منتديات قلب فلسطين - عرض مشاركة واحدة

03-14-2018

الحب لمن تكتشف إنك فعلا بتقدرش تعيش بدون شخص معين اعتبرته بحياتك اكتر من حبيب، اخ وصديق.
وقت تحس حالك انك تغيرت "للأفضل" من ورا هالحب،
لإنه الحب بحد ذاته بعتبرو قوه معنويه بحياة الإنسان.
ولمن يكون الحب حقيقي معناتو العلاقه بتنتهي بسلام، بصرف النظر إذا بدو يكون في قسمه بيناتون او لاء،
تنتهي بسلام مش بدعوات ولا بإنتقام ولا بأذى !!
وبيكفي إنون يدعوا لبعض دعوات حلوي من بعيد، وتضل الذكرى بيناتون عايشه.
ولمن الإنسان يكون عايش الحب مع شخص وفجأه يروح لشخص ثاني، هذا مش حب، هذا بس ليملي الفراغات العاطفيه يللي عم بيحس فيها بحياتو، مع إنه مش لازم احكي هيك لمن انا بعرفش شو هيي ظروف الناس، ومع هيك مش مقبول ومش طبيعي يللي بيمرق من علاقه لعلاقه.
وفي ناس بتعيش الحب لغايات شخصيه، او بس لإنها حابي تجرب هالشعور من باب حب الاستطلاع مش اكتر، بدون ما يعرفوا إنو مش الحب مش هيك.
والمشكله الاكبر من هيك يللي عم بلمسا بشباب وبنات هالايام، إنون لمن ينسجموا من اكم كلمه دغري بفكروا انون عايشين الحب !!
واكيد كل هالمواقف بتمرق ع الناس بمواقع التواصل والمنتديات.
الحب حب والإنسجام إنسجام، الإنسجام مؤقت وممكن يتفسّر صداق، او مجرد شعور مالو تفسير ومؤقت عكس الحب بيدوم وممكن يكون ابدي.
ومفش اشي بيغيظني اكثر من الناس اللي بيقولوا "جفاف عاطفي" !!
لهالدرجه الناس محرومين من الحب؟ انتوا مش محرومين، انتوا مش فاهمين شو يعني حب.
من وجهة نظري اقل اشي لازم نعملو اليوم هو إننا نحافظ ع مفهوم الحب النظيف والحقيقي لحتى نقدر نوصل هالمفهوم للجيل الجاي. بس بشك بهالاشي.
شكرا قصي ع الموضوع نقره لعرض الصورة في صفحة مستقلة