يوميات زوجة في زمن الكورونا
 

ليش الاولاد شالحين جراباتهم؟؟؟
ليش مش حاطه الفنينله جوا بنطلونهم؟؟ بطنهم مبين هلأ ببردو...
ليش ما فطرتيهم بيض؟؟
ليش المي هيك طعمها؟؟
وين المتكات الأزاز لمين مخبيتهم؟؟
ليش عاملة الشاي بنعنع انا من ايمتا بحبه بنعنع؟؟
ليش مش حاطه ل سموكي (البسه) أكل؟
ليش ما قشرتي للاولاد تفاح وكيوي؟؟ انا لمين جايبو؟
وين الهاي جين؟
عبيلي ابريق مي وخليه جنبي
ليش مش مولعه التدفئه؟؟
ليش هيك أسلاك التلفزيون متشلبكه مع بعضها؟
ليش ضو الحمام مضوي؟؟
ليش لابسه بنطلون جينز بالبيت؟؟

وانا حاليا نفسي أطلع أركض بالشوارع بركي اجو واخدوني وحبسوني انشالله يحطوني بزنزانه انفرادي أشرفلي من هالوضع هاد
مستغرب من كل شي بالبيت تقولو مغترب و رجع جديد على أرض الوطن

#مع_هيك_خليك_بالبيت

ههههههههههههههههههههههه لسى ماشفتو شي
عاد الخير جاي بطريق

تسلمي ملوكه

هههههههههه
فاضي وبدو يتشغل فيها
يعطيك العافيه ملاك

هههه هاد بيكون قرفان البيت ويالي فيه
وبالعافيه كان يقعد بالبيت وهلقيت انجبر يا حرام ف بدو يفش غلو
عوافي لادراجك

كله من الحجر طلعت بلاوي هههههه


عوافي

هههههه لاحلوة


دامت روحك المرحة
لاخلا ولاعدم

هههههههه يسعدك ربي
و ان شاء الله هالوضع بنتهي ع خير
تحيآتي