مجــتمع-- معـ.ـاق -- معـ.ـيق -- يعـ.ـيق
 

شو عم تدرسي ؟
تمريض
مجنونه انتِ؟ بتعرفي إنه مصيرك تشتغلي مع رجال ودوامك كلّه شفتات؟ بكرة بس تتزوجي اولادك وين رح تخليهم ..

شو عم تدرسي ؟
طب
تق.تلي حالك (٦) سنين دراسه، لا وهالوقت صاروا (٧)
سنين ، يعني بدهن يضيعوا من عمرك وانتِ لسا ماتخرجتي .

شو عم تدرسي ؟
هندسه
هاد تخصص للشباب مش الك ؛ ياعمي بيقول المثل اعطي الخبز لخبازه ولو اكل نصه .

شو عم تدرسي ؟
إعلام
يعني ناقصك أكشن !
وقت الحرب الناس بتتخبى، وانت وقتها بدك تركضي وتدوري ع صور وحقائق، ويمكن تموتي منشان قضية بالأصل ميته من زمان .

شو عم تدرسي؟
صيدلة
على ايييش كل هالتعب كله ؟
وبنهاية المطاف رح يسمّوكِ بياعة أدوية .

شو عم تدرسي؟
-جـرافـيـك
يعني آخرتك تلوني و ترسمي ، هلا من كل عقلك معتبرتيها دراسة .

شو عم تدرسي ؟
طب أسنان
ولك شو بدك بهاد القرف ، (٥) سنين بدك تدرسي منشان بالاخر تحطي ايدك ب تم واحد اكل توم وبصل

شو عم تدرسي؟
- تربية ... لغات .... علوم عامة
ولك الأساتذة معبيين البلد وهيك هيك حيطلع جيل فاشل ، رح يضيع عمرك كله وانت راكضة من مسابقة لمسابقة ، يعني رايحه ع البطاله على طوول .

شو عم تدرسي؟
حقوق
اوووهه بدك تدرسي وتتعبي وتصيري محامية، المحاماة مش للبنت لأنها ضعيفه , بتمرمطي حالك من محكمه لمحكمه وبالاخر بدك تدافعي عن حدا ممكن يكون مجـ.ـرم وقاتـ.ـل هاي شغلة رجال يابنت .
وكأن القانون فقط (محاماة) .

شو عم تدرسي ؟
والله أنا اختصرت الطريق وتزوجت ، بدون ما كمل دراستي .
له له ليش هيك مستعجله ، يا بنت الناس كنتي كملتي دراستك ، محدا رح ينفعك بهالايام غير شهادتك

ههههههه فعلا مجتمع معاق ومتخلف كمان
ياااااه شفنا كثير وسمعنا حكي كثيرررر
حبيت موضوعك لانه واقعي
عوافي لعيونك خيوو

لازم تلاقي حدا يحبطك او ينتقدك
فلهيك كل حدا يعمل اللي براسه واللي بده ايااه وخلص
يعطيك العافية لادراجك ..

ههههه انا فتت كرمال اشوف ردك
ف لقيت ردك حلو واعجبني ومعك حق والله

ولا بعمرك رح تعجب الناس
لهيك لا تحكي و لا تجاوب لحدا ..

يسعدكك امير

هذا مثل جحا وحماره
كلام الناس لاقيمة له لأنه لن تسلم بجميع الأحوال
أشكرك على الطرح

كلام الناس مايخلص
عوافي امير