أنا هو أنت .. خبرني مين أنا ؟
 

بتذكر أول يوم حكينا فيو ؟
كنت أنا اللون الأبيض والأسود
وانت كتير الوان
كنت مختلف كتير عني ..
غير لون وغير دين
غير بلاد وغير أفكار
غير احساس
حتى ذوقنا الموسيقي ما بيشبه بعضو
كنت نقيضي !
-: خلينا نمشي سوا ونلون الدنيا
=: موافق ، بس كل واحد فينا لازم يحاول ما يحب التاني .
-: أي انا ما رح حبك !
= بس أنا اذا بضل عم حاكي ملاك متلك بدي حبك !
بلشت حبك وكابر .. بلشو خيوطي يروحو لعندك
ورميت كل ألوانك علي ..
صرنا نتشابك وكلما نحاول نبعد نشبك ببعض اكتر
مرضت فيك .. صرت دور بدوامتك
وصرت تدور حواليي ..
تدور .. تدور .. تدور ..
لـ علقنا ببعض وعشقنا !
وهلأ؟ أنا روحي كلا صارت انت ..
انت كل الواني .. انت دموعي ووجع روحي
أنت لعنة قلبي الأبدية .!
أنا هو أنت ..
خبرني مين أنا ؟!

حسسب طلب @ملاك الحب

كلمات هالخاطرة حلوةة و قريبة من القلبب
يسعدكك اسمى ♡

وهلأ؟ أنا روحي كلا صارت انت ..
انت كل الواني .. انت دموعي ووجع روحي


قولك شو ح يكون رده عليها
رح يحكي شي يبكها؟؟ولا شي يرد روحها
رح يطيرها للسما برده عليها؟؟ولا ح يدفنها تحت سابع ارض
رح يحكي كلام يخليها تذبل؟؟ولا رح يسمعها اللي ناظرته ويرجعها اجمل
اااااخ منو الحب
ومن عذابه وذكرياته
وما احلى نعيمه
كتير حبيت اسوم
يسعدلي قلبك

محلا الخاطرة
من وين سارقتيها ههههه
بحب هيك كلام بالعامي

يسعدك

انت كل الواني .. انت دموعي ووجع روحي
أنت لعنة قلبي الأبدية .!
أنا هو أنت ..


م احلى هالكلام
اختيار مميز اسوم
دمتِ بحب

كلمات حلوة كثير وخاطرة رائعة
يعطيك العافية لانتقائك الذووق..