نبذة عن واقعنا المخزي
 

لما الشب يسافر على أمريكا أو أوروبا، ويعيش هناك فترة، ويتزوج بنت "شقرة" من هناك، ويرجع مع عروسته على بلده، بتلاقي كل أهله بيستقبلوها بحفاوة وابتسامة عريضة، وكل ما حكت كلمة عربية بيصير الكل يضحك نص ساعة، زي هديك اللقطة في فيلم "التجربة الدينماركية" والشاطر بيصير بده يوجبها ويخدمها، عادي .. ما فيها إشي.
ممكن حد يسأله من وين تعرفت عليها، ويحكيله إنها بتشتغل جرسونة بالمقهى اللي جنب الجامعة، وأخدوا بعض عن حب وزواج، والكل بيصير يحكي "يا عمي، شايفين العالم المبسوطة! حياة سهلة.."
ما حدا بيسأل ابنه: بنت مين هاي؟ أبوها شو بيشتغل؟ عندها إخوان؟ أمها عايشة؟ خواتها متزوجات؟! هاد الولد ابنك؟

أما لما الشب بده يخطب بنت من بلده معها 4 شهادات دكتوراة و 3 ماجستير ومتعلمة وفهمانة، بتلاقي أهله بينخلوها وبينخلوا أهلها تنخيل .. وبيبلشوا يسألوا "من وين متعرف عليها هاي؟!" "بنت مين اللي جايبلي إياها؟!"
شو يعني متعلمة؟ شو بدنا في العلم إحنا ! المهم بنت مين؟ أبوها مين؟ أمها مين؟ إخوانها مين؟ خواتها متزوجات ولا لأ؟ متعلمات ولا لأ؟ (هي مش مهم تكون متعلمة، المهم تكون من عائلة متعلمة، منطق مش مفهوم) من أي عيلة .. قبيلة .. عشيرة .. قرية .. مدينة .. منطقة .. بلد .. قارة .. كوكب ... كم خالة عندها؟ ليش بنت عم زوج أخت مرت خال أبو مرت عمها مطلقة؟! 🙂

#واقع_مُخزي.

\
صاادقة والله واقع غريب وبيخزي
مع انه بنت بلده ايش ما كانت بتكون افضل ع الاقل بدينها وعاداتها وتقاليدها
بس اللى ما يطلعوا عيوب الدنياا فيها
يعطيك العافية لادراجك ..

فعلا. واقعنا مخزي جدا

يعطيك العافيه

زمنن الععجايب
+ يسسسلموو ححببيتي
+ للاسسفف وواققعع وااع
وردهه

اى والله زمن العجايب
شكرا لك

للاسف واقع مخزي بكل معني الكلمه
يعطيك العافيه وتر

فعلا شي بيخزي
يعطيكي العافيه على الموضوع القيم

للأسف هيكا بصير دوما .
ولا تنسي بتتحاسب بنت البلد على جمالها إذا حلوة ولا مش حلوة . وإذا كان هو أجمل منها ، الف تلميح بتسمع ، والكل بقلك ما لقا غيرها ، اي هو ملك جمال وهي لا ، وايش حب فيها؟ عاد هو بيستاهل بنت أجمل .
وبينسوا الروح والعلم والثقافه .
فعلا وضع مخزي زي مقلتي .
مشكورة وتر عالموضوع المهم .

شكرًا لحضوركم.