبو هسا بنوقف اي حدا بنوخذ منه عدة .. والله ما قصر ابدا كل احترام اله ضل واقف معي حوالي نصف ساعه لحتى لقينا واحد معه عدة وركبلي اياه ومشى الحال .