منتديات قلب فلسطين - عرض مشاركة واحدة

08-29-2018

هل ترى إيجابيات هذه الطريقة أكثر أم سلبياتها ؟
سلبياتها أكتر ... الحب والمشاعر اللي بتنتهي بوضع اجتماعي يقبله الدين والمجتمع اللي هو الزواج
بيلزمه صدق وسمع وبصر مش سمع بس من ورا شاشة لشخصيات مجهولة مابنعرف من شو هربانين بحياتهم
وشو هو وضعهم الحقيقي بمجتمعهم يمكن لو اكتملت فيه العناصر والأركان اللازمة بيثبت حاله ووجوده
متل اني أتلاقى مع حدا وجه لوجه أو أعرفه على عيلتي معرفة شخصية مش عن طريق الموبيل
غير هيك بتكون تسلية وتضييع وقت

إذا كانت لديك أخت أو أخ هل توافقهما إذا أرادا الدخول في هذه المواقع للبحث عن شريك الحياة ؟
برفض طبعاً

هل تعرف قصصاً ناجحة لأناس تزوجوا عن طريق النت ؟
لأ

هل أنت مع هذه الطريقة لاختيار شريك الحياة أم ضدها ؟ ولماذا ؟
ضدها وبقوة لأننا من ورا الشاشة متل اللي لابسين ماسك
كل واحد بيظهر أفضل ما عنده مش لسبب أو لخداع لأ ..
لأننا بعالم النت مافي التفاعل والاحتكاك والمواقف الجدية اللي ممكن نظهر فيه شخصياتنا الحقيقية
بكل سلبياتها وايجابياتها
بنفوت بالنت نتثقف ونتناقش ونتعرف على بعض بنطاق محدود بنجامل بعض وبنشكر بعض على الافادة
وهالنوع من العلاقة بتكون سطحية
والسطحية ما بتكفي لتكوين اسرة وعيلة بتضل عمر

ميرسي الك باربي على النقاش الحلو
عوافي