منتديات قلب فلسطين - فلسطيني عايش في امريكا

فلسطيني عايش في امريكا
وعاطل عن العمل من فترة طويلة ،
فقرر إنه يفتح عيادة !!!
وعشان يجيب زباين حط أعلان مميز
وكتب عليه :
" كشفك وعلاجك ب50 دولار ،
ولو ما قدرت أعالجك بتاخذ 100 دولار " !!!
دكتور اجنبي شاف الإعلان
وقال بمر وبعمل حالي مريض وأكيد ما رح يعرف يعالجني وباخذ 100 دولار ...
المهم راح عليه ...
الدكتور : السلام عليكم
الفلسطيني :
وعليكم السلام تفضل يا كبير ... من شو بتشكي ؟!
الدكتور : والله إلي فترة مش قادر أستطعم الأكل مش عارف أميز طعم الأكل ...
الفلسطيني : يا سهير (الممرضة)
هاتي علاج رقم 22 وحطي للمريض 3 نقط في فمه.
الدكتور : خخخعععع الله يقرفك هاد كاز !!!
الفلسطيني :
مبروك رجعت تستطعم وتميز الأطعمة كويس أدفع 50 دولار ...
طلع الدكتور متضايق وبفكر
وقرر يرجع بعد يومين عشان يعوض الخسارة ...
بعد يومين .....
الدكتور : السلام عليكم
الفلسطيني :
وعليكم السلام تفضل يا كبير ... من شو بتشكي ؟!
الدكتور : بشكي من فقدان الذاكرة مش متذكر أي شي ...
الفلسطيني : يا سهير (الممرضة) هاتي علاج رقم 22 وحطيله في فمه 3 نقط .
الدكتور :
بس العلاج 22 هاد كاز !!!
الفلسطيني :
مبروك رجعت الذاكرة هات 50 دولار ...
الدكتور : طلع متضايق ومحروقة أعصابه وقرر يرجع عشان يعوض خسارته بعد يومين .
بعد يومين .....
الدكتور : مساء الخير ...
الفلسطيني :
مساء الورد نورت تفضل من شو بتشكي ؟!
الدكتور : نظري ضعف وما بشوف منيح ...
الفلسطيني :
(بعد تنهيده طويلة) للأسف علاجك مش عندي ... تفضل وهي 100 دولار ...
الدكتور أنبسط وبعد ما عد المصاري قال بس هدول 50 دولار بس !!!
الفلسطيني : مبروك رجع نظرك وصرت تشوف لو سمحت هات الـ 100 و سدد 50 دولار ...
ومن ساعتها الدكتور قاعد بدور على طريقة يوخذ فيها جنسية فلسطيني وجواز سفر فلسطيني ويفتح عيادة ...
العبرة: مرة ثانية
لا تتحدى الفلسطيني بشغلة المصاري ...

بدك حدا يضحك عليه !
هههههههه