لا تخلّي حدا يتصدّق عليكِ بحقوقك." 🌻🦋
 

"-و على أيّ أساس قرَّرْتِ إنّو هوِّ مناسب للزّواج؟

• " ما خانني ولا مرّة "
• " ما بيكذب عليّي "
• " ما بيعرف بنات غيري "
• " ما بيضربني ولا بسبّني "

اي وإذا؟ هاد واجبو تجاهك و تجاه ربّنا، هيّ مش أسباب كافية لتقرّري الزّواج منّو!
اللي ما بينعدّ بخانة الرّفض، مش معناها هوِّ بخانة القبول!

شو رح تستفيدي إذا كان مو خاين، بسّ مو طَموح،
هوِّ ما بيكذب عليكِ بسّ ما بيعرف يناقشِك،
ما بيعرف بنات غيرك بسّ ما بيعرف يغازلِك،
هوِّ صحّ ما بيضربك ولا بسبِّك، بس بكتير مرّات بيفهمِك غلط لأنّو ما عندو بُعْد نَظَر، و ما قدِر يفهم شخصيتك ولا مرّة.

المُمَيِّز فعلًا، هوِّ مش اللّي ما بيئذيكِ، ولا اللّي بيدخل على حياتِك و ما بيخربها..
لا.. هوِّ اللّي بضيف لحياتِك شي جديد، اللّي بيسعى لفوق و بشدِّك معو، هوِّ اللّي بتقدري تناقشيه ساعتين و تلاتة بدون ملل.
الذّكي، الحكيم، الجريء، الموهوب، القوي.

ما بكفِّي إنّو ما يحوّلك لكائن ضعيف و بشع، دوّري على اللّي بقوّيكي، بحلّيكي، و بضيف لحياتك معنى.

- مشكلة كبيرة إنّك تشوفيه عظيم لمجرّد إنّو مانو شاذّ عن الطّبيعة، و المشكلة الأكبر إنّو تكون أعظم طموحاتك هيِّ حقوقك!
لا تخلّي حدا يتصدّق عليكِ بحقوقك." 🌻🦋

كلام حلو كتير

يسلموووو

حلوو الحكي
يعطيك العافيه امير

يا الله ما أصدق هالحكي
وما أروعه من موضوع
معبر جدًا جدًا
تقييمي الأمير

طرح جميل
كل الشكر الك

_

طرحِ راقيِ ويستحق
المُتابعـةَ /سلمت
وشكراً ع المجهودِ

الامير
ردود الستات هنا يدل على عدم قبول هاذه الافكار هههههه
اشكرك

حبيت الكلام
طرح جميل الامير
يسلمو هالديات

ألف شكر على الإنتقاء الطيب