منتديات قلب فلسطين - وإن كيدهن عظيم

و أنا فاتحة الفيس بوك لقيت زوجي باعت طلب صداقة على حسابي يلي أصلا أنا كاتبة فيه اسم مستعار غير اسمي الحقيقي
قبلت الاضافة واصبح زوجي حبيبي صديقي قام أبو الشباب قعد يحكي معي عالخاص
و بيني و بين حالي بحكي إنت وقعت ولا الهوى رماك وقعت بحضن أمك و أبوك
تعالى يا حلو وعامل فيها مشغول على اللاب توب طول الليل
إجت الفرصة لعندي وأخد حقي وبالمرة أعرف شو رح يحكي
وبدأ يتعرف عليا ويحكي مزح معي ، وانا مزحت معه زوجي طبعا وبراحتي بحكي معه
غازلني اتقبلت الغزل يوم ببعتلي نكت و صور ورأس قلب وكلام كله حكم ويفتح مواضيع وقصص معي
وطبعا هو كل علمه إني نايمة أدخل عليه عالصالون شو بتعمل يل حبيبي طبعا بشتغل يا روحي عندي وبكلم أصحابي ..
صرت أعمل حالي مشغولة بالمطبخ أكتر الوقت و هو مبسوط طبعا من اني مشغولة و أحكي معه بالمطبخ
وهوا عايش اللحظه ومش عارفني وكل يوم نكت و فرفشة و غزل و كلام ناعم عالفييس
و بالبيت منكد على عيشتي وقارفني و ضارب بوز وعلى الفيس ناعم ولذيذ ومشاعر رهيفة
بعد فترة وتعرفنا ع بعض وانا سهلت لالو كل الطرق جوزي طبعا ولازم اخد راحتي يعني ، وتعرفنا وطلب يشوف صورتي
حكتله من عينيا حبيبي و بعتله صورة لبنت من النت بنت حلوة كتير
طار عقله وإنهبل مثل المجنون مع أنى في الحقيقة والله حلوة وجميلة بشهادة الجميع بس هو مات عليا ..
و أنا بيني و بين نفسي بغلي نار من جوا قلبي ، بس قاومت و كملت
سألني أنت مرتبطة ، حكتله لأ طبعا ..
حكالي طيب تتجوزيني ، يا غراب البين طب أنا اجيلك من المطبخ هلقيت ولا أكمل معك ، بس حكيت لأ بكرا تندم يا ابو العيال
حكتله بس أنت متجوز وشو رح تعمل وزوجتك أكيد حتموت جلطة ..
والمفاجأة
حكاالي بالله ما تجيبي سيرتها هي وحدة مقرفة نكدية وريحتها بصل هههههههههههه شوفوا الراجل أنا ريحتى بصل ،كذاب كذاب هالحيوان
حكتله ماشي بس انأ بدي أفكر كتير ، حكتله رح تيجي تخطبنى من بابا وبدي طقم ذهب بس غالي شوية
طبعا حكيت رح يبطل ويعملي بلوك المفأجأة ، حكالي حاضر
طلب مني دين مصاري مع انو في معه هالواطي ..
و رجع يكلمني وسألني عن العنوان عشان يشوف أهلي و يطلبني و يلبسني الذهب
حكتله انتبه وخد بالك لتكون زوجتك النكدية تشوفك أو تشوف الذهب تخرب علينا الموضوع
حكالي لا ما تخافي حطيته في جرار المعدات للكهرباء وهيا ما بتفتحه أصلا ..
حكيت حبيبي وروحي طبعا مش عيب يا جماعه لأنه في الحقيقة زوجي ، و حكتله انت جد حبيتنى عشان حلوة ولا شو
استغرب ورد لأ طبعا ، روحك الحلوة و خفة دمك جذبوني لالك ، أما الشكل أخر شي بفكر فيه حكتله طمنتني
عشان هيك رح أبعتلك صورتي الحقيقية ، حكالي يعني أنت مش حلوة و الصورة مش صورتك حكتله أنا حلوة ما تخاف ثوانى بس قوي قلبك شوي قال مش مشكلة ، إبعتيلي صورتك الحقيقية
و رحت بعتله صورة أمه ، حماتي الغالية
صرت أبعتله حبيبي ، حبيبي ،حياتي ، وين رحت وطلعتله عالصالون بطقم الذهب الجديد
اجت لإله غيبوبة سكر و نام ليلة بالعناية المركزة
و أسبوع فاقد النطق
بس بصراحة عشت معاه أجمل شهرين في حياتى
بستاهل 😂😂 .. وإن كيدهن عظيم