ويا ظريف الطول ويا سيد الرجال
 

https://scontent.fgza1-1.fna.fbcdn.n...5b&oe=5B244865

ويا ظريف الطول ويا سيد الرجال
وإن ضاقت البيوت الفي عالجبال
وبدربك يا ظريف تحاشى الانذال
وعيون الغربان وفخاخ الجواسيس.

ويا ظريف الطول احمد يا جرار
وهي جنين المجد جيشك الجرار
وبسطارك والطين أطهر من تجار
باعوا فلسطين ودم حبابنا.

ويا ظريف الطول احمد يا مهيوب
تبكيك القلوب والحال المغلوب
احمد تاج المجد والساعد منشد
بارودك والنار يمسح عارنا.

ويا ظريف الطول احمد يا مغوار
ويا رعيل العز ويا درب الأحرار
وان خانك الرخيص الناقص والخسيس
اطفالك جنين تحمي دارنا.

ويا ظريف الطول ويا بركان الثار
يندهلك النصر والوشحة الكرار
ويوصيك الباسل بحروف من نار
خلي رصاصك صايب بصدور أعدائنا.

ويا ظريف الطول وافخر يا ظريف
يا حبيب الناس والشعب الشريف
تهاهيلك النسوة وتعلى الزغاريد
وتنثرلك الرز بعيون كلابنا.

ويا ظريف الروح ويا ظريف القلب
برغم العكارين ولحاسين الدم
أنت الشرف العالي لشعبك الغالي
انت يا جرار شعلة نارنا.

يا ظريف الطول وتشرف يا مقدام
تهتفلك القدس وجنين القسام
والشجاعية وجنوبك لبنان
انت الرقم الصعب
انت خيارنا

الله يحميه بطل فلسطين
ويعمي عيون اليهود والخونة عنه
شكراً مؤمن

الله يحميه
بطل
ويبعد كيدهم عنو

يسلمو مؤمن

اللهه بححمآآهه يـآاربب
يسسسلموو ممؤمننن $_$
ككلماتت ححلوهه ككمانن
ووردهه

رائعة جدا الكلمات
والله يحمي المكتوب له
يعطيك العافية مؤمن
ماننحرم جديدك

الكلمات جداً جميلة ومنظمة انشودة ،
والله يحميه ويحفظه فخر لكل فلسطين ولكل شبابها
يعطيك العافية ..

رحمة الله عليه
مشكور مؤمن للمتابعة

كل الكلام بحقه قليل

كل الشكر إلك