منتديات قلب فلسطين - عرض مشاركة واحدة

10-10-2017

أسئــــــــلة البـــنات :

1) هل تريـن وجود فرق بين الوقت الحالي وقبل 8 سنوات في التربية وطريقة اللبس وعاداتنا وتقاليدنا ؟

اكيد فى فرق بس مش هالفرق لكبير يعني بس للاسف كل شيء بيتم تغييره للاسوء

2) ماذا يمكن قوله لوالدك ولوالدتــك .. بخصوص طريقة تربيتهم لكي وتفكيرهم ؟

مابعرف ياننوش يعني هما كانو بزمن وربونا بالطريقة يلي هما شايفينها انها صح ، بس مابنكر انها طريقة صح واي شي بيطلع منى غلط

فهاد ما بيكون من انهم ما عرفو يربو لاء ، بيكون منى انا

3) هل هناك تخوف لديك من العنوسة ؟ ومتى تبدئين بالتفكير بموضوع الزواج ؟ وهل هو موضوع يشغل بالك ؟

ما بفكر فيها من هاد المنطق ياننوش ، يعني بنت ربنا كتب الها نصيب تتزوج هتتزوج ربنا ماكتبلها تتزوج هاد نصيبها وبدها ترضي فيه لهيك مواضيع العنوسة وارتفاعها وانخفاضها مش

كتير بتشجعلها لانه بالذات موضوع الزواج مقدر ومكتوب ..

موضوع الزوج مابيشغل بالى بحد ذاته ، بس فكرة انك ترتبطي بحد بتحبيه ، وانه ممكن ما تكونى من نصيبه هاد يلي بفكر فيه

4) هل من المهم للفتاة أن تزيـــــد من اهتمامها بملابسها ؟ وماذا يعني المظهر الخارجي بالنسبة لك ؟

اكيد طبعا ، بس الاهتمام يكون باعتدال برضو ، يعنى بشوف بنات بشكل جنوني بيهتمو بموضوع اللبس ، بالنهاية المهم والمطلوب ان اللبس يكون حلو ومرتب ومناسب للعمر

المظهر الخارجي بيترك الانطباع الاول لاي شخص ، بس مش بالضرورة يكون صحيح يعني ممكن اشوف بنت شيك خالص ومرتب لبسها وفخم بس هيه بحياتها العادية لا هيه مرتبة ولا شيك ولافخمة
وتفكيرها صفر

5) ما هو أكثــر شي تخشينه في الحيــــاة ؟

الموت

6) ماذا يعني المستحيل بالنسبة لك ؟

ما بامن بهاي الكلمة ، لانه بحياتنا مافى اشي اسمه مستحيل ، يلي كان الناس يحكو عنه مستحيل قبل خمسين سنة صار هلا واقع ، لهيك مافى شي صعب

دام العقل بيشتغل

7) ما الشيء الذي ترغبين بفعله .. ولكن العادات تحول دون فعلك له ؟

مافى ، كل شي بخاطري بعمله

نقره لعرض الصورة في صفحة مستقلة ما أكثـر شيء ندمتي عليه .. ولو كان بيدك الأمر لقمتي بتغييره ؟

دخولى عالم النت

9) ما الذي ترغبين تحقيقه عل مستوى وطنك والناس ؟

اي شي بيسعد الناس برغب بتحقيقه اكيد

10) هل تتخيليـن حياتك من غير مكياج ؟

هو انا ما بتعامل بالمكياج لاتخيل حياتي بدونه

11) برأيك ما الصفــات التي تمتاز بها المدارس الحكومية عن الخاصة ؟

بقطاع غزة وحسب علمي /

على صعيد المعلمين / بيكونو محرومين من الاجازات السنوية يلي بيغطيها الراتب ،

على صعيد الطلاب / يمكن عدد الطلاب بيكون اقل ، والرسوم الدراسية اغلى

بس اظن ان الحكومية افضل

12) ما الذي يمــيز الشباب ببلدك (على حسب جنسيتك)) عن غيــره ؟

النخوة والحمية والغيرة ، واعيين وبيتحملو مسؤولية غير عن الشباب التانية

نسبة التعليم عندهم عالية ، على قد الحرمان يلي عايشين فيه الا انهم قادرين على العطاء والتكيف مع كل الظروف

وبيكفى انهم ولاد بلدي ليكونو متميزين عن الكل

اسئلة حلوة كثيرة ياننوش

الف عافية ياحلوة