هلق أناا المفروض دير بالي عَ ولادي وصحتن و أكلن وشربن ونضافتن ولبسن ولعبن و درسن ومشاويرن ونفسيتهن وتربايتهن صح؟!!✋🏻😌
ولا لازم دير بالي ع جوزي وأكلو وشربو ولبسو و وأهتم فيه وأسمعلو وطبطب عليه وهوّن عليه تعب الشغل؟!!🤔
ولا دير بالي ع البيت ونضافتو وترتيبو و احتياجاتو وفواتيرو وصيانتو وغسيلو وجلياتو؟!😰
ولا دير بالي ما كون مقصرة مع حدا من العيلة وأسأل عليهم وأوصل رحم وزور و هنّي و عزّي و بارك و صالح؟!🌝🌝
ولا دير بالي ما يزعلوا مني أصحابي، إحكيهن وأسأل عليهم وإسمع مشاكلهم وجرب حلها وهون عليهم؟!😬🙈
؟؟!🤔🤔
ولا دير بالي عَ وصحتي و علاقتي ب ربي وبشرتي وأكلي وشربي ونفسيتي وآخدني و جيبني و كزدرني☺️ و ريّح راسي و بالي و أعصابي، و أشغل حالي بشي يفيدني و يفيد المجتمع؟!
ولا دير ضهري و إهرب من هون؟!😬
ولا شو إعمل؟😭