منتديات قلب فلسطين - [ مموججزز الاخخباار

✅يكتبها/سعيد الطويل (2رمضان)
■بأول يوم رمضان كمين الملوخية غزا تلات ترباع بيوت غزة.
■زلمة هامل عمره "30 سنة" قتل ولد صغير عمره سنتين شمال غزة ،وشرد نص نهار وانمسك وهيو بيتحقق معه ع جريمته .
■رجعنا من أول وجديد لذكريات قطعة الكهرب عالفطور والسحور وناكل عالعتمة.
■اللي بده يطلع زكاة الفطر حددوها عن كل نفر 9شيكل هذه السنة.
■شهر رمضان هذه السنة في خمس جمع وهذه شغلة بتتكررش الا كل عشرين سنة مرة وحدة.
■ترامب المتخلف بيقلك بدهم يدقوا المرضى اللي بالكوورنا ابرة ديتول عشان يتعالجوا .
■مشعل اتصل بأبو مازن مبارح عشان يهنيه بشهر رمضان.
■ستة كيلو بندورة اليوم بمية .
■فتة الحمص حتتصدر المشهد الأسبوع الجاي عسفرة الإفطار .
■الخروب اللي بالبلد مش شد ايدك ،خفيف ومش معمول بنفس شكله.
■أربع حالات جديدة كورونا واحدعشر حالة تشافت وتعافت بالضفة .
■اللي ماتوا من الفلسطينية بالخارج صاروا أكثر من 50واحد والمصابين فوق العشرتلاف.
■مية وأربعة وتسعين يهودي ماتوا حتى الآن من كورونا.
■اليوم أول سحور عند تعون سلطنة عمان والمغاربة والسودانية ..رمضان كريم حبايبنا .
■خانيونس أكثر مدينة التزمت انه متكونش شوارعها زحمة والبياعين ضلوا بس بالمحلات بدون بسطات بنص الشارع.
■ع وجه الفجر بتاني يوم رمضان شب لقيوه شانق حاله بغرفته بخانيونس..لطفك يارب🙁.
■صبية صغيرة بالعمر ماتت موتة ربها بسكتة قلبية قبل شوية برفح .

#صباح_الخير لكل مريض موجوع والمرض هد حيله .
-صباح الخير لكل مريض نشف ريقه برحلة علاجة بالضفة واجا كمل وجعه بالحجر بغزة.
-صباح الخير لكل أم صحيت من النوع تكرعع بالمطبخ عشان تعمل السحور بموعده.
-صباح الخير لكل أبوه بيصحي ولاده الصغار عشان يفرحهم ويصلوا معاه الفجر جماعة بالدار .
-صباح الخير للناس الي يا دوبها دبرت سحورها وفطورها ،ورزق ربنا كان أسرع الهم.
-صباح الخير لأبو نادر بياع الجرجير ابو ورقة قد ورقة الدفتر،بتفتح النفس.
-صباح الخير للناس متوكلة ع الله ومصفية نيتها وصاينة لسانها عن أذية غيرها وبتحب تحكي الخير يا اما بتسكت.
باايي