منتديات قلب فلسطين - عرض مشاركة واحدة

09-26-2019

برايكم شطارة المدرسة كونها خاصة او عامة ؟
الشطارة من الطالب نفسه
لكن الخاصة ممكن بتهتم اكثر و بتشجع اكتر

او ازا كانت غالية الرسوم بكون تأسيسها احسن واقوى للطلاب
اعتقد اه

وهل عندكم امثلة ع طلاب حكومة انتقلو ع خاصة وتغير معدلهم ووضعهم التعليمي؟
صراحة بنات سلفي كانو بخاصة لغاية الصف الخامس ، كانوا الأوائل
بعد هيك انتقلوا عَ الحكومة و معدلاتهم انخسفوا كتير

او انو مش شرط تكون المدرسة خاصة او حكومة ليتأسس الولد او البنت؟
الطالب بتأسس بالروضة و الصف الأول
برأي تكون الروضة منيحة و الولد بتأسس
امير كان بروضة ممتازة ، طلع منها بقرأ و بكتب عادي
ابن اخي دخل روضة مش منيحة و طلع منها ما بعرف الحروف
برغم نفس الرسوم المدرستين

بدي اسمع رايكم بهاد الموضوع بكل صراخة وازا عندكم مين نقل من خاصة لحكومة والعكس
اخي كان بحكومة و معدله ممتاز ما شاء الله
ابوي نقله على الرحمة و هلأ بالشرعية حتى نحافظ على معدله
بتقلي امي الإهتمام و التعليم عادي ما في شي مميز !

هل كتب المدارس الخاصة اصعب ومختلفة عن الحكومة وشو بميزها عن الحكومة ؟
لا لا الكتب كل المدارس نفس الشي
ما في زيادة بالخاصة ابداً
ممكن للصغار زيادة كتاب تعليم لغة و بمدرسة وحدة مش اكتر
اظن اسمها روضة الذكاء العلمي

..

شوفي ملاك الخاصة منيحة لمواقف معينة
يعني انا ابني هلأ بمدرسة حكومة بس للأمانة معلماته و الأستاذ قمة بالأدب و الإحترام و تدريسهم تقولي خاصة و معاملتهم ممتازة
بس ابني عنده مشكلة
قبل اسبوع كنت بالمدرس ، بحكيلي الأستاذ انا اول مرة بمر عليي طالب متل ابنك ، اذكى ولد بالمدرسة بشهادة الطاقم التدريسي كله
بسأل اسئلة و اللهِ المعلمات ما بجاوبوهم و لا بعرفوهم ( ذكاؤه مخيف )
و بنفس الوقت بطيييييء بشكل رهيب
نادراً ليلحق ينقل فقرة كاملة بالحصة ، دايماً متأخر و بياخد وقت طويييييل
بقلي الأستاذ نحنا هون مراعيين هالشي ، بس السنة الجاي ما عنا خامس و ما بتعرفي مين اللي رح يدرس ابنك ، الولد بده شوية مراعاة
و انت بتشوفي شهاداته و معدله ما بدي ينزل و لا درجة

لهيك لازم انقله على خاصة حتى اتابع معه بدون اي ( احراج او خوف )
لأني بالعربي دافعة مصاري و محدش بقدر يحكي معي
لو حكومة و مش دافعين غير ٥٠ شيكل بذلونا ازا طلبنا منهم اهتمام شوي بالطالب

و هفففف قسماً بالله قلبي بدو يفقع و من هلأ بفكر و بسأل وين المدرسة الأفضل ، ما بدي الولد يضيع