أشياء بسيطه عامليتلك اكتئاب ودوشه وانت مش داري!
 

أشياء بسيطه عامليتلك اكتئاب ودوشه وانت مش داري!

- لما تكون قاعد مع صاحبك بالقهوه بالحفله ، بالجامعه، ماشيين بالشارع وييجي طرف ثالث بخُص صاحبك وقعد معكم ،إنت لحظتها كنت مبسوط ومتفائل والطرف الثالث بلّش يجلد بحاله وبالحياه وبالحظ ،الطاقه السلبيه زي الإنفلونزا مُعديه، عادي إسحب حالك وقوم، إنت مش مجبور تزعج آذانك.

- أبوك و امك ما بكرهوك وما بتآمروا عليك

- الإكتئاب عباره عن مجموعة انفعالات تم كبتها، لا تسكت ع غلط!
- لا تضل بين أربع حيطان أكثر من ساعتين
- ما تجامل على حساب مستقبلك
- ما توافق بدون ماتكون مُقتنع
- ما تكون لعبة "مارينوت" وتخلّي القطيع يتحكم فيك! حياتك يعني حُريتك إنت
- إنت مش مجنون لما تقعد لحالك وتمارس التأمل والإسترخاء
- ثقتك بنفسك راس مالك بين الناس

- بنت خالتك رح تضل أفضل منك طول ما إنتي بتراقبي فيها وهي بتطلع كل يوم خطوه لقدام وإنتِ لساتك عالبلكونه، تأكدي تماماً.

- تخصصك الجامعي مش سيء لدرجة إنك صرت قاطع 90 ساعه ولسا بتضرب راسك بالحيط عشان حاس حالك ناقص قدام صحابك ، مافي تخصص سيء ، أنت ممكن تدرس تنسيق زهور وتتخرج إمتياز وتكمل عليه ماستر أفضل من الممرض اللي تخرّج مقبول و ما تجاوز البكالوريوس.

- الإرتباط ليس طموح عظيم.

توجيهات جدا عظيمة
في ظل الحياة والايام الصعبة
الي بمر بها الشباب
وبشكل عام الاستسلام لمخاوفك ولحزنك
هذا اكبر فشل
تسلم لطرحك ي ورد

امور المفروض نفهمها صح
حبيت انتقآئك للموضوع مؤمن
تحيآتي لك .

حلو كتير الكلام بس علينا نطبقه بس
شكرا الك مؤمن

حلو كتير الكلام
انتقاء رائع
يعطيك العافية

حلوو الحكي كله بوصل رسائل مهم بكل بساطة
يعطيك العافية لادراجك القيم ..

كل الشكر و التقدير

1+