أخبار_عالريق
 

#أخبار_عالريق 817 يوم
✅يكتبها/ #سعيد_الطويل

■اليوم محدش يسأل توقيت جديد ولا قديم ،خلصنا من هالاسطوانة ،الصلاة والدوام والدوا والأكل والشرب والمشاوير كله بالتوقيت الصيفي صار ..

■ أهلنا بالخليل شيعوا 5 وفيات من عيلة وحدة ،بعد ما انحرق بيتهم بسبب شاحن جوال.

■الحمد لله الدفاع المدني سيطر على حريقة كبير في مخزن للخشب جنب الجرجاوي مبارح بالليل

■ فتح نزلت بيان رسمي الها بتهني فيه الناس بفوزها بانتخابات البلديات بالضفة

■عموماً غزة طلعت ملهاش علاقة بالوطن وموجودة بس للمشاكل والطوش والحروب وقطع الرواتب وتأخير شيكات الشؤون.

■توفى ولد صغير عمره يا دوب 3 سنين بحادث سير جنب مجمع الصحابة بغزة من دار أبو الكاس

■الوكالة بدها تبلش توزيع استمارات تسجيل لبرنامج ألعاب الصيف هذا الموسم

■ نتائج امتحانات التوظيف للحكومة آخر هذا الأسبوع ان شاء الله.

■شكلها الأمور حتتصاعد بالقدس الفترة الجاية ،لانه المستوطنين ناويين يقتحموا الأقصى برمضان

■اتحاد المعلمين اعلنوا انهم حينصرف راتب كامل الهم خلال الأشهر الجاية

■اليــ ـهود مش راضيين يطلعوا تصاريح للناس الكبيرة بالعمر من غزة عشان تصلي بالأقصى.

■فش عروض زي الخلق هذه السنة لرمضان لحتى الآن كلها ضحك عالدقون

#صباح_الخير لجماعة الصيف وجماله وتوقيته ونشاطه ومشاويره الحلوة وأكلاته وبداية خيره بشهر رمضان الكريم ..

أصلاً الكلمنتينا والبرتقان أبو صرة والبلنسيا والكروفوت والبوملي والبوميلت والسكري والبزيلا بيجوش ولا حاجة قدام حبة مانجا ساقعة تاكلها وانت لحالك قدام المجلى بالمطبخ بعز الصيف ..ولا شقحة بطيخة من إللي يحبها قلبك وانت قاعد عالبحر تبل ريقك ..

بكل الأحوال شهر الخير جاي وان شاء الله يكون فيه كل الرزق وراحة البال

#أصدقائنا محتاج فرشة هوائية للضرورة بعد اذنكم لشاب مريض سرطان حاول توفيرها بشتى الطرق لكن لم توفر حتى اللحظة ..مين يخدمنا بياناته عالخاص ؟

#يسعد_صباحكم 🌹
الأحد 27-3-2022

ييسسلموو لممتابعةة
+ وردهة

يسلمو ع المتابعة
عوافي

هانت

الله يفرجها
عوافي

مشكور للمتابعة و النقل

يسلموو ع الأخبار المنوعة
والمتابعة الجيدة أخي
ربي يسعدك ويحفظك
طابت صباحاتك