ممكن ما تدقق كتير ع اخطائي ..!
 

ممكن ما تدقق كتير ع اخطائي ..!
انا ماني بفترة منيحة ..
و يمكن انت كمان ..
بس ماعندي زوايا يبان فيا هالجانب التعبان ..
غير المطلة عليك .. حاول ما تركز كتير فيا ..

و اذا صار و ركزت .. لا تعاملني ك قاضي ..
او للاصح .. انا بعرف كل النصائح و الاحكام يلي ممكن تنحكى
و بعرف كتير منيح انو كلشي بهون ومن هالحكي
ف الاحسن انك تعمل حالك مو منتبه كتير ع نفسيتي
او منتبه .. بس ماعندك مشكلة بالموضوع
لانك متفهّم .. او بتقدّر ..

و الكلمة يلي بتطلع مني بلا تفكير
هيي حتماً طلعت لأن روحي بترتاح قدامك
ما بظن الها معاني
او لأن عم تطلع قدام الدنيا بطريقة غلط
منرفزة .. بطريقة انفعالية
لان قلبي معجوق بالنكران وما عم يعرف يتقبل
ف حاول تتقبلني

تقبلني لان من جواتي عروقي صايرة هشّة
و مرونتي شوي خافة
و التفكير شوي مشلوش .. وضايج
و ما بدي تضغط ع حالك كرمالي
بس خفف نبرة العتب .. او نظرة العتب .. او لهجة العتب ..
و تعامل معي ع اني الشخص يلي انت بتعرفو
مو الحدا يلي عم تشوفو
لأن شوي عيوني متغيرة ع حالي🖤🥀

كل الشكر و التقدير

ممحلاهه الواححد يحسس بغغيرو
+ يسسلموو 3sl https://up.jo1sat.net/do.php?img=2377
وردهةة

كلاام جميل
يعطيك العافية لادراجك ..

انا بحب الناس اللي بتعامل معهم بعفوية
ما بهكل هم يزعلوا او يتدايقوا
غير هيك بكونوا بعاد عني
حبيت النص
تحياتي

حلو الكلام
قلال اللي بكونو هيك وبحسو فيك منيح

التدقيق في كل شيء مؤذي
خاطره معبره شكرا الك ياحلوه

خاطره جميله ومعبره

لروحك سعادة لا تنتهي