التسليم🤷‍♀️❤
 

#التسليم

عُمرك حسيت بشعور إنو في فكرة مسيطرة عليك؟ لدرجة إنها عم تاخد الحصة الأكبر والأعظم من تفكيرك؟
عُمرك حسيت حالك عالق بحلقة من التفكير بموضوع معين
ليل نهار بتفكر في، لدرجة بلشت تحس بضغط كبير بسبب هالموضوع
ومش قادر تلاقي حل ابداً
عمرك حسيت ب إنو موضوع معين مسببلك توتر، هم، قلق، إرهاق !
وسيطر ع نسبة 90% من يومك وعقلك !

الحل - إختيار الموضوع إلي مسببلك كل هالمشاعر المذكورة
جهز حالك تسلم هاد الموضوع ل ( القوة العليا ) مين القوة العليا ؟
الله سُبحانه

وإحكي ( بالطريقة إلي إنت بتحبها - صلاة ، دعاء، تأمل .. )
- أنا رح أسلم هاد الموضوع للقوة العليا - لله - لإني تعبت منو ومن ثقلو، وبطلت قادر أفكر في، واستنفذت جميع الحلول ب إتجاهو
ومن اليوم رح أوقف تفكير فيه تماماً رح أوقف تنبؤات مستقبليه، رح أوقف صراعات مع حالي ومع الغير ، لإنو خرج من إطار حياتي وتحول لمكان آخر.

بشرط كل ما يخطر هالموضوع ع بالك - تحكي الحكي هاد ب يقين تاام
لو خطر ع بالك ١٠٠ مرة - لازم تسلمو ١٠٠ مرة !

إذا التزمت بتقنية ( التسليم ) أنا بأكدلك رح تخف نسبة الضغط الي حاسس فيها لأكثر من النص
ورح تنحل المواضيع الي إنت فاقد الأمل من إنو يكون إلها حل

بوعدك يكون في أثر عظيم لعملية التسليم ع حياتك بشرط
الإلتزام .

من أنجح الطرق الي بنتعامل فيها مع الأشخاص الي بتوجهولنا ب إستشارات بخصوص التفكير الزائد ( overthinking ) هو إنو بندربهم ع تقنية التسليم

تذكرتها لانو اليوم استخدمتها ب إستشارة 🤗❤

#التسليم #التوكل

طرح مميز وقيم تسلم يمناك

ما في افضل من التوكل على الله بكل امور حياتنا
حتى بدون ما نوصل لدرجة التسليم
يعطيك العافية لادراجك القيم وادراجك الراقي

حبيت كتير الطرح

وفعلا كلامك صحيح
عوافي يا عسل

وبارك الله فيكِ

التسليم هو الرضى بقضاء الله وقدره
جميل ما انشئتي

تشكراتي

طرحك جميل وقيم تسنيم
سلمت اناملك علي الجلب
وننتظر جديدك
تحياتي

كأنه هالموضوع انكتب لالي
وانا فعلا بسلم اموري كلها لربنا
لكن هالكلام خلاني ازيد اصرار
واسلم امري كل يوم وكل حين
حبيت طرحك جدا
يسعدك ي رب
وم ننحرم اختياراتك المميزه
تقييمي والختم

دايما متوكلة على ربي
ووقت اكون مضايقة او مضغوطة
بعمل هيك
كمية الراحة يلى بحسها عنجد مش طبيعية
حلو هالموضوع
يسسلمو ي حلوة

ي الله شو حلو الكلام
مشكلتنا التفكير القاتل بدون حلول
هالشي بضغطنا وبارقنا
وما بخلينا ننام

نورتوا جميعاً والله يبعد عنا وعنكم الهم ♥️