|
متى ترى نفسك؟
هو موضوع نقاشي
هدفه نتعرف كيف كل واحد فينا بفكر وشو نقاط قوته هو موضوع نقاشي تحفيزي السؤال هو : متى ترى نفسك ١- انك اكتفيت من الدنيا؟ ٢-انك وصلت ذروة الحب؟ ٣-انك مزدحم بالافكار السلبية؟ ٤-انك شخص مختلف يصعب على الآخرين فهمه؟ اكتفي بذلك هو موضوع حصري للنقاش فيه حوار للذات مع الآخرين للاستفادة اتمنى تفاعلكم أعضاء منتدانا الكريم. Golden Eagle |
شكلي رح افضفض واخبص الدنيا ههههه
لانو زعلانة من حالي ومن كل العالم وبعتقد هاي الموضوع اجى ك متنفس الي بس بدي اخد نفس واحكي لنفسي ريلاكس مشان اتجنب اللهجة الحادة بكلامي موضوع كتير حلو جولدن يعني بجد عندكم افكار بتجنن ومش عارفة ليش حارمينا مواضيعكم بهالقسم الي عودة -ان شاء الله- |
لي عودة بأذن الله
|
هو الموضوع عميق فعلاً
و محتاج مزاج رايق للمشاركة بإذن الله لي عودة تحياتي |
متى ترى نفسك ١- انك اكتفيت من الدنيا؟ لما يحيطك الالم من كل جانب ...لما تلقي عمرك ينسرق منك وتحس انك ما حققت شي بحياتك حتى حلم بمتناول الجميع الا انا...حلم الامومة... هرب من بين ايديك متل كل شي هرب بحياتك هاي اللحخظة انا اكتفيت من كل الدنيا واكتفيت من كل اشي بهالعالم وبدي انزوي بركن غرفتي المظلم ما بدي شوف ضو ولا يقربني انس ولا جن وما عندي رغبة اني اعيش يوم جديد لاني خذلت بابا وماما وخذلت الشخص اللي بحبه-حسب اعتقاده-وما في سبيل للصفح والغفران عنده اككككككككككتفيت بجدددددد..اكتفيت اكتفيت لاني كنت عبء ووجع لاكتر تلات قلوب واشخاص حبيتهم بدنيتي ...مع انهم نور عيوني هم التلاتة ةرةحي بترخصلهم بس ما بعرف ليش هيك صار ٢-انك وصلت ذروة الحب؟ وصلت هالذروة معه .... سبق وجاوبت بردي الاول على موضوعك بدي افضفض لاني زعلانة من حالي ومن كل العالم..بس بيني وبين حالي رددت اسمه.... وحكيت الا هو زعلانة من نفسي وزعلانة من كل العاااااااالم بس منو هو مش زعلانة ولا يوم زعلت منه ...بتوصل لذروة الحب بس يكون عندك شخص استثناء بحياتك بتسميه روحك وامل حياتك وعمرك ونور عيونك ....وبتناديه اغلى من روحي لانو هو اغلى فعلا من الروح بتوصل ذروتك بالحب لما تحب عيوب الانسان اللي بتحبه قبل محاسنه هاي اهم نقطة بنظري لدرجة الكمال بالحب....بس هو ملاك ما في عيوب لاحبها قبل ما احب محاسنه بتوصل الذروة لما تزيد مساحة الحب اللي بعمق قلبك اله ...لدرجة ما تخلي فيها اي مجال لمكان لاي مشاعر او عواطف سلبية بتوصل لذروة الحب لما تنسى لحبيبك كل شي كان قبل ما تلتقوا بعض ...تنسى كل ماضيه....لانك وحدك حاضره وصلت معاه اني حبيته بقلب ام...ومتل ما بقولوا الحب بقلوب الامهات ما بينقص ابدا بتوصل الذروة بالحب لما تقدم سعادتك ع سعادته...لما تخاف عليه اكتر من خوفك على نفسك لما قبل ما تنام تقرا دعاء تحصين النفس وتهديه لقلبه ولعيونه وروحه... قبل ما تقرؤه الك لما تخص اهلو كلهم بدعاءك... متل ما كل يوم بتخص والدك ووالدتك واخوانك بالدعاء لما يكون زعلان ...روحك فعلا بغشاها وبخيم عليها الحزن بتوصل لذروة حبك الك لما يمسه اي مرض...وتبكي وتبكي وتبكي لانو ما فيك تحمل هالمرض عنه وتتوجع بداله ...وتضلك تسجد بكل صلاة وتطيل السجود وانت تدعي اله بالشفا بتوصل ل ذروة حبك اله لما تدعي ربنا بكل صدق وبكل قلب صادق حبه بيوم فعلا :انو يااااااااااااااا رب خد من عمري بس واوهبه اله..يا رب اجعل يومي قبل يومه لاني ما بطيق يوم واحد من حياتي بدونه بتعرف اخ جولدن لما نحب نحنا الاناث...حتى لو حرمنا عاطفة الامومة بس بنمارس هالعاطفة عالانسان اللي بشغل وبحتل وبتربع ب الروح والقلب والعقل والجسد بتحسه وكانو كبدك اللي بتمشي عالارض.ما بهنالك اللقمة الا ازا سالته: انت اكلت؟؟! بكون عنا طاقة هالام الرهيبة على الايثار والعطاء والتضحية والحب الكبير بتحس انو هالانسان رغم طوله وكثافة لحيته مسؤول منك انت ...وشو بكون نفسك تحميه من كل شرور الدنيا الحب بوصل ذروته وبثبت وجوده فعلا ...لو اتمكن من الصمود امام كل المصاعب والعواصف ...لانو الحياة ما بتخلى ابدا من العواصف ... ٣-انك مزدحم بالافكار السلبية؟ هاي بدي اعمل حالي مو شايفاها لانو حكيت كتير up ورح احكي كتيرر down :2010: |
-انك شخص مختلف يصعب على الآخرين فهمه؟ لما اتمرد احيانا وارفض كل التقاليد والاعراف والاحكام اللي بطلقها علينا مجتمعنا الرجعي واللي فيه احجاف كبير للمراة ليه ما بمنحنا المجتمع او الاهل قدر من الحرية ما بطالب بحرية كاملة ومطلقة بطالب بربع او خمس او حتى عشر الحرية المتاحة ل شبابنا .... حتى محرومين من الهوا نتنفسه ...حتى افكارنا ممنوع نعبر عنها.... حتى احساسينا مطالبين بدفنها بس لاننا بنات ليش نظرة المجتمع قاسية وظالمة ومجحفة بحقنا بالزواج التقليدي مثلا ؟؟؟؟ انا انرفضت بيوم من الايام ل عيب خلقي باسناني ان صح التعبير...وبالمقابل اتقدم الي تلات اشخاص بس لاني من بين خواتي كنت حسب الطلب عيوني ورقا هاي معايير صح ليحكموا الناس علينا فيها ويقيمونا؟؟؟؟ويطلعوا فينا عيوب الها اول مالها اخر وكانهم كاملين ووجوههم القمر هاي مش ظلم بحقنا؟؟؟مش انتقاص من قدرنا؟؟؟ ايه برفض الزواج التقليدي وما بأيده ليش لو انتهكت حقوق اي مراة بالعالم وطالها الطلاق او العنوسة او الاغتصاب ليش وقتها بشوفوها اهلها عار وعبء...ليش بضيقوا ذرعا فيها ,وبضيقوا الخناق عليها ...ليكونوا هم والزمن عليها ,,,وبقيموا عليها حصار ليش لو البنت ضلت خطاها بوقت من الاوقات ...تعثرت وسقطت ليش الكل بنبذها وكانها شر مستفحل... ليش الكل بحاسبها وبدينها ..وبيرفض انو يعطيها فرصة تانية لمجرد انها غلطت مرة ..ربنا طالبنا بالستر وطالبنا بحسن الظن وفتحلنا طريق التوبة مين نحنا البشر لنعاقب انسان على ماضيه ....ولا اي حد بعرف شو مرك بحياتك شو حاربت ومن شو خفت شو زعزع ثقتك وايمانك بكل شي حواليك ....ولا حد بعرف ليالي الوحدة والخوف وانعدام الامان اللي كابدتها بحياتك....ما حد بعرف اديش شوهتك الحياة ووشوهوك الناس ما بدي اساوي نفسي بالرجل لا مطلبي ولا غايتي هالشي ولا ببرر لنفسي ولا لاي انثى او بنت او اي انسان اغلاطه بس احساسنا بالغلط وشعورنا بالندم ورغبتنا الصادقة بتغيير انفسنا ...اول طريق التوبة .... ما تتركوا ايدينا واحنا بامس الحاجة الكم ....ما تخلونا نغرق وانتوا طوق النجاة النا انا ما بطلب غير الرحمة ...الرحمة بقلوب قسيت عليها الحياة ... وفقدت للحظة ايمانها بكل شي حواليها...حتى بغفران اقرب الناس الها |
الهيأة فضفضت وخبصت وحدت عن الموضوع :2010: بس هيك كان حالي بجد زهئانه من كل الدنيا...تعبانه مدري شو بني كل يوم عم عيشوا سنه...معئول هيدي نهايتي؟ يا مرايتي قلبي تعب عن جد من كل القصص يا مرايتي ياللي بتعرفي حكايتي مقهورة من غدر البشر مهمومة قاتلني الضجر في جروح عم تترك أثر ترسم طريق نهايتي يامرايتي ياللي بتعرفي حكايتي مجروح قلبي وما جرحت ع جروح قلبي تمرجحت من يوم يومي ما فرحت قولي لي وين بدايتي؟ :6001: الف شكر جولدن عالموضوع المميز |
يسسلمو ججولدنن ايججل !
نششالهه ح ججآوبهمم بسس ع روآقق ! وردهه |
متى ترى نفسك
١- انك اكتفيت من الدنيا؟ لما بلاقي كل الناس اللي عشت حياتي بس عشانهم بطلت انا اعنيلهم اشي وصارت اهتماماتهم بس حالهم ٢-انك وصلت ذروة الحب؟ لما الاقي الانسان اللي قدر يسكن قلبي ويصير تفصيله من تفاصيل حياتي لما اعيش السعاده معه بكل معانيها حتى من ابسط الاشياء لما يفهمني قبل م احكي ويحس فيي وما يهون عليه دمعتي ولا زعلي لما اشتاقله وانا معو ٣-انك مزدحم بالافكار السلبية؟ لما تتسكر كل الابواب بوجهي مره وحده ٤-انك شخص مختلف يصعب على الآخرين فهمه؟ دايما حاسه هالشعور لما اكون عفويه بزمن اختفت فيه العفويه لما اكون صادقه بزمن قل فيه الصدق لما اكون بريئه بزمن كثرت فيه الخيانه كتير حبيت اسئلتك جولدن كترلنا منهم عنجد والله يعينك ع اجابات@شهد الروح,,هههه |
موضوع رائع جدااا
والاحلي أنه راح يخرج كتير أشياءداخل كل منا ع حسب حالته النفسيه إي أن كانت ابدأ السؤال هو : متى ترى نفسك ١- انك اكتفيت من الدنيا؟ لما اشوف بنتي باعلا مراكز واشوفها مع شخص يحبها ويحافظ عليها وأحس أنها بأمان باكتفي وقتها من الدنيا ٢-انك وصلت ذروة الحب؟ صعب اوصل لهذه الذروة اناطماعه كتير بالحب ليس له حدود حتى أصل لمنتهاه ٣-انك مزدحم بالافكار السلبية؟ عندما أجدني وحيدة ف مواجهةاشياء خاصة بحياتي صعب عليا مواجهتها بمفردي لما احس بالخذلان ممن هم قريبين مني ٤-انك شخص مختلف يصعب على الآخرين فهمه؟ دائما هذا الاحساس يتملكني مش بعرف ليه صدقا ياريت لو حد يعرف يقولي ميرسي جولدن اسئله حلوة |
موضوع رائع جدااا
والاحلي أنه راح يخرج كتير أشياءداخل كل منا ع حسب حالته النفسيه إي أن كانت ابدأ السؤال هو : متى ترى نفسك ١- انك اكتفيت من الدنيا؟ لما اشوف بنتي باعلا مراكز واشوفها مع شخص يحبها ويحافظ عليها وأحس أنها بأمان باكتفي وقتها من الدنيا ٢-انك وصلت ذروة الحب؟ صعب اوصل لهذه الذروة اناطماعه كتير بالحب ليس له حدود حتى أصل لمنتهاه ٣-انك مزدحم بالافكار السلبية؟ عندما أجدني وحيدة ف مواجهةاشياء خاصة بحياتي صعب عليا مواجهتها بمفردي لما احس بالخذلان ممن هم قريبين مني ٤-انك شخص مختلف يصعب على الآخرين فهمه؟ دائما هذا الاحساس يتملكني مش بعرف ليه صدقا ياريت لو حد يعرف يقولي ميرسي جولدن اسئله حلوة |
اول شي شكرا لمن شارك هنا وجاوب على الأسئلة
في الحقيقة كنت واثقا من طبيعة الأعضاء التي ستبادر بالاجابة هي شريحة معينة من أصحاب التجارب في الحياة وبالفعل تأكد حدسي شكرا للجميع |
اقتباس:
هنا وردة ربي يسعدك |
اقتباس:
ربي يسعدك. |
أسئلة حلوه كتير وعميقه وبدهم قعده
برجع بوقت تاني اجاوب عليهم ع رواء يسلمو دياتك جولدن |
اقتباس:
اشكرك اختي على هذه الصراحة قرأت كلماتك بدقة انت إنسانة قلبك ابيض وان كنت قد عانيت في حياتك ربنا رح يسخر لك اولاد الحلال والله مافي شي بيضيع تأكدي من ذلك ورح تلاقي مايرضيك باذن الله الورود لك ولقلبك. |
بجد جولدن الاسئلة بتحتاج متسع واسع لتحكي ما يجول بداخلك
أكيد راح ارجع اجاوب واشاركك الموضوع ربي يسعد قلبك |
اقتباس:
شهد الروح والله اتفق معك في كثير مماقلتيه وكمان بقلك الدنيا اتغيرت وصارت المرأة الها وجود كبير وحرية اكبر لدرجة التمرد وطبعا مو الكل انا بوافقك انو في بعض التقاليد مجحفة بالمرأة وبعيدة عن الدين لذلك الصح هون انو نتمسك بدينا هو ارحم من اي تقاليد أو عادات ربي يسعدك ويوفقك وشكرا كتير على هالصراحة. |
اقتباس:
ربي يسعدك |
اقتباس:
وبتفق معك في اغلب إجاباتك والله الواحد مابطلب من هالدنيا الا هدوء البال مع شخص يحبه ويفهمه وناس بسيطة شرفتيني والله ربي يسعدك بحياتك |
اقتباس:
وهاد هدفي المصارحة حبيت إجاباتك وربي يخليك بنتك وتكون بسعادة غامرة انت وهي وكل عائلتك الحب بالفعل لا سقف له وتعليقا على قصة انو الواحد بحس انو مختلف هاد شعور ينتاب الجميع لما يحس انو ماحد فاهمه ربي يسعدك سارة حبيت حضورك والله. |
اقتباس:
ربي يسعدك |
اقتباس:
بتشرفيني والله. |
متى ترى نفسك
١- انك اكتفيت من الدنيا؟ الانسان ممكن يكتفي بالحياة لسببين اما لانه عم يتعرض لضغوطات قويه كتير وما عم يتحملها او انه حقق كل شي بيتمناه بحياته وخلص زهد بالدنيا عن نفسي طول ما عندي طموح واحلام وشغف وحب للحياة واشخاص قلبي عم ينبض لالهم وناس ماليه علي حياتي ما رح اكتفي بالحياة بتعرف وقفت عند سؤالك هادا كتير وقلت يمكن ييجي وقت وافقد فيو اهلي والناس يلي بحبها واصير وحيده واصير احكي خلص انا اكتفيت من الحياة مو لشي يمكن لانه وقتها الضغوطات بتكون كبيره علي وما اتحملها ويمكن هالشي طبيعي وانه الانسان ممكن بضعف ويحكي هالكلمه خلص انا اكتفيت بس يلي عنده ايمان بربنا وصبر وقوة رح يتخطى هالشي وانا وحده من هالاشخاص يلي مفوضه امرها دايما لربها ٢-انك وصلت ذروة الحب؟ بصل لذروة الحب لما احس انه نصي التاني هو روحي والنفس يلي عم اتنفسه وان غاب بحس انه عم اختنق بغيابه وفي شي ناقصني لما تكون مشاعرنا وأحاسيسنا واهتماماتنا واحلامنا واوجاعنا وفرحنا هي نفس الشي ونحس انا صرنا شخص وروح وحده وكل واحد فينا مكتفي بالتاني وعم يشوفه وما بشوف حد تاني غيره وما في حد فينا متخيل تكون حياته او مستقبله من دون التاني وما بكون للحياة طعم بدون وجود الطرف الاخر بصل لذروة الحب لما تكون احلامنا وطموحاتنا قريبه من بعض وارواحنا مرتبطة ببعض وكل واحد منا بكون هدفه انه يسعد الطرف التاني لما يتوجع واحد فينا بتوجع التاني لوجعه ولما يفرح بفرح لفرحه ولما يزعل بزعل لزعله دايما بكون في شوق للطرف التاني بصل لذروة الحب لما احبه بكل ما فيه عيوبه قبل حسناته لما يكون في ثقة وتفهم واحتواء لكل واحد فينا للتاني وتتغاضي عن عيوب واغلاط وزلات بعض لما نواجه المشاكل ونتحمل كل الظروف الصعبه يلي بنواجهها بحياتنا مع بعض لما يخاف كل واحد ع التاني اكتر من خوفه ع حاله لما احس انه نصي التاني هو بابا وماما واخوي وصديقي وكل شي الي بالدنيا لما نيجي ع حالنا ونحط كبرياءنا ع جنب ونتنازل في بعض الاحيان لحتى تستمر علاقتنا وما نخسر بعض ٣-انك مزدحم بالافكار السلبية؟ انا بطبيعتي انسانه ايجابيه حتى باصعب الظروف لكن احيانا بتعرض لضغوطات نفسيه واحباط لما الاقي قدامي كل الطرق مسكره ممكن تخليني سلبيه شوي لكن ما ببقى في هاي الحالة لفتره طويله بعتبرها مرحله وبتمر بسرعه وبتغلب عليها انا مريت بكتير ظروف صعبه بحياتي كنت استسلم فيها للحزن ببعض الاوقات بس بكل مرة كنت اطلع من هالحاله لانه انا بدي هالشي ٤-انك شخص مختلف يصعب على الآخرين فهمه؟ كتير أوقات بتمر علي بشوف حالي مختلفه وما حد فاهمني خاصة لما أكون عم اتصرف ببساطه وعفويه واكون صادقة ونقية من جواتي واقرب الناس الي ويلي بتوقع انهم بعرفوني كتير منيح وفاهمني اكتر من غيرهم ييجوا ويسيؤوا الظن فيي او يتعمدوا فهمي غلط ساعتها بقول ما حد فاهمني لانه خيبوا ظني فيهم وما قدروا يفهموا يلي جواتي أسئلة رائعة بجد جولدن وعميقه جدا يسلمو دياتك عليها بتمنى منك انت كمان تجاوب عليها وما تحرمنا من مواضيعك الحلوه |
اقتباس:
ارفع القبعة لك اجابات يجب أن تكون درس لكل واحد فينا ويستفيد منها كم هي رائعة إجاباتك ربي يسعدك ويوفقك نورت موضوعي أما بالنسبة لي انا خليها شوي وبحاول أن شاءالله جاوب عليها. |
متى ترى نفسك
١- انك اكتفيت من الدنيا؟ لممآأ اللهه يططولني ككمانن 5 سسمم dsa2 ببمزحح بككتفي لممآ ششوفف اهليي بخخير و يلل بححبهمم و عمم حقق ششغلاتيي الططبيعيهه ممنن دراسسهه و اسستققرآر و ككونن سسفيرهه انو احسس اننوو ففيي اليي مكانن ! ٢-انك وصلت ذروة الحب؟ لسسهه ننننننن بسس اتوقعع ناهه بغغلبب بالحبب | لأنن الححبب عندديي ككبير منن اهليي فلآزمم بسس احبب يككونن ممتل يلل بحسوو معع اهليي و اككتر بدرجاتت ككيرهه مما رحح اششرححءككتر لانن ماا ح تففهمني ! ٣-انك مزدحم بالافكار السلبية؟ لمآإ ممآ اوصصل لششي بششكل سسريعي ! ٤-انك شخص مختلف يصعب على الآخرين فهمه؟ ففي دآيمآا بحسس مححدآ بففهمني ! |
اقتباس:
ربي يسعدك ويوفقك انبسطت بوجودك شكرا وكل الورد لالك |
اسئلتك صعبة جولدن
الليلة بتفضالها كويس |
اقتباس:
نورتي وربي يسعدك. |
متى ترى نفسك
١- انك اكتفيت من الدنيا؟ لما احقق احلامي كلها وما في هم يأسر تفكيري وما في شي ينغص عليا حياتي بالمقابل الجانب السيء لما اضل احاول احقق حل حلم من احلامي وم يزبط معي وما الاقي حد جمبي يساندني يطبطب عليا وقتها بوقف وبحكي يا ملاك بكفي عم تتعبي حالك عالفاضي م في طموح زابط ولا رح يزبط ازا م كان شي ايجابي عم يشجعني لما اوصل سن يأست منو من كلشي بحكي ممكن لهون وبس ٢-انك وصلت ذروة الحب؟ بصراحة ما عمري وصلتلها هاي النقطة ممكن اني حبيت وحبيت لدرجة كبيرة واعطيت كتير لهاد الشخص ولما وصلت لهالذروة والثقة بالحب خذلني ودمر حياتي ورجعني للصفر وقتها قلت ما بدي لا ذروة حب ولا عشق ازا هالشي ما رح يهنيني بس رح جاوبك امتى بوصل لما هاد الشخص يخاف عليا اكتر من نفسه يهتم بيا يسالني عن حالي واحوالي يضل قلبو قليا يحسسني بالحب بفعل مش بس كلام كلنا بنحتاج لكلمة حلوة بس شو فايدة الكلام ازا ما كان فعلا فعل يحققلي ياها شخص يفهم عليا ويقدر تقلباتي المزاجية ويفهم تفكيري هالشي م رح يصير لانو هاد الشخص بحياتي م رح يكون موجود ٣-انك مزدحم بالافكار السلبية؟ لما تحس حالك وحيد وضايع ومخربط وكل حدا بحكيلك راي بيختلف عن التاني لما الناس اللي حوليك يكونو هم بحالهم طاقة سلبية وم في حد يعطي شي ايجابي دخلك وقتها كيف حنكون ايجابيين وقت يكون كلشي بمشي عكس التيار بحياتنا وقت نفقد الثقة باشخاص كانو هم املنا وحياتنا بس خذلونا ودمرونا ودعسو على قلوبنا ٤-انك شخص مختلف يصعب على الآخرين فهمه؟ لاني انا اصلا مش فاهمة حالي لحتى يجي غيري ويفهمني حاولت اجاوب اد م اقدر يارب توصل الاجابة وتكون صح اشكرك جولدن عالاسئلة الصعبة والعميقة |
اقتباس:
شكرا ملاك على هذه الصراحة بحب قولك في الحياة سنواجة السلبيين والايجابيين لكن حاول أن الا تحبط من السلبية وجد لنفسك مكانا مستقلا به تستطيع الانطلاق بالنسبة للحب فهو أن شاءالله موجود واعلم أن هناك خيبات كبيرة منه لكن ستجده يوما ما أما بالنسبة عدم فهمنا لأنفسنا أو الآخرين. فهي مرحلة مؤقتة ليس إلا بعدها يتغلب نضوج العقل يعطيك العافيه ملاك حبيت اجابتك يسعدك وكل الورود لالك. |
| الساعة الآن 06:03 PM |
Powered by vBulletin™ Version 3.8.7
Copyright © 2025 vBulletin Solutions, Inc. All rights reserved.
هذا الموقع يتسخدم منتجات Weblanca.com
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd.