أخبار_عالريق
 

#أخبار_عالريق 816 يوم
✅يكتبها/#سعيد_الطويل

■أول حاجة لسة الساعة متغيرتش ،هذه الليلة حتتغير وبتزيد ساعة لقدام ،يعني حنضلنا نسمع بقصة قديش الساعة ؟ -طيب بالتوقيت الجديد ولا القديم ونندوش فيها من هان لآخر الأسبوع ؟🤔

■مسكت المكافحة فوق ال6500 حبة روتانا بمعبر كرم أبو سالم كانت داخلة جوا بأواعي العيد تبعت النسوان.

■أعلنوا مبارح عن مقتل الشب مصعب جميل مطاوع من خانيونس وهو في سيناء.

■ في عروسة من رفح اندفع مهرها مبارح #باليورو ،ليش بعرفش !

■بيقولوا انه اليــ ـهود حيسمحوا للناس إللي عمرها فوق ال60 من غزة بالصلاة بالقدس الفترة الجاية.

■في تدخلات مصرية عشان الأمور متصعدش في غزة أو بالضفة مع الاحـتـ لال.

■عموما في اليوم انتخابات للبلديات بدولة الضفة الغربية ،لو ما عندكم علم

■بدهم يطوروا حاجز ايرز ب40 مليون شيكل ، وحيزودوا حصة العمال لتوصل ل20 ألف عامل.

■احتمال كبير تنصرف الرواتب للموظفين آخر هذا الأسبوع عشان رمضان.

#الله_يصبحكم_بالخير
ويجبر خواطركم 🌹
السبت 26-3-2022

يسعد مساك

مشكور

يسلموو ع الأخبار المنوعة
والمتابعة الجيدة أخي
ربي يسعدك ويحفظك
طابت مساءاتك

يسلمو ع المتابعة
عوافي

برككتناا الامميييرر
+ وردهةة

كل الشكر للمتابعة و النقل