منتديات قلب فلسطين - عرض مشاركة واحدة

09-17-2017

بلاحظ وبحترم المجتمع المسلم اللي بيشدد ع إنه تكون البنت المسلمه محتشمه وخصوصا تكون لابسه حجابها اللي يُعتبر فرض ديني.
واكيد المفروض المسلمات ما يكونوا بهالشكل يللي انتي وصفتيه، بس ما بظن البنت ممكن تلبس بدون موافقة اهلها، يعني إلا ما تلاقي الاهل راضيين عن هالموضوع،
بذات الوقت في اشي إسمه "قناعه"، الإنسان لازم يكون مقتنع او خليني لازم يوصل لمرحله اللي فيها عنجد يحب الاشي ويعملو من "قلب ورب" وهالشي بطبقو ع الحجاب،
وكل هالبنات المسلمات اللي مش متحجبات، إلا ما يجوا يوم ويتحجبوا، ما بصير نتطلع عليون بمنظار سلبي بمجرد إنون مش لابسات حجاب (إلا إذا كانوا منحرفات مثل ما انوصف فمقدمة الموضوع)،
اخرتون رح يتحجبوا بس كل اشي بالحياة في إلو وقته، واكيد ربنا هو اللي بيهدي الناس، صعب البشر يفرضوا الحجاب لإنه مش هني اللي بيهدوا، ربنا هو اللي بيهدي وربنا بيعرف ايمتا يهدي كل شخص بس كل اشي بالحياة بتحس في إلو وقتو.
انا مش مسلمه ومع هيك بس حبيت اترك هالتعليق.
بشكرك عالنقاش نقره لعرض الصورة في صفحة مستقلة