![]() |
أخبار اليوم 78
أخبار_عالريق 78
✅يكتبها /سعيد الطويل ■محمد ،يزن ،منذر ،وخليل هدول الشباب هما أول الشهد اء الي رفضوا الصفقة بدمهم ثلاثة منهم بالضفة وخليل من غزة . ■مهند الطرمان شب جنتل بيشتغل بياع ورد ،جدع وشهم حب يرفض الصفقة بطريقته الخاصة ،شغل السيارة ودهسلوا 15 جندي...الله يفك أسره. ■كل تصريحات المسؤليين هاليومين تهييج فش ولا تصريح بناخذ منه لا علم ولا فعل ولا حتى مراجل. ■يخو شايف الشباب بتنفذ عمليات والفصائل الي بتبارك صارت ،تشقلبت الدنيا بشوف. ■الناس نسيت انه في شتا في هالكم يوم الي شمست فيهم الدنيا..بس المنخفض جاييكم. ■بيقلك فش حد متجلي قد عدنان المجلي ملوش علاقة بالطوشة وبالآخر مش بعيد يحطولنا اياه رئيس . ■مبارح دخلولنا غاز بيكفي فوق ال67ألف جرة ،بس يارب تنحل هالأزمة. ■الريال والبرشا برة لا تعايرني ولا أعايرك الهم طايلني وطاليلك. ■الاتحاد المصري رفض طلب الزملكاوية انهم يأجلوا مباراة القمة في الدوري . ■هذا يخوي الوكالة "بشر عليك" بدت تشطب كلمة الاجئين عن يافطات المدارس ،شكلهم بعونا. ■الملفوف ال3روس بخمسة شيكل. ■الجاج ب9شيكل اليوم والي بيقلك أكثر من هيك بيكون بده يكمرك يعني يكفتك. ■اليوم قبضة موظفي غزة ،نزلت الفجر عالصراف . ■أي واحد جاي من الصين حتاخذه وزارة الصحة من المعبر عطول عالحجر الصحي حيقعد هناك أسبوعين يفحصوه. ■الليلة الي فاتت مصارش فيها لا ق صف ولاصو اريخ شكل اليهو د زهقوا من #صباح_الخير لبياعين الخضرة الي نزلوا يشتروا بضاعتهم من الكمسيون من الفجر. -صباح الخير لبياعين الفول والفلافل الي بالحارات والمخيمات. -صباح الخير لكل ست عجوز صحيت ترتب خزانتها عالصبح. -صباح الخير لكل أم نشيطة صحيت تعمل مفتول ويخنية عشان تعزم أولادها وكناينها. صباح الخير لبايعين المية الحلوة والكنافة الي بنشوفهم قدام الجوامع . #يسعد_صباحكم ..جمعة مباركة 🌹 سعيد الطويل أبو رضوان |
يعطيك العافيه لنقل الاخبار
|
يعطيك العافيه علي الاخبار ملاك
وصباح الخير لكل فلسطين شكراً كثير الك تقديري |
يسعد صبااحك
هالاخبار اللي بكتبها بيكون رايق دايماً بس حلووة الطريقة يعطيك العافية لادراجك .. |
ثانكيو على الاخبار
|
صباح الخير لكل أم نشيطة صحيت تعمل مفتول ويخنية عشان تعزم أولادها وكناينها.
والله صاحية من ال ٨ ونص هههه اخبار من كتر الهم بتضحك الله يفرج الحال يسلمو للطرح. |
يسعد كل اوقاتك ملاك
ربي يرحم الشهدا ويصبر اهاليهم كل الشكر ع المتابعه الاخباريه عوافي،، |
| الساعة الآن 10:50 AM |
Powered by vBulletin™ Version 3.8.7
Copyright © 2025 vBulletin Solutions, Inc. All rights reserved.
![]()
هذا الموقع يتسخدم منتجات Weblanca.com
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd.