الدنيا سيرك و مسرحيه !!
 

الدنيا سيرك و مسرحيه .. و ناس كتير عنيها عليا
و اللى قلبه بدون حنية .. و ملهى بايع القضية

واللى يدور على الامان .. و اللى ناسى انه انسان
مالدنيا فيها اشكال و الوان .. فيها القوى عامل غلبان
شوفنا كتير فيها و قسينا .. كتر الخيانة و الغدر بينا
من الصحاب واقرب مالينا .. طب مين فى الدنيا باقى علينا

ده الدنيا غابه و فيها اسود .. اه لو عرفت اللى عرفتو
هنا واحد صدقتو امنتو .. و انا ياما من خيرى اديتلو
و لا كان فى بالى يبان غدرو .. ندمنى ليه انى عشرتو
فيها قلوب ماليها ملامح .. فيها العيب فيها الناصح
فيها الفالح خد الدرس ..فيها الجديد وابن امبارح
ما هو سحر الدنيا زى البحر.. فيها العازب فيها المالح
مهوش طالبين من الدنيا .. غير ان الحق يبان له طريق
واخدينها ليه بسكك تانية .. ده بحورها فانية ماتبل الريق
تخسرها لو باقى عليها .. تندم لوعشت بقلب رقيق
ما هى الحقيقة لازم تتقال .. ان الدنيا كلها شمال
صحبك يبعاك علشان يوصل .. ويبقى الجمل هو الجمال..