|
اريد حلا
صباحكم معطر بماء الورد احبتي الاعضاء
كلنا نعلم ان الحب هو أجمل المشاعر وأسمى الأحاسيس التي يخبئها القلب والروح ولكن أصعب العلاقات هي التي تكون غير مفهومه فلا يشعر الطرف الآخر بالحبيب وما يكنه له من مشاعر حب وغراما انا اعيش في حيره قاتلة لا يمكنني أبداً التخلص منها انا احب فتاه سوريه حب لايوصف هي تحبني لكن لا اشعر انها تبادلني نفس الحب او تمتنع وهي راغبه جدا في حبي لانها اخر لقاء كان بيننا وضعت شرط ان نعيش حياتنا في سوريا او تركيا وانا لا اقدر ان اوعدها بهذا الطلب لانه ممكن في اى وقت ارجع الي بلادي فلسطين هي ترفض قطعيا العيش بفلسطين ممكن اختلاف الجنسيات يلعب دور في الموضوع كونها سوريه وانا فلسطيني رغم انها ظروفها صعبه بسبب ما يتعرضون له من هجره من وطنهم ووضعها المادي سئ وانا ادفع لهم اجار البيت واهلها كلهم يحبونني ونعيش متل اسره وحده امها تبعت لي الاكل كل يوم واخرج انا وهي ولكن اشعر انها غامضه او خائفه لا اعلم ماذا افعل وبصراحه استغرب من طلبها هذا وانا خائف ان اوافقها الراى ماذا افعل صدقوني احبها جدا جدا جدا ارشدوني يمكن اجد عندكم حل تحياتي لكم |
اول شي ربنا يجعلها من نصيبك
ويوفقكم لكن لو انا مكانك مابرجع لفلسطين هتقلي الغربة صعبه كلامك صح بس ما هتكون أصعب من وضع هالبلاد واكيد رفضها من باب انو فلسطين محتلة ووضعها مأساوي بسبب هالاحتلال تركيا وضعها كويس مقارنة بفلسطين وسوريا فتره وان أراد الله بينتهي كلشي فيها اتزوج وخليك بره ووقت تشتاق للبلد تعال زيارة مثلك مثل باقي الناس |
آكتر حدا عندو جواب هالشي آنت
وقد مانعطيگ حلول شو نابع منگ آنت رح تقررو لو آنت مقتنع فيها گ شريكة وزوجة وانها تگمل معك حياتك بما يناسب حياتك وظروفگ وقناعاتگ امضي بخطواتك وامشي صح وفكر واستخير ولو العكس وفي تردد اتركها بحال سبيلها الله يوفقك ويسعدك ويبعتلگ خير الآمور ويصرف عنگ شتات الامر والتفكير تحايا عطرة |
بما أنك طلبت حل فأرجو أنك تفهم كلامي كويس وتتحملني
كلامك فيه اكثر من ثغرة خلتني أشك انها ممكن ما تكون بتبادلك نفس الشعور اول ثغرة أنك حكيت انك لا تشعر أنها تبادلك نفس الحب أكيد شعورك هذا لم يأتِ من فراغ ثاني ثغرة أنت حكيت ان ظروفهم صعبة وإنك بتدفع لهم أجار البيت ما خطر ببالك أنها ممكن تكون بتستغلك أو بلاش بتستغلك ، ما خطر ببالك أنها ممكن تكون خجلانة إنها تصدك أو تحكيلك انها غير راغبة فيك بحكم انك منيح معهم ومثل ما بتحكي بتدفع لهم أجار البيت كان المفروض انك تحط الإحتمالات هذه قدام عيونك وتفكر فيها وتحللها كويس الثغرة الثالثة انت حكيت أنها غامضة وخائفة ، والحب أمان وثقة شعورها هذا ما أعطاك تنبيه إنها ممكن تكون مترددة أو ما اتخذت قرارها لسى في الإرتباط فيك وأنت مش معطيها فرصة تتخذ قراراها بحكم انك ممكن تكون فارض نفسك عليها أو بحكم ان ظروفهم صعبة وانت بتساعدهم فهي مش قادرة تواجهك أو ترفع عينها فيك انا برأيي تعطيها مساحة من الحرية وتحاول انك تساعدهم بطريقة ثانية غير مباشرة وما يكون لك دور ظاهر في مساعدتهم لأن كما يُقال " اطعم الفم تستحي العين " وممكن يكونوا خجلانين منك او مش قادرين يواجهوك بحكم انك بتساعدهم وان حالتهم صعبة بالطريقة هاي لما يكون لهم مصدر دخل او طرف يساعدهم بعيد عنك ممكن وقتها يقدروا يواجهوك بالرفض او بالقبول بطريقة صريحة ومباشرة بعدين الي بيحب أحد مستعد يروح معه وين ما يكون المهم يكون معه فكر في كلامي كويس وارجو انك تتقبل ردي في النهاية انا ما بحاول اني اجرحك او اجرحها او اسيء لها كلها مجرد افتراضات قد تحتمل الخطأ وانت ادرى تحياتي لك |
بتفق مع احمد بالثغرة التانية
هي اول شيء لفتت نظري بكلامك بعتذر على التعبير ، لكن ممكن رح تتزوجك بس عشان بتصرف عليهم ازا تركوا بعض محدش رح يصرف عليها و على اهلها و يمكن خايفة تيجوا فلسطين و يبقوا اهلها هناك بلا مصروف و اجار بيت ! و برضو يمكن بدها تختبرك ، كونك المعيل الوحيد لها و لأهلها ممكن بدها تشوف رح تتسلط عليها و تجبرها على شيء كونك اقوى منها مادياً و لا مش ببالك هالشغلة و رح تاخد بكلامها و تعمل برأيها تحياتي |
اقتباس:
ان شاء الله تكون من نصيبي يارب المشكله مو في الغربه انا متعود علي السفر وهيك امور ومعاك انه فلسطين الوضع فيها صعب لكن بتضل وطن والوطن غالي هي رفضاها مو علشان فلسطين وضعها مأساوي لالا هي رافضه الفكره اصلا لان ممكن الحال يتغير بيوم وليله انا في حيره بجد يسلمو علي مرورك الرائع بروعتك تحياتي الحاره |
اقتباس:
صباحك معطر بالوردااات انا كتب الموضوع لانه ماعندي حل وتعبت من التفكير في هاي القصه لانه الانسان بيمر في ظروف بتقفل معاه كل الحلول لهيك انا طلبت رايكم ولعلي اجد حل تحياتي خيتووو |
قلب فلسطين
الحب مشاعر جميلة بين طرفين تجعلك تشعر بحب الطرف الاخر حتى وان لم ينطقها وبما انك ما شعرت بمشاعرها اتجاهك ... أظن يجب عليك ان تقف مع نفسك وتبحت عن أجابه لمشاعرها اتجاهك في ذاتك ، ... وبما انه ظروفهم المادية صعبة وأنت من تتبني بعض من تكاليفهم المادية هذا يجعلها لا تستطيع ان تقولها لك بشكل واضح .. فالحاجة المادية من أصعب ما نواجهة وتجعلنا نقبل بامور قد لا تريدها قلوبنا لكن العقل هو من يريدها وهذا هو ما تمر به الفتاة العقل يريدك نظرا للظروف التي تعيشها هي وأسرتها .. بالنهاية أنت وحدك من تستطيع الشعور بما في قلبها اتجاهك وهي اظنها بين صراعيين القلب وهذا لا يعني انها لا تحترمك ولكنها لم تصل الي مشاعر الحب.. هذا حسب كلامك والعقل الذذي فرضت عليه الظروف الصعبة الخيارات أمامهاااا .. لك تحياتي |
اقتباس:
اسعد الله اوقاتك بكل ما تحب اكيد راح اقبل كلامك علي راسي خيو لعلي اجد عند حل اولا اشعر انها ما بتبادلني نفس الشعور هتد صحيح لكن بعض احيان بشعر انه انا ماء الحياه الها بالنسبه انها بتستغلني لالا ما اعتقد لانه لانه هاي مبادره مني وبغصب لما قبلت هاالشي لانه بينا علاقه اسريه حتي اني بسهر عندهم وكتير ليالي نمت عندهم انه تستغلني لاهاد بعيده كتير ما اظن انه بتتعامل بهاد المنطق لانه بالعافيه قبلت هيك شي اما انها خايفه ما بقصد انها مو حاسه بالامان لا لكن في شي بيمنعها ما بعرف شو هو بصراحه هي متردده بلا شك لكن شو السبب ما بعرف خيوو صحيح كلامك انه اللي بيحبواحد مستعد يكون معاه في اي مكان لكن انها تبعد عن اهلها ممكن تكون صعبه هي ما عندها مانع الا انها ما بدها تستقر في فلسطين وبحس انها تتهرب منهالشي انا مش قادر اوعدها انه ما راح ارجع فلسطين يمكن تاتي ظروف والوضع يتحسن في فلسطين شو موقفي راح يكون وكيد راح كون كذاب بنظرها وانا ما بدي افشل لانه انا بجد كتير متعلق فيها وباهلها رغم انها من بيت ميسور الحال الا انها بجد فيها مواصفات فارسه احلامي وعيله راقيه جدا تسلم خيو علي مرورك ومداخلتك |
اقتباس:
مع رأيي هل كان حبا واعطاك المفيد كله بتفصيل عوافي وربنا يكتبلك الخير |
| الساعة الآن 01:41 PM |
Powered by vBulletin™ Version 3.8.7
Copyright © 2025 vBulletin Solutions, Inc. All rights reserved.
هذا الموقع يتسخدم منتجات Weblanca.com
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd.