#صاحب_التكسي : إذا بتشوف زلمة ختيار قاعد يحط ايديه في جيبتو ويدور هون وهون مش ضروري تأخذ منو الأجرة كامله او حاول تسامحه 😊

#صاحب_المطعم : مش ضروري يخوي يبيت عندك الاكل وتبيعه ثاني يوم عادي اتبرع #فيه

#محلات_الاواعي : في الشتاء حاولو ترخصو اللبس شوي خصوصا الجكيتات لأنو جد في ناس ميته من البرد

#للمستشفيات : الناس اللي بتكون حالتها تعبانه وما معها تأمين شو المشكله ما تستقبلوهم لو يوم لوجه الله تعالى مش ضروري يقعدوا مرمين ع الباب لحتى يدبروا الدخوليه

#المدرس : اللي بيعطي دروس خصوصي اعملك يوم فري لكل الناس ترا مافيها اشي

#الدكتور : يعني شو فيها لو عملت تشخيص مجاني ولا كم صورة اشعه مجانيه ترا والله عادي

( المهنة اوقات أخلاق مش مكاسب ) 🌷