👇😤
الوحدة فينا بتصحى من نومها مبسوووطة ومنعنشة ؟؟؟
انا اليوم ما علي طبيخ بدي اعمل نواشف 😄😄😄😄 ...

وبتدخل ست الحسن والجمال منشكحه عالمطبخ وبتبلش على تقطيع بندورة بادنجان بطاطا زهرة ويمكن معها كمان سلطه بتقعد ساعه ونص وهي اتقشر وتقطع ...
وبيجي وقت القلي ...
ما هي ما بدها تطبخ عشان ما تعجق حالها بالمطبخ ويتكوم مليون جاط على صحن ...
بتقلي البندورة
بتقلي البطاطا
بتقلي الزهرة
وبتقلي البادنجان
وبتفرم صحن سلطه مع الطحينيه عشان الاكل يكون رطب قصدي اشي يخلينا نقدر نبلع 😂😂😂😂 ...
وبمشي الوقت وبتكوم الجلي وبتكوم معو اربع مقالي ........ والخ ........
ويا عيني على ريحه الزيت بعد القلي افتحي الشباك وافتحوا البواب وهوي وبخر .....
وبتطلع من المطبخ بعد تلات ساعات شغل بالمطبخ ... ماهي ما بدها #تطبخ ...
وبنحط الاكل سبع تمن صحوووون للاكل غير صحن المخلل على صحن الفلفل والطحينيه مع الليمون والدقه مع البادنجان ما هي ما بتتاكل لحالها ..
وبتطلع بدزينه صحون من بعد الاكل ....
ما هي ما بدها #تطبخ 😯😯😯😯
ويا عيني على الجلي بعد الاكل هاي لحالها كارثة ...
بعد الغدا بساعتين ولا تلات بجوعوا اولادها ولا جوزها يلا بدنا عشا مرتب ...
ما انتي ما طبختيلنا اشي مرتب اليوم ...
😯😯😯😯😯
ما هي ما بدها #تطبخ اليوم
وبتطلع بالاخير طووول اليوم مقضيتو بالمطبخ جلي وقلي ... 😥😥😥😥
مالو المنسف خفيف لطيف زريف ... ساعه وبخلص وجليه سدر واربع صحون واربع معالق .... وممكن يتاكل من السدر دغررري ...
وبضل الواحد فيه مدفوووووس على نفسووو لتاني يوم
😂😂😂😂😂😂😂😂 . اطبخن اطبخن اريحلكن 😂😂😂 يا مساءالنغااشه 😉😉