|
يانتيتة التموا التموا ..! اللي بحبني يدعي لي بالتوفيق .❤
صبآحكم/ مسآكم جوري آل قلب فلسطين
أنا اليوم كتيررررر كتيرررر مبسوطة والحمدلله
ف حبيت أشاركم فرحتي
من أول ماتخرجت وحتى من قبل وأنا بدور ع شغل وحلم حياتي أشتغل
وألاقي شي يشغل لي وقتي وعقلي وفوق منه يدخل عليا فلوس
حاولت حاولت وع الفاضي ، هذه غزة وهذه عيشتها كلها واسطات هاد لو لقيتوا فيها شغل
في عضو معنا بالمنتدى كان له الفضل الكبير بعد الله ب اني حصلت ع شغلانة مرتبة بمكان مرتب وب راتب أكبر مما كنت أتخيل نفسي أحصل عليه بشغل غير حكومي
لهيك ح تخف فوتاتي ع المنتدى الفترة الجاية حسب وقتي يعني
أصلي صرت مشغولة ههههه
الفترة الماضية كانت عصيبة كتير عليا مر فيها عدة مشاكل معي ونتيجتها طلعت ب راس العضو هاد ومحدش فيهم حاجة ولابعرف حاجة
كآن حلمآ بعرفك مش ح تقرأ كلامي هاد لكني ع أمل ب انك بيوم تتراجع عن قرارك وترجع تفوت للمنتدى وتنوره
كان حلما كان له الفضل عليا بعد الله ب حصولي ع وظيفة ثابتة وب راتب ثابت وعدني بهالشي من فترة وطلع قد وعده وأوفى فيه
مش لاقية عبارات تقدر تصيغ مدى شكري وامتناني لك ولا كل كلام الدنيا بوفيك حقك وبكفي وقفتك معي لآخر لحظة ورغم المشكلة اللي حصلت ماتخليت عني
وبعتذر لك جدا جدا كنت سبب بمشكلة وتركك للمنتدى وحظر عضويتك منه
كل الاحترام والشكر لك يادانيال صدقاً من أروع صدف القدر كانت معرفتي فيك وتشرفت بشوفتك اليوم بالمكتب نورتنا وفنجان القهوة اللي شربناه بالمنتدى انشرب واقع ههههه
وربنا يبارك فيك ويسعدك ويعطيك ع قد نيتك
شكرا شكرا كتير لك
وشكرا لمنتديات قلب فلسطين اللي عرفنتي عليك
باركولي توظفت وادعولي بالتوفيق
حبيت أشكر كان حلما مع اني ع ثقة انه ماراح يشوف الحكي
أصلا انا مش عارفة كيف شخص بمكانه ومكانته هذه وشغله ووواقعه فاضي للمنتديات والنت قال بهرب من كبت الواقع فيه قال يلا الحمدلله ريح بطل بده ياه ههههه
وحبيت أوضح سوء التفاهم اللي صار وأكيد اللي انتبه ع العضوية تسآئل ليش الحظر الحظر انا سببه ومشكلة معي صار فيها كذا شغلة والنتيجة كانت انسحاب وبلوك وكنت ناوية ع الانسحاب انا كمان بس هو عقلني وهداني اليوم ومن فرحتي ب اني فعليا اشتغلت نسيت كل شي مش مصدقة حالي هههههههه
وحبيت تفرحولي وتقدروا سبب قلة الفوتات الجاية ان شاء الله لأني صرت بزنس ومن عقبالكو 
ولأنه شغلي حصلت عليه من عضو بالمنتدى ف نزلت هالموضوع بالمنتدى لتفرحوا معي وتشكروه معي وتدعوله دعوة حلوة
والسلام ختام
آخر تعديل حنين الروح يوم
09-06-2018 في 12:22 AM.
|