ما رح جاوب عن كل سؤال لحاله رح جاوب جواب واحد بنمي عن كل الاسئلة
ليش الشب بروح يدور على بنت يحكي معها واحيانا نيته مو زواج ولا شي والبنات فيه كتار منهم المهم تقول عندي حبيب وهي اصلا ما بتحبه والمهم يسمعها حكي حلو وانه بسمع مشاكلها ؟
ليش لنقول خانت امها وابوها واخوها الخيانة الي نحكي عنها بتصير بحالة وحدة بعد ما يكونوا الاهل تجاوزا كذا منطق بالتعامل والترباية وهنن
اول منطق ما يربوا بنتهم وابنهم انه عيب تحكي مع شباب او بنات يربوهم انه حرام او حلال لانه للاسف العادات والتقاليد وكلمة عيب ومو عيب لغت منطق وتحكم الدين بحياتنا كلمة حرام مع انه يفهوهم ليش الشي حرام وانه الحلال احلى رح يعملوا بهيك شي
تاني منطق هوي الثقة والاهتمام لو كل اخ واخت واب وام جوات العيلة عملوا جو الثقة والحوار ومشاركة الحزن والفرح والتواصل مع بعضهم دائما ويطلعوا ويفرحوا سوا باكدلك مليون بالمية البنت او الابن ما رح يروح يدور ع بديل لانه عندها او عنده اخ او اخت جاهز يسمعه وقت بده وبحبه كتير لدرجة بيعيطية روحه
ثالث شي انا مجتمع شرقي يعني ازا الاخ عرف اخته بتحكي حدا بصير بده يقتلها طب اطلع ع حالك اول ما حكيت ما بنت انت والها اخ هالبنت بدل ما يتصرف هيك ليش ما يحكي معه ويشوفوا بده الحلال اول ولا شو ويجمعهم سوا ومن ناحية تانية الحكي كتير بعلاقات ما بايده بقصد الاهل من وقت يبلش عمر البنت 16 واكتر يحكوا معها بهيك موضوع انه وقت تحب ويحكي معها تحكي لاهلها على طول وانه ما رح ياذوها وهيك شي يدلوها على طريق الحلال هنن بدل ما توقع وتخاف بالغلط
وقت يكونوا الاهل ربوا ولادهم على الدين والثقة والحوار واعطوهم امان ناحية ازا حبيت تعال واحكي ورح يساندوهم وقتها ازا صار متل موضوع السؤال فهون بكون فعلا الشخص خان دينة واهله وكل حياته