أخبار_عالريق
 

#أخبار_عالريق 1090 يوم
✅يكتبها / #سعيد_الطويل

▪︎اليوم إن شاء الله بيخلص الثلث الأول من رمضان ..يارب يجعلنا من إللي شملتهم رحمته وعفوه

▪︎أيام سريعة مرت بأجمل شهر ولحظات بالسنة كلها ..يارب لا تخرجنا من رمضان محرومين من عفوك وكرمك ورضاك

▪︎أكثر من ربع مليون مصلِ أدوا صلاة الجمعة مبارح بالمسجد الأقصى بمشهد بيفتح النفس ..عقبالنا نصلي فيه قبل ما نموت يارب

▪︎استــ ـشهد الليلة إللي فاتت على بوابات الأقصى الطبيب محمد العصيبي

▪︎ اليــ ـهو.د قتلوا الشب عشان راح يدافع عن صبية كانوا بيضربوا فيها

▪︎لقيوا جثمان الشب المفقود أيمن أبو عابد في بحر اليونان

▪︎أول يوم بشهر 4 ..الشهر المشهور بكذبة نيسان

▪︎بيقلك #أبو_فؤاد خش على مرته في المطبخ لقاها بتقطع فواكه بالسكينة وبتحكي مع اختها عالواتس قالها انتبهي بلاش تجرحي إيديكي ،قلتله ليش بتفكر حالك سيدنا يوسف ! فش فايدة فيهم

▪︎ع كلام تاجر من التقال بيقلك الفوج الجاي الجاج حيصير ب 12 ونص

▪︎أسعار لحم العجل عنا صاير في العلالي

▪︎لحتى الآن ما حد أعلن عن شيكات الشؤون ولا موعدها

▪︎بيقلك بدهم يدفعوا المستوطنين 1200 شيكل لكل واحد بيقدر يذ.بح خروف قربان جوا الاقصى

▪︎موسم العزايم نايم السنة ومروق عالآخر مش زي السنة إللي فاتت

يارب اجعل إلنا نصيب من رحمتك في هذ الأيام الفضيلة واحفظنا بحفظك وسترك يا الله
#يسعد_صباحكم
السبت 1-4-2023
10 رمضان

الله يفرجها بس
مشكور للمتابعة و النقل
تحياتي

يسلمو ع المتابعه الامير
وعوافي ع جهودك

يسلمو امير

ممتإاابعةة ححلوهه ♡
+ وردهة

يعطيك العافية
كل الشكر.