اخبار عالبدري

■قبل مانحكي عن اي اشي الناس امبارح زادوها عالفيس علوفد الكوري والكورونا وانهم زارو نابلس وكل ربع ساعه وزارة الصحه بتطلع بيان بتحكيلهم احنا بخير وما وصل عنا شي وهمه ابدا مصريين شعب بموت بالمصايب
■الجو اليوم حيكون غائم وبارد بس بدون مطر
■ الامن الاسرائيلي: "أمامنا 10 أيام لقدوم موعد الانتخابات، وقد يعطلها فايروس كورونا، لذلك أمرت الشرطة بالتأهب".
■الجراد في طريقه لاسرائيل بعد وصوله سيناء وهو الاصخم من 70 عاما
■ ايران تسجل ثاني اكثر عدد وفيات بفايروس كورونا
■عليكم باليانسسون والزهورات والميرميه مؤقتاا لا نششوف كيف بدنا نحل هالقصه
■كل ٥٠ كمامه ب ٣٥ شيقل من الصيدليه يابلاش بس اكيد صينيه طبعا ال50 كمامه كانو ب6 شيكل استغلال ولسا مابلشنا بالجد
■فصل 250 موظف من شركة الإتصالات في غزة نتيجة سرقة تعرض لها قسم الشركة بمنطقة الزهراء بغزة وتعتبر هذه الحالة هي الثانية ..
■السعودية ترفع سعر فيزا الحج من 2700 دينار / إلى 3200 دينار مابدهم حدا يحج
■شهيد بالقدس اعدم بدم بارد الله يرحمو ويصبر اهلو
■بعيدا عن كورونا.. استقالة محمد المدني من رئاسة لجنة التواصل مع المجتمع الإسرائيلي.. "جماعة التطبيع"..
■كيلو الفراوله صار ب7 شيكل بس ماالها طعم والفراوله الغزاويه عبت البلد
■بطلنا نسمع ولا تصريح عشان صفقة القرن معقول جماعتنا نسيوها
■الخضرا لسا غاليه شوي الخيار رخص صار 3 ب10 والكوسا والفلفل لسا غالي والفواكه تحكيش فيها صرنا نشوفها بس عالتلفزيون
■مباراة برشلونه ونابولي يوم التلاته يمكن تتاجل عشان الكورونا
■ناصر اللحام: لا يوجد كمامات لصد "كورونا" بفلسطين
■ ممنوع التقبيل نهائي لانو احنا منحب بالفرح بالعزا بالمزح ماشاء الله علينا وبالنهاية قل لن يصيبنا إلا ما كتب الله لنا

-صباح الخير للام اللي صحيت من بدري جهزت ولادها وبناتها للمدرسه
-صباح الخير للاب الشقيان اللي بنزل شغلو بالليل وبروح بالليل عشان لقمة الحلال
-صباح الخير لكل مريض بالسرطان وربنا الشافي
-صباح الخير للاخت اللي قايمه بدور الام وشالت الهم من بدري
صباح الخير للطفران والمديون والمهموم والا ربك يفرجها
صباح الخير صباح الخير للي مش عارف يتجوز عشان كلشي صار غالي
صباح الخير لبلد الخير