منتديات قلب فلسطين - شوية نصائح مفيدة للبنأدمين !

شوية نصائح مفيدة للبنأدمين !

1_ اتعشم فى الله و بس ، ربنا هو السند مش حدا ثانى .

2_ الأخلاق اتغيرت ، فبلاش تثق فى حدا .

3_ صاحب جدع ، أحسن من الف ديكور .

4_ الوحدة أكرم ، من عشرة المنافقين .

5_ متلجأش لحد فى فلوس ، الا لما تكون واثق أنه لو معاه مش هيبخل عليك ، لان المعامله فى المال دايما بتفسد العلاقات الهشه ، و الأفضل متتعاملش .

6_ متخافش على حد مش خايف على نفسه .

7_ الجدعنه الها حدود .

8_ ماتجيش على نفسك علشان حدا .

9_ إلى يخذلك مرة ، اتبرع فيه دون تفكير .

10_ أتعلم من غلطات إلى حواليك كويس ، عشان لما يجى الدور عليك تاخذ القرار الصح .

11_ الصاحب ساحب فياريت تستنضف

12_ لما ربنا يكشفلك معدن حدا ، متتجاهلش الرسالة .

13_ ما تتأثر بمرور الأوغاد ، احمى أخلاقك من التلوث بأمراض العابرين .

14_ خليك فاكر فضل الناس عليك ، مهما صدر منهم .

15_ متصرحش بحبك لحدا ، علشان هتتأذى نفسيا فيما بعد .

16_ كل ما تقع استقوى، متتضعفش .

17_ متندمش على شئ مهما كانت قيمته ، كله بيتعوض .

18_ متخافش ، عشان انت هتموت مرة واحدة بس .

19_ حافظ على الناس إلى بتخاف على زعلك ، و اتمسك بيهم .

20_ متحاولش تبرر افعالك لأى حد ، إلى بيحبك هيفهمك صح و هيحسن الظن بيك .

21_ متسألش على حدا مقصر من ناحيتك عمدا .

22_ إلى يترسم عليك متشفهوش ، أعتبره دخان .

23_ إلى يتخلى عنك وقت ضيقتك ، دون اسمه فى قائمة الأحياء الأموات .

24_ متلومش حد ، إلى ميحسش بزعلك تلقائيا من نفسه ، متهتمش لأمره .

25_ تلاشى #الجدال مع الحمقى ، لأنه المرض الوحيد إلى بيعدى إلي يعالجه فعلا .

26_ لما حدا ينتقدك بطريقة ساخرة ، عاقبه بالتجاهل .

27_ ابتسم دائما للجميع ، الا من خذلوك .

28_ افحص صفات الشخصيات كويس ، قبل ما تضيع لحظة من عمرك معاهم ، من حقك تقبل او ترفض عيوبهم ، لكن لو قبلت متلومش الا نفسك .

29_ الفلوس شئ مهم طبعا ، بس ما تتأثر بالمرضى إلى حواليك ، و تخليها من أولوياتك .

30_ يا تتعب و تعيش تتمتع بنجاحك ، يا تستسلم و تكمل حياتك مع الناس العاديين ، إلى بيعدوا على الدنيا من غير ما يسيبوا فيها أثر .

31_ حافظ على أهم الأشياء فى الدنيا ( رضا الوالدين ، الصلاة ، الرضا ، الصبر ، الصدقة ) .