أكتب حروفي
أعجزتني التعابير و الوصوفِ
أحبك يا أغلى إنسان
لا تحسبني متبلّد المشاعر
إحساسي بداخلي ،، إحساس ألف شاعر
لكن لا شفت طرفك الفتـّان
سكتّ .. و أذهلني جمالك الساحر
أعذرني إن كان في طبعي الخجل
و أعذرني إن حسّيت في مشاعري بُخل
يا كثر العِبَر في هالزمان
خليتني من الحب دوم في شُوق و وَجَل!
أبيك بس يا حياتي لا تظلمني
آه لو تدري عن الشوق اللي فيني
بشوفتك .. إحساس غريب يجتاح الكيان

تبيني أقولك كلمة أحبك
تبيني أقولها و يحس فيها قلبك
عجز عن البوح اللسان
و القلب يهتف .. والله أحبك و أبي قـُربك
يا أجمل هدية أهدانيها القدَر
يا اللي معك بس يحلى السَمَر*
مالِك عليّ حلفان
لو قلت إنك في حياتي شمسها و القُمَر
إقرا يا حلو هالقصيد
إقرا .. لجل تعرف إني لغيرك ما أريد
بأقولها لك يا عمري بالفم المليان
أحبك
أحبك
و أحبك
هذا هو الشي الأكيد