|
[ نوون ع كـرسي الـآععتراف ]
السسلـآمم عليككمم يـآ ككتـآاككيتت http://www.heartps.com/vb/images/icons/545.gif اليوم مععنـآإ عضضوهه مميزهه رآئعهه ففي معنى ككل الكلمهه :62: عضضو الهـآ الحضضضور الققوي :13: عضضوهه ممرحهه و ححبابهه و ممختلفهه روححهآ ححلوهه الهاا أسسلوبب الخاصص ممعآملتهآآ و ردودههآآ مميزهه ! نــآهه ككتير بححبهـآإ :13: بسس dsa2 ححآبهه و نتو آككيدو متلي ححآبينن تععرفوههـآإ ععنن آششيئآاتت كتيــر لهيكك ح تكونن معنـآإ ضضيفةة ككرسسي الآععترإافف الرآئعهه @نوون آهلـآ فيككي ففي ككرسسي الإععترآافف و نششالهه تنبسسططي معنـآإ :u4: بسس قبل ممآ يبلششوـو الآعضضآء : ح تججآوبي ع ههدول الآسسئلهه t65. الآسسسم : الععممـر : الحالهه الإججتمآاعيهه : مسستوآكك التعليممي : ههوآايتكك : قسسممكك المففضضل : 10 حققآئقق ععنكك مححدآانن بععرفههآ و تككونن حصصريهه النـآا nos4 بــآإي |
نوون بگل صرآحة و بعيدا عن المجآملة
أسلوبهآ خآص و منفرد و شخصيتهآ جميلة و ملفتة و حلو إنها تگون ضيفتگ في گرسي الإعترآف و أگيد بس أروق شوية رح أسألهآ عوآفي ننوش على إختيآرگ الرآئع |
استضافة جميلة لنوون
عضوة غامضة واسلوبها مختلف وجميل ان شاء الله نتعرف عليها اكثر من خلال كرسي الإعتراف رح اسألك اسئلتك المعتادة الي بتطرحيها على الأعضاء دايماً ماذا يعني لك ؟ وأين أنت من الآتي التمرد الاجتماعي ؟ الجمال الحسي ؟ الجمال المعنوي ؟ شخصية أثرت في حياتك ؟ الصمت لغة العيون والهمس لغة القلوب فما هي لغتك ؟ لو كنت رحالة فأي القارات كنت تتمنى اكتشافها ؟ لو كنت مسافراً برحلة بحرية حيث الهواء المنعش صباحاً والصفاء الذهني غروباً والنسمات الدافئة مساءً فمن تتمنى أن يكون بصحبتك صباحاً وغروباً وعند المساء ؟ وأي أنواع الحوار ستختار ليجمعك بمن معك ؟ لو كانت لك القدرة على الرسم فماذا كنت سترسم على : الماء .. الشاطىء.. جدار عتيق .. شجرة أحلام الطفولة هل تحقق منه شيء ؟ لو كنت كلمة ؟ فأي أنواع الكلمات ستختار أن تكون ؟ لو كنت وجعاً فأي الأوجاع ستختار أن تكون ؟ ماهو شعورك وأنت تمشي بجوار مبنى عظيم ؟ جمع بينكم الحب والمشاعر الراقية والذكريات التي لا تُنسى مابين أغنية وأمنية وقصيدة وحلم و فرقتكم الظروف لتجمعكم صدفة عابرة لتلتقي نظراتكم بعد طول غياب في لحظات صمت صارخ وصادق لترتفع بكَ أقصى السماء وتلقي بك طريح الحنين وقبل أن تجمع شتاتك وتستعيد قواك باغتتك بسؤال هل أحببتني حقاً ؟ ثم سقطت منها دمعة وذهبت فما هو شعورك ؟ وما هو رد فعلك ؟ ومحتمل ارجع اسأل ثاني فيما بعد |
ميرسي الك على كلامك الحلو عني
وميرسي على شعور المحبة منك واستضافتك لإلي الآسسسم : نوون الععممـر : 20 الحالهه الإججتمآاعيهه : انسة مسستوآكك التعليممي : بالمرحلة الجامعية ههوآايتكك : قراءة الروايات وملمة بالثقافة العامة ومدمنة لشعر حذيفة العرجي قسسممكك المففضضل : التحدي والنقاش والألعاب والشعر 10 حققآئقق ععنكك مححدآانن بععرفههآ و تككونن حصصريهه النـآا نقره لعرض الصورة في صفحة مستقلة @ همتي عالية بالأعمال التطوعية في أكثر من مجال . @ متسامحة في الحدود اللي ما بتسببلي أذى نفسي و لو اتعرضت لأذى بنفعل جداً وبقسى على حالي أو على غيري لدرجة إني عملت بلوك لأختي وحذفت رقمها لما اتعرضت لأذى منها ومابرد عليها لهلأ . @ بمحي أي خط رجعة مع حدا قررت إني أخرجه من حياتي حتى لو كان أقرب الناس لإلي . @ ما بحب الأغبياء ولا بحب أتعامل معهم وبكره تكرار الغلط وبرفض الاعتذار عنه @ مابحب حدا يتدخل بحياتي بأي شكل من الأشكال ولا بحب حدا يكون مسؤول عني مادياً ولا معنوياً مهما واجهت من صعوبات. @ رومانسيتي صلبة وما بيدوبها إلا مشاعر قوية تهزني بعنف . @ بعامل الناس بإحترام واللي ما بيستاهل احترامي ولا بيقدره بتجاهله وكأنه ما مر بحياتي . @ منظمة جداً وبدقق على التفاصيل اللي ما بتخطر على بال حدا وما بحب حدا يرتبلي غرفتي ولا أغراضي ولا يساعدني بشيء . @ واضحة مع نفسي وبعيش كل مشاعري بصدق سواء كانت حب أو كراهية وصعب حدا يخدعني حتى لو أظهرتله إني صدقته . @ ما بتخلى عن أي حدا لجألي بشيء طالما قادرة أساعده . |
اقتباس:
على كلامك الحلو ورأيك فيا إن شاء الله لو مر على بالك اسئلة أنا حاضرة |
اوووووبا
الجميلة نون منورة كرسي الاعتراف نون عضوة مختلفة واستثناءية حضورها طاغي وجميل وانا عني مبهورة بشخصيتها وبحبها كككتير والي نصيب بمحبتها ويا بختي ونيالي بجد عندي اسءلة كككتير والي الشرف اتعرف عليكي اكتر و ح اكون متابعة جدا اختيار بيجنن منك سكرتنا |
استضافة جميلة لنوون
عضوة غامضة واسلوبها مختلف وجميل ان شاء الله نتعرف عليها اكثر من خلال كرسي الإعتراف ميرسي الك @هل كان حباً على كلامك اللطيف عني رح اسألك اسئلتك المعتادة الي بتطرحيها على الأعضاء دايماً ماذا يعني لك ؟ وأين أنت من الآتي التمرد الاجتماعي ؟ التمرد الاجتماعي عندي مش بس تمرد على مجتمع أو عادات أو تقاليد هو أي تغيير ممكن يظهر على تصرفاتي واسلوبي مع غيري نتيجة لظروف هو سببها أو كان طرف فيها الجمال الحسي ؟ كل شيء له قيمة جمالية جاذبة أدركه النظر فتبعته الروح الجمال المعنوي ؟ هو الجمال الباقي والثابت واللي بيخاطب الروح وبيخليها تحس بالراحة والتوافق شخصية أثرت في حياتك ؟ كل مرحلة كان لها شخصية أثرت في حياتي سلباً وايجاباً الصمت لغة العيون والهمس لغة القلوب فما هي لغتك ؟ الصمت والهمس لغات لبعض المواقف لغتي السائدة هي لغة الثقة بالنفس والوضوح اللي بيقصر المسافات لو كنت رحالة فأي القارات كنت تتمنى اكتشافها ؟ اوروبا لو كنت مسافراً برحلة بحرية حيث الهواء المنعش صباحاً والصفاء الذهني غروباً والنسمات الدافئة مساءً فمن تتمنى أن يكون بصحبتك صباحاً وغروباً وعند المساء ؟ وأي أنواع الحوار ستختار ليجمعك بمن معك ؟ نفسي ورواية لأحلام مستغانمي وديوان لحذيفة العرجي لو كانت لك القدرة على الرسم فماذا كنت سترسم على : الماء .. سمكة الشاطىء .. قلب مكسور جدار عتيق .. وطن بخريطة واحدة شجرة .. طفل حزين أحلام الطفولة هل تحقق منه شيء ؟ كل شيء الحمدلله لو كنت كلمة ؟ فأي أنواع الكلمات ستختار أن تكون ؟ كلمة حق في وجه ظالم لو كنت وجعاً فأي الأوجاع ستختار أن تكون ؟ الضمير ماهو شعورك وأنت تمشي بجوار مبنى عظيم ؟ رعشة وخوف وصوت بيقول كل كبير فيه الأكبر منه فمابالك بالأكبر القهار جمع بينكم الحب والمشاعر الراقية والذكريات التي لا تُنسى مابين أغنية وأمنية وقصيدة وحلم و فرقتكم الظروف لتجمعكم صدفة عابرة لتلتقي نظراتكم بعد طول غياب في لحظات صمت صارخ وصادق لترتفع بكَ أقصى السماء وتلقي بك طريح الحنين وقبل أن تجمع شتاتك وتستعيد قواك باغتتك بسؤال هل أحببتني حقاً ؟ ثم سقطت منها دمعة وذهبت فما هو شعورك ؟ وما هو رد فعلك ؟ شعور بالدوار وشريط ذكريات هيمر في ثانية وحنين قاتل وممكن دموع وانهيار وسرعة بدقات القلب لكن رد فعلي هيكون التماسك والثبات والانسحاب بسرعة لأن الحب القديم لو كان قدر يواجه ويتحمل كل الظروف عمره ما كنت هقول عليه كان أو قديم ومحتمل ارجع اسأل ثاني فيما بعد تشرف بأي وقت ميرسي الك على المشاركة والأسئلة |
اقتباس:
بمكان موجود فيه قلب متل قلبك شهد وحرف جميل وطيب متل حرفك اللي متل التلج بينحط على الجرح بيبرد تشرفي بأي وقت يناسبك وبالأسئلة اللي تحبيها |
استضافة كثير حلوة لشخصية كثير مميزة وانيقة
راجع بالاسئلة عوافي |
عضوة مميزة بحضورها وردودهاا
ونشيطة خاصة في مواضيع الاسئلة والمسابقات .. استضافة موفقة الها ليعرفوها الاعضاء اكثر .. |
اقتباس:
على كلامك اللطيف تشرف بأي وقت |
اقتباس:
شرفت |
ما هي الحكمة التي تقوم بتطبيقها في الحياة؟
ماذا لو كان عليك أن تختار بين الذهاب إلى المستقبل أو العودة إلى الماضي؟ ما هو أصعب موقف تعرضت له في حياتك؟ هل تعرضت لغدر في حياتك؟ هل تشعر بالرضا عن نفسك؟ ما هو تاريخ اليوم الذي لا يمكن أن تنساه؟ ما هي طريقة الزواج التي تُحب أن تتبِعها (الزواج الناتج عن حب أم الزواج التقليدي)؟ ماذا تختار حبيبك أم صديقك؟ إذا خيروك أن تُعيد تسمية نفسك فهل تقبل باسمك أم تقوم بتغييره |
ما هي الحكمة التي تقوم بتطبيقها في الحياة؟
كن مع الله ولا تبالي ماذا لو كان عليك أن تختار بين الذهاب إلى المستقبل أو العودة إلى الماضي؟ الذهاب للمستقبل لأن ثقتي في اللي عند الله كتير كبيرة ما هو أصعب موقف تعرضت له في حياتك؟ مواقف كتير مابين موت أشخاص بيهموني وغدر ناس وثقت فيهم هل تعرضت لغدر في حياتك؟ نعم هل تشعر بالرضا عن نفسك؟ جداً الحمدلله ما هو تاريخ اليوم الذي لا يمكن أن تنساه؟ 5 - 9 ما هي طريقة الزواج التي تُحب أن تتبِعها (الزواج الناتج عن حب أم الزواج التقليدي)؟ الناتج عن الحب ماذا تختار حبيبك أم صديقك؟ صعب اتخلى عن وجود حدا مقابل وجود التاني الاتنين لهم دور مهم بحياتي إذا خيروك أن تُعيد تسمية نفسك فهل تقبل باسمك أم تقوم بتغييره لأ اسمي عاجبني جداً الحمد لله شرفت @صمت المشاعر وميرسي الك على الاسئلة الخفيفة |
صباح الخير
جمعة مباركة رجعت بأسئلة مثل ما ذكرت لك في اول مشاركة وان شاء الله اسألتي تكون خفيفة ومقبولة 1 / كيف تعرفتي على المنتدى ؟ 2/ بعض الأعضاء بيشبهوكي بعضوة قديمة كانت معنا هنا شو تعليقك على الكلام هذا ؟ 3/ ذكرتي انك متطوعة بأكثر من مجال ؟ شو الأشياءالي تطوعتي فيها شو المجالات يعني ؟ 4/ شو مجال دراستك او تخصصك ؟ 5/ ذكرتي انك ما بتحبي احد يتدخل في حياتك او يكون مسؤول عنك مادياً او معنوياً ؟ هل الكلام هذا ينطبق على والديكِ أو ولي امرك إذا كان اخ كبير مثلاً ؟ 6/ عندك نسبة غموض كبيرة يعني اسمك ما احد بيعرفه لهلوقت . هل هذا بيندرج ضمن نطاق التحفظ ولا الرغبة في انك تخفي جوانب كثيرة من حياتك ؟ وهل هالشي بينطبق على الواقع ولا انت بس هيك في عالم النت وتحفظك هذا يقتصر على عالم النت فقط ؟ |
اهلا وسهلا نون
نورتي الكرسي والاعضاء مش مقصرين معاك يعطيك العافيه |
ههااي نونن :44:
بدديي أسسالكك أسسئلهه خخفيففهه و رآجعهه ! ششو سسبب اخختيآركك لـ لققبكك و شوو معناهه ! ممتى نونن بتنسسححب منن ححياهه ششخصص ممأ أو مككانن ممآ ؟ ') ششوو الششي يلل بعصصبكك ؟ بششوفكك كككتير رآيقهه و مو ععصبيهه ! ههيكك نتي فيي واققعع ؟؟ بحسس منن مشششآركاتكك فيي حزنن ففي ححياتكك تعليقككك ؟ سسلبيهه فيي ننووششش و نصصيحهه ! وردهه |
صباح الخير
صباح النور @هل كان حباً جمعة مباركة علينا وعليك وعلى الجميع يارب رجعت بأسئلة مثل ما ذكرت لك في اول مشاركة وان شاء الله اسألتي تكون خفيفة ومقبولة تشرف بأي وقت وولهلأ أسئلتك مقبولة وخفيفة 1 / كيف تعرفتي على المنتدى ؟ عن طريق عضوة كانت هون دعتني وأنا سجلت 2/ بعض الأعضاء بيشبهوكي بعضوة قديمة كانت معنا هنا شو تعليقك على الكلام هذا ؟ ماعندي تعليق يخلق من الشبه أربعين 3/ ذكرتي انك متطوعة بأكثر من مجال ؟ شو الأشياءالي تطوعتي فيها شو المجالات يعني ؟ دور الأيتام والمشافي وذوي الاحتياجات الخاصة 4/ شو مجال دراستك او تخصصك ؟ درست اكتر من شيء واخيراً اهتديت وارتحت بالأقتصاد وإدارة الأعمال 5/ ذكرتي انك ما بتحبي احد يتدخل في حياتك او يكون مسؤول عنك مادياً او معنوياً ؟ هل الكلام هذا ينطبق على والديكِ أو ولي امرك إذا كان اخ كبير مثلاً ؟ صحيح وبينطبق على أي حدا بتربطني فيه علاقة اجتماعية ماعدا أبي لأنه هو كان بذرة دعمي وعلمني الاعتمادية على الذات وإني استغل فلوسي بالشيء المفيد بلشت اصمد من مرحلة الاعدادية أي فلوس تكون معي ما بصرف منها غير قدر احتياجي بس ولأني الحمد لله بنتمي لعيلة مو ناقصها أي شيء من الرفاهيات فساعدني هالشيء كتير . ومن بعد المرحلة الثانوية بلشت مشروع صغير مع صديقتين وهلأ وضعي من الناحية المادية الحمد لله وما بحب حدا يصرف عليا مهما كانت ظروفي 6/ عندك نسبة غموض كبيرة يعني اسمك ما احد بيعرفه لهلوقت . هل هذا بيندرج ضمن نطاق التحفظ ولا الرغبة في انك تخفي جوانب كثيرة من حياتك ؟ وهل هالشي بينطبق على الواقع ولا انت بس هيك في عالم النت وتحفظك هذا يقتصر على عالم النت فقط ؟ اسمي ما بيهم حدا وما هيفرق مع حدا بدنيا النت المهم معاملتي واسلوبي وأنا بالعادة بحياتي الواقعية اجتماعية وأي مكان بكون فيه بكسب احترام ومحبة الموجودين من خلال اسلوبي اللي بفرضه ومابيعرفوا عني شيء غير بالحدود اللي بسمح انا فيها لأني اتعرضت بحياتي لمواقف اتعلمت منها أولها ان حياتي لها خطوط محددة مش اي حدا يتجاوزها ولا يعرف عني غير اللي بس يسمعه مني شرفت |
اقتباس:
|
ههااي
هاي ننوش بدديي أسسالكك أسسئلهه خخفيففهه و رآجعهه ! تشرفي بأي وقت ششو سسبب اخختيآركك لـ لققبكك و شوو معناهه ! بحب سورة القلم جدا وبحب حرف نون لأنه ارتبط فيها بالقلم والسطور ممتى نونن بتنسسححب منن ححياهه ششخصص ممأ أو مككانن ممآ ؟ ') من حياة شخص : لما بحس انه بيكسر قواعد علاقتنا وبيكون وجوده بحياتي سلبي مش ايجابي من مكان ما : الارتباط بالمكان بيكون عن حب وذكريات حلوة وبشعة قضيتها وأثرت فيكي حتى لو تأثير سلبي بس هيك بتحبيه كله على بعضه بكل التفاصيل فمهما قابلك أزمات وصادفتك أشياء في نفس المكان كسرت شيء حلو عندك بتضلي مرتبطة فيه وما بتنسحبي ششوو الششي يلل بعصصبكك ؟ تكرار الخطأ والاعتذار الكتير لأنه بيفقد معناه . وإن أتعامل مع حدا ضعيف شخصية أكتر شيء ممكن يعمله إنه يستفزني بأساليب ضعيفة بتقلل من احترامه بششوفكك كككتير رآيقهه و مو ععصبيهه ! ههيكك نتي فيي واققعع ؟؟ الهدوء عندي له وقته وله قدسيته و بحب أعيشه بكل تفاصيله مع ان طبيعتي الداخلية مش هادية وما بنفعل غير مع المواقف اللي تستاهل بس بحسس منن مشششآركاتكك فيي حزنن ففي ححياتكك تعليقككك ؟ ماحدا على وجه الأرض ما عنده حزن بحياته الحزن إله صور كتير ومختلفة وبدوافع مختلفة وانا شخصيتي بحب اعيش كل شيء بصدق حتى في الحزن بيكون حزني عميق جداً وبياخد وقت كبير جداً معي رغم إني ما بحاول أظهر هالشيء وبحاول ما يأثر على أي شخص بيتعامل معي وبفصل بين حزني الداخلي وواقعي الخارجي وهالشيء يا ننوش ما بيحس فيه ولا بيشعره غير الإنسان اللي بيتعامل بعفوية وطيبة وحسن ظن بالآخرين سسلبيهه فيي ننووششش و نصصيحهه ! ماعندي سلبية عليكي غير غيابك وانك بتتأخري بموضوع الاستراحة ونصيحتي إلك تترفعي عن التوافه وتتجاهلي اللي ممكن يزعجك وما تركزي على اللي بيحاول يقلدك لأنه آخره يقلدك لأنك الأصل وبعمره ما هيكون صورة منك وردهه ولإلك وردة شرفتي |
اهلا وسهلا نون
نورتى كرسي الاعتراف وحابة اسئلك كام سؤال بعد اذنك - هاى اول تجربة الك بعالم المنتديات او مشتركة بغيره ؟ - كيف بتحكمى ع الاعضاء ، من خلال مشا كاتهم والا تعاملك معهم ، او تصور مسبق عنهم ؟ - معظم ردود اذا ماكان كلهم بيغلب عليهم طابع الجدية ، انتى طبيعتك هيك ، والا هالجدية من باب انه كل شخص يعرف حدوده ومايتجاوزها بعد هيك ؟ - ذكرتى من قبل انه مابتحبى حدا يكون مسؤل عنك بشغلة المصروف وكنت هسأل نفس سؤال هل كان حبا بس سبقني ، مابتشوفى ان هالشي متعب وانه اتحملتى المسؤولية ع البدري ؟ - متى ممكن تثقى بالشخص وتفتحيله قلبك ؟ - حابة اعرف رايك ب - m0m3n / - الصياد / - حنين الروح / - نأي / وبتمنى تكون اسئلتي خفيفة عليكي |
اختيار جميل لنون
صبية واعيه ومميزه وشخصيتها ملفته وان شاء الله بنتعرف عليها اكتر من خلال هالموضوع يسلمو خمر ع اختيارها منوره الكرسي نون // بنظرك امتى الإنسان بتغير؟ وشو الأسباب يلي ممكن تخليه يتغير ؟ وانتى بنظرك بالفترة الاخيره اتغيرتي؟ ، ولو اتغيرتي اتغيرتي للاحسن ولا للاسوء؟ وشو الصفات يلي تغيرت فيكي بالفترة الماضيه ؟ // لو غمضتي عينيكي هلأ شو هو الشي يلي ممكن تفكري فيه ؟ // شو اكبر مخاوفك ؟ // شي حققتيه وبتفخري فيه شو هو ؟ // لو طُلب منك العودة في الزمن وتصحيح أمر خاطئ صدر عنك .. شو هادا الخطأ وإلى أي وقت رح ترجعي ؟ // شي مرة قمتي بتجربة معينة وحابة تكرريها مرة تانيه وشو هي ان وجدت ؟ // شو اكثر شي بميز البنت يلي بتحبي تختاريها صديقة الك ؟ // ذروة غضبك لوين ممكن تصل وشو ممكن يصدر عنك ؟ // تجري الرياح بما لا تشتهي السفن كم هي المرات التي جرت فيها الرياح عكس آمالك وطموحاتك ؟ // أين تري نفسك في الحياة ؟ ماذا حققتي وما الذي تطمحي لتحقيقه بالمستقبل ؟ // اصعب موقف مريتي فيه وترك فيكي اثر كبير ؟ // الدنيا مرات بتعطينا اشيا ومرات بتاخد منا . شو اعطتك الدنيا وشو اخدت منك ؟ // شو يلي بميز نون عن غيرها ؟ // الامنيات كتيره وكل واحد عنده امنيات شو الامنيه يلي بتتمني تحققيها وبشدة ؟ // ممكن تحكيلنا عن احلى يوم بحياتك ؟ // امتى بتحسي بالضعف ؟وامام مين ممكن تضعفي ؟ // كنا خير امة اخرجت للناس والان لا يرأيك ماهي الاسباب؟؟ // الصفات يلي بتتمنيها بشريك حياتك ؟ // وقت خلوتك مع نفسك بشو بتقضيه ؟ // امتى بقسى قلب نون ؟ // دمعة انحبست داخل عيونك واجبرك الزمن على ايفافها قبل أن تسقط امتى وشو السبب ؟ بتمنى تكون اسئلتي خفيفه عليكي |
اهلا وسهلا نون
نورتى كرسي الاعتراف وحابة اسئلك كام سؤال بعد اذنك ميرسي الك خمر تشرفي بأي وقت - هاى اول تجربة الك بعالم المنتديات او مشتركة بغيره ؟ لا مش مشتركة بأي مكان تاني هون وبس - كيف بتحكمى ع الاعضاء ، من خلال مشا كاتهم والا تعاملك معهم ، او تصور مسبق عنهم ؟ ملامح الشخص بتبين من اسلوبه وطبيعة المواضيع اللي بيحب يشارك فيها وبتفرض عليا احترامه او العكس بس مابقدر احكم على حدا حكم نهائي بدون تعامل واقعي وبدون ما اعرفه عن قرب وأشوف ردود أفعاله وكيف بيتصرف بالمواقف وإلا بيكون حكم ظالم . - معظم ردودك اذا ماكان كلهم بيغلب عليهم طابع الجدية ، انتى طبيعتك هيك ، والا هالجدية من باب انه كل شخص يعرف حدوده ومايتجاوزها بعد هيك ؟ طبيعتي بتميل أكتر للجدية وبحب أفرق بين الجد والهزل واللين بالكلام وبعرف أقيم وأختار مع مين أمزح ومع مين احكي جد وبحب أحط حدود لكل الناس اللي بعرفه واللي مابعرفه وما بسمح لحدا بتجاوزها أبداً . - ذكرتى من قبل انه مابتحبى حدا يكون مسؤل عنك بشغلة المصروف وكنت هسأل نفس سؤال هل كان حبا بس سبقني ، مابتشوفى ان هالشي متعب وانه اتحملتى المسؤولية ع البدري ؟ مافي شيء بالحياة مجاني ولا بتقدري توصلي او تحصلي عليه دون مقابل بالبداية كان الأمر متعب ومرهق بس اتعودت على وضعي ولأني بطبيعتي حساسة جداً وبخجل أطلب من حدا شيء فكان لازم اتحمل مسؤولية نفسي بكل ظروفها وتفاصيلها وأتحرر من القيود المادية اللي ممكن تخلي حدا يتحكم فيا أو يسألني عن أمور ما بتخصه وهالشيء كبرلي عقلي قبل عمري وفهمت واستوعبت أشياء كان يلزمها وقت أكبر لأفهمها. - متى ممكن تثقى بالشخص وتفتحيله قلبك ؟ الثقة مش كلمة بنقولها الثقة صفة معنوية مابنقدرنعرف قيمتها بميزان هي بتتكون مع المواقف والظروف وبعرف من خلالها التزامه .. صدقه .. قناعاته .. مبادئه لأن الثقة هي حجر الأساس اللي بنبني عليه علاقة دايمة . - حابة اعرف رايك ب - m0m3n / ما قدرت أكون رأي عنه - الصياد / ما قدرت أكون رأي عنه - حنين الروح / واضحة عفوية بردود أفعالها انفعالية مع المواقف حساسة ورومانسية وبتتعلم من المواقف ومثقفة وعندها القدرة على الحوار والاعتراف بالخطأ - نأي / شخصية راكزة وعميقة وقلمها واعي وبيعرف طريقه بتترك أثر وانطباع حلو شرفتي @خَمْر أيلول |
اختيار جميل لنون
صبية واعيه ومميزه وشخصيتها ملفته وان شاء الله بنتعرف عليها اكتر من خلال هالموضوع منوره الكرسي نون ميرسي الك لونلي انتي الأجمل والألطف بكلامك ورأيك واسلوبك الراقي // بنظرك امتى الإنسان بتغير؟ لما بتجبره الظروف الخارجة عن إرادته للتغيير وشو الأسباب يلي ممكن تخليه يتغير ؟ ؟ أسباب كتير ممكن تكون المادة والأوضاع الاجتماعية أجبرته إنه يبعد عن الناس وممكن تكون أسباب نفسية انه يكون اتعرض لمواقف صعبة بحياته أثرت عليه . وانتى بنظرك بالفترة الاخيره اتغيرتي؟ ، ولو اتغيرتي اتغيرتي للاحسن ولا للاسوء؟ نعم اتغيرت وان شاء الله يكون للأحسن . وشو الصفات يلي تغيرت فيكي بالفترة الماضيه ؟ انكسرت جوايا أشياء ما كنت أتصور انها تنكسرأبداً حولتني بدرجة كبيرة للنقيض وانولدت جوايا نقاط قوة جديدة وكنت شخصية اندفاعية هلأ لأ . // لو غمضتي عينيكي هلأ شو هو الشي يلي ممكن تفكري فيه ؟ عمضت وما فكرت بشيء شفت نفسي بمكان هادي كتيرماسمعت شيء فيه حتى أنفاسي وكأني انفصلت فجأة عن العالم . // شو اكبر مخاوفك ؟ بخاف كتير من غضب رب العالمين // شي حققتيه وبتفخري فيه شو هو ؟ كل ما بقرب من رب العالمين وبعمل أي شيء من النوافل والسنن غير المفروضة بحس بالفخر وبحس بحب الله أكتر .. لما بخرج من البيت بنية اخراج صدقة بفتخر وبحس براحة نفسية كبيرة .. حسيت بالفخر لما شاركت بكفالة يتيم .. بفتخر بثقافتي ووعيي ونجاح مشروعي الصغير .. بفتخر بمشاركتي بالأعمال التطوعية .. وبفتخر بقوة شخصيتي وقراراتي اللي باخدها وما بتخذلني وما بندم عليها أبداً بفتخر بخطأ عملته اتعلمت منه الصح . // لو طُلب منك العودة في الزمن وتصحيح أمر خاطئ صدر عنك .. شو هادا الخطأ وإلى أي وقت رح ترجعي ؟ برفض أرجع للماضي حتى لو كان الهدف تصحيح خطأ // شي مرة قمتي بتجربة معينة وحابة تكرريها مرة تانيه وشو هي ان وجدت ؟ ركبت دراجة جبلية ونزلت على الدرج // شو اكثر شي بميز البنت يلي بتحبي تختاريها صديقة الك ؟ تكون انسانة راكزة وواضحة على درجة من الوعي وعندها مبادىء وتكون أمينة وبتصلي وتساعدني اني أعمل الأشياء الصح وأقرب من رب العالمين أكتر . // ذروة غضبك لوين ممكن تصل وشو ممكن يصدر عنك ؟ انا بصبر عند الغضب وبنعزل عن الناس اللي بيزعجوني حتى ما اجرحهم لكن لو هم أصروا على ازعاجي ممكن أجرحهم بالكلام وهالشيء بطبقه على نفسي قبل غيري بتمر عليا أوقات بخاصم نفسي وبعاقبها وأجرحها بالكلام وممكن ما اطلع بمراية حتى ما أشوف نفسي . // تجري الرياح بما لا تشتهي السفن كم هي المرات التي جرت فيها الرياح عكس آمالك وطموحاتك ؟ مرة واحدة والحمد لله ما طولت // أين تري نفسك في الحياة ؟ ماذا حققتي وما الذي تطمحي لتحقيقه بالمستقبل ؟ ؟ شايفة نفسي بناقش دكتوراة في العلوم المالية والمصرفية بقاعة جامعية بلندن صحيح الموضوع هياخد وقت وجهد وعمر بس هيتحقق ان شاء الله وطموحي اللي حققته لهلأ استقراري على مجال دراسة ارتحت فيه . // اصعب موقف مريتي فيه وترك فيكي اثر كبير ؟ موت بعض الأقارب // الدنيا مرات بتعطينا اشيا ومرات بتاخد منا . شو اعطتك الدنيا وشو اخدت منك ؟ أعطتني أهل وعيلة أفتخر فيهم وأعطتني وضع اجتماعي مشرف وأخدت مني أقرب الناس إلي . // شو يلي بميز نون عن غيرها ؟ ملتزمة بمواعيدي ووعودي ونظامية وبتحمل مسؤولية وراقية بالتعامل مع غيري // الامنيات كتيره وكل واحد عنده امنيات شو الامنيه يلي بتتمني تحققيها وبشدة ؟ ؟ الدكتوراه وإني أسافر لأكتر من بلد . // ممكن تحكيلنا عن احلى يوم بحياتك ؟ كل يوم بيمرعليا بضحك فيه من قلبي وبنجز فيه هدف كنت مخططاله بيكون أحلى يوم بحياتي // امتى بتحسي بالضعف ؟وامام مين ممكن تضعفي ؟ لما بشوف دمعة يتيم أو بسمع أنين مريض وضعفي قدام نفسي بس // كنا خير امة اخرجت للناس والان لا يرأيك ماهي الاسباب؟؟ كنا خير أمة لما كانت متحققة فينا شروط الخيرية وهي الأمر بالمعروف والنهي عن المنكر والايمان بالله .. شو باقي هلأ من الشروط ؟ ماضل شيء العكس تماماً هو اللي صاير مع التبعية الكاملة لليهود وأصحابهم . // الصفات يلي بتتمنيها بشريك حياتك ؟ يكون بيصلي عن تقوى وخوف من الله مش تعود .. شخصيته قوية .. يكون عنده طموح ويكون راكز وواعي ورومانسي وجدي بنفس الوقت ويكون مهضوم مش معقد وما يمنعني من تحقيق طموحي ويكون جامعي // وقت خلوتك مع نفسك بشو بتقضيه ؟ بسمع ميوزيك هادية وأرتب أفكاري وأحدد أهدافي اليومية // امتى بقسى قلب نون ؟ قلبي ما بيقسى لكن عقلي ممكن يقسى هو وكلامي // دمعة انحبست داخل عيونك واجبرك الزمن على ايفافها قبل أن تسقط امتى وشو السبب ؟ لما سألني طفل يتيم ليش أنا ما عندي بابا انحبست وما قدرت انزلها قدامه ولا عرفت أرد على سؤاله بس غمرته . وانحبست قدام مريضة بقسم الطوارىء اتعرضت لحادث سير وكانت حامل بصبي وكان بينها وبين الموت ساعات وسألتني عن بناتها وقالتلي أنا هموت مش هيك ؟ بتمنى تكون اسئلتي خفيفه عليكي تشرفي بأي وقت @lonely heart |
مرححبا ككمانن ممرهه 💙
ممككنن ككمم سسؤال رايكك في الححب عنن طريق النتت ععامهه والمنتتديياتت خخاصهه ؟ ججربتي الححب ") الخخيانهه ممتى مما بتسسامححي ففيها " ) ششو الفرقق بينن الححب و الاعجججاب ') بسس ههدولل بباليي وردهه |
بعتذر عن التاخير بس ما حبيت افوت فرصة التعرف عليكي عن قرب
ونطرت الوقت اللي اكون فيه رايقة وبالي مرتاح كتير اسمتعت بمتابعة اجوبتك وفعلا انتي انسانة تستحقي كل تقدير واحترام ح اسال بموضوعين ما حد اتطرق الهم وهم الروايات والحب وبتمنى تكون اسئلتي خفيفة عليكي كاتبتك المفضلة؟؟ وافضل رواية الها؟ اول رواية قرأتيها؟؟؟اخر رواية قرأتيها؟؟؟ رواية خلتك تبكي؟؟؟ بطلت رواية تمنيتي لو عايشة دورها وقصتها؟؟ اسماء 5 روايات عجبك عنوانها؟ رواية ندمتي انك قرأتيها؟ مرة كنت ادور عموضوع ل قسم النقاش ولفت نظري هالموضوع مناقشة لكتاب نسيان.... هل علينا أن ننسى من أحببنا أم أن نبقيه كذكرى...؟ - ما مدى قدرتنا على نسيان من أحببنا...؟ - هل الرجال لديهم قدرة على النسيان أكثر من المرأة...؟ - ما مدى استعدادنا للهزات العاطفية قبل حدوثها...؟ - هل معظم ما نحن فيه كعرب من مشاكل وعراقيل هي لأننا عاطفيين...؟ - عندما نحب هل علينا أن نعطي كل شيء دفعة واحدة...؟ - " ويل لخلّ لم ير في خله عدواً "... ما مدى صحة قول أحلام مستغانمي...؟ - تقول السيدة أحلام " أين ذهب الرجال " فهل نحن الآن نفتقد إلى الرجال الحقيقيين في المجتمع...؟ - ما مدى استعدادكم لمساعدة أشخاص يعانون من أزمة ما والوقوف إلى جانبهم...؟ - الرجل لا ينسى امرأة أحبها إلا بحبه لامرأة أخرى... هل توافقون هذه المقولة...؟ - الألم هل هو قدر أم هو اختيار بإمكاننا إيجاده أو نبذه...؟ - الرجال هم أكثر خيانة وأكثر نكثاً لوعودهم أم المرأة...؟ - هل تحاولون الانتقام ممن غدركم في الحب...؟ - البعض يدخل في علاقة جديدة بعد الإخفاق في الحب... هل تؤيدونهم...؟ - تقول أحلام أنه على المرأة أن تحمل سلة من الأقنعة كي تتعامل مع الرجل الذي تحب لأنه هو يمتلك أقنعة أيضاً... فهل هذا صحيح...؟ - تشدد أحلام على أن أقوى سلاح يمتلكه الرجل هو الصمت وأن المرأة غير قادرة على تفسيره... فهل هكذا الرجال... وما سبب عدم فهم المرأة صمت الرجل...؟ أحبيه كما لم تحب إمرأة من قبل وأسيه كما ينسى الرجال؟؟؟؟مذا عن هذه العبارة التهمة؟؟؟ |
(((الحب هو النعمة التى تتوج بها الإنسانية )))
فما رايك فيمن يرى ما يحدث فى الدنيا الان؟ يشعر وكأننا فقدنا هذة النعمة ؟ عين المحب عمياء عن عيب المحبوب وأذنه صماء عن قبيح ما يسمع فيه * فهل الحب اعمى ؟... (((لاتتزوج الا عن حب ولكن تاكد ان من تحب هوجدير بحبك * فكيف يمكننا ان نتأكد من الحب؟ (((اذا اردت ان تحطم الحب ففكر فى الزواج* فهل الزواج يقتل الحب؟ (((اذا تملك الانسان الحب تملكه الضعف* فهل الحب ضعف؟ (((ان اكثر ما قيل عن الحب كلام فارغ* فهل حقيقى ان الكلام فى الحب كلام فارغ؟ (((كما ان الانسان لايدوم فكذلك الحب* فهل الزمن يقتل الحب؟ (((فى حرب الحب... الفرار انتصار* فمتى يكون الفرار من الحب امرا لابد منه؟ (((الحب يولد من لاشىء ويموت بأى شىء* فمتى يموت الحب؟ (((الحياة بدون حب مستحيلة وقد يخيل اليك انك تعيش بلا عواطف وانك لاتحب شيئا ولكنك تحب دون ان تدرى* فكيف نحب دون ان ندرى؟ (((أن الذين يؤمنون بالحب يؤمنون بالحياه ويؤمنون بانفسهم* فهل يستطيع الحب ان يدعم ثقه الانسان بنفسه وبمن حوله؟ (((ما الحب فى الدنيا الا حظوظ وقد يأتيك عفوا بعدما ظننت انه ابعد الاشياء منك* فالى اى حد ينحكم الحظ فى الحب والزواج؟ |
مرححبا ككمانن ممرهه ��
أهلين ننوش مرات ومرات ممككنن ككمم سسؤال رايكك في الححب عنن طريق النتت ععامهه والمنتتديياتت خخاصهه ؟ الاتنين نت مافي فرق بين موقع تواصل اجتماعي او منتدى المنتدى شكل من أشكال التواصل وهالشعور مابحب اسميه حب ممكن اسميه مضيعة للوقت لأنه فاقد أهم أسس للحب هو الصدق والثقة والمعايير اللي ممكن تكمل فيها قصة الحب دخولنا النت بهدف التسلية وتقضية وقت الفراغ او بهدف الثقافة والمعرفة وملء الفراغ الداخلي اللي ممكن البعض يحس فيه او هروب من واقع الله وحده بيعلمه مقتنعة انتي ان في حدا هدفه على النت الحب ؟ ولو هيك بتقدري تثقي فيه ؟ ما بظن لكن للإنصاف لو صار وفيه حدا حس بهيك شعور ووضحت الأمور واتعرفوا معرفة واقعية وشافوا بعض بالواقع ووضحت الأمور واكتملت المعايير ورضيوا الأهل وظروفهم اتوافقت بيكون خير ججربتي الححب ") سؤال شخصي مابحب اجاوب عليه الخخيانهه ممتى مما بتسسامححي ففيها " ) ابداً ما بسامح بالخيانة ولا بعطي فرصة تانية أبداً ومابقبل الاعتذار عنها بأي اسلوب أو شكل وإلا بكون غبية وبكرر الخطأ وأنا مش هيك ششو الفرقق بينن الححب و الاعجججاب ') الحب شعور قوي بيسيطر عليكي بتحسيه تجاه شخص معين بتقبليه بكل صفاته بتتأثري جداً بس تشوفيه بتتلبكي وتحسي بخجل لو اتحدثتي معه بتغاري عليه من أنفاسه بتحسي بدفا بس تسمعي صوته بتشتاقي له لو غاب يمكن بتحسي بشوقك اله اثناء حديثكم وقبل لتبعدوا بيملاكي كلك ... باختصار ما بتقدري تتجاهلي وجوده أبداً بحياتك الاعجاب بيكون اعجاب بصفة او بصفات بالشخص متل اسلوبه وطريقته بالتفكير وصرامته باتخاذ القرارات نجاحه بحياته العملية بتقدري تتحدثي معه وتطلعي بعيونه بدون خجل ما بتشتاقي له وتحسي بغيابه يعني عادي لو غاب بسس ههدولل بباليي وردهه شرفتي ننوش ووردة الك |
عزيزتي @شهد الروح
ان شاء الله بجاوب على اسئلتك بس مش هلأ لأني لسه راجعة من جامعتي واسئلتك بدها وقت برتاح شوي وبرد اجاوبك ومن هون لوقتها أحلى وردة الك ولانتظارك |
كتير اسمتعت بمتابعة اجوبتك وفعلا انتي انسانة تستحقي كل تقدير واحترام ح اسال بموضوعين ما حد اتطرق الهم وهم الروايات والحب وبتمنى تكون اسئلتي خفيفة عليكي ميرسي الك @شهد الروح على لطفك وكلامك كاتبتك المفضلة؟؟ ؟؟ أحلام مستغانمي وغادة السمان وخولة حمدي ومحمد السالم وافضل رواية الها؟ كل كتابتهم حلوة بس حبيت كتيرلأحلام ذاكرة الجسد ولغادة يا دمشق وداعاً ولخولة أين المفر ولمحمد السالم سلام الله على عينيكِ اول رواية قرأتيها؟؟؟ مش ذاكرة أول رواية اخر رواية قرأتيها؟؟؟ حزن الملائكة رواية خلتك تبكي؟؟؟ أين المفر بطلت رواية تمنيتي لو عايشة دورها وقصتها؟؟ كل رواية بعيشها بكل تفاصيلها وبعيش كل شخصية فيها بس أكتر حبيت سارة في سلام الله على عينيكِ اسماء 5 روايات عجبك عنوانها؟ حزن الملائكة .. سلام الله على عينيكِ .. ذاكرة الجسد .. قاب عينين أو أدنى .. طوق الياسمين رواية ندمتي انك قرأتيها؟ ماندمت على أي شيء قرأته مرة كنت ادور عموضوع ل قسم النقاش ولفت نظري هالموضوع مناقشة لكتاب نسيان.... ما قرأت كتاب نسيان كل اللي عرفه انه لأحلام مستغانمي لكن هجاوبك على الأسئلة من وجهة نظري هل علينا أن ننسى من أحببنا أم أن نبقيه كذكرى...؟ ماحدا بيقدر ينسى حد مر بحياته ولا بيقدر ينسى نبض قلبه .. كلمة نسيان كلمة بنقولها علشان نخبي هزيمتنا وخذلاننا بحب عشناه أو متل الترياق اللي بنستمد منه الشفا لنكفي حياتنا لكن هو بيكون ذكرى بكل تفاصيلة الحلوة والمؤلمة - ما مدى قدرتنا على نسيان من أحببنا...؟ أنا مابعترف بكلمة نسيان حتى أقولك لأي مدى بنسى لكن ممكن أقولك إني بخبي أي ذكرى جوايا للمدى اللي بقدر أعيش فيه وأواصل حياتي . - هل الرجال لديهم قدرة على النسيان أكثر من المرأة...؟ المشاعر والأحاسيس واحدة الرجل متل المرأة بيحب ويتألم وينغدر لكن هو طبيعته ومسؤولياته بتلهيه وبتاخده لمحل تاني لكن ما بينسى ابداً - ما مدى استعدادنا للهزات العاطفية قبل حدوثها...؟ الهزات العاطفية نوعين يا هزة بتخليني احب وهاي ما بيكون عندي استعداد الها لأن الحب ماله موعد ولا مقدمات يا هزة بتخليني أبكي والاستعداد هون بيكون من أجل الهزات العاطفية التالية يعني ممكن تقولي ان الاستعداد بيصيب اللي اتجرح من قبل واتألم لهيك بيكون على حذر وفي حالة قلق مستمر وخوف لكن مع المشاعر الأولى وسير الحب في مساره الصحيح بيكون مافي خوف ولا استعداد ولا انتظار للغدر علشان هيك لو اجت الهزة بتكون صعبة - هل معظم ما نحن فيه كعرب من مشاكل وعراقيل هي لأننا عاطفيين...؟ العرب عاطفيين بس قدام المسلسلات والأفلام والأخبار الحزينة ووقتها بيتعاطفوا تعاطف لحظي وبعد هيك كل واحد بيسكر بابه على احزانه ومشاكله وبيتعاطف مع نفسه وفيكي تقولي كل يغني على ليلاه وفيكي تقولي علينا كعرب عرابين في الهبل والعبط والتابعية لكن مشاكل عروبتنا يلزمها قوة وذكاء ووحدة و غيرة على الدين والأرض والعرض لكن احنا آخرنا نغار من بعض . - عندما نحب هل علينا أن نعطي كل شيء دفعة واحدة...؟ العطاء على قدر الموقف وقدر الحاجة مابيصير اعطي عطاء بلا حدود ومابلاقي اللي بحبه بيبادلني نفس العطاء بيصير الموضوع انانية واستغلال - " ويل لخلّ لم ير في خله عدواً "... ما مدى صحة قول أحلام مستغانمي...؟ أكيد قالتها عن تجربة ونتيجة لعصارة مواقف هي شافتها وأنا موافقة على رأيها لأن أقرب الناس الك هو اللي بيعرف نقاط ضعفك وحزنك وبيعرف من وين يجرحك ويطعنك ويستغلك لكن مش معنى هيك اني اسيء الظن وأتعامل على هالأساس لازم الحذر بس . - تقول السيدة أحلام " أين ذهب الرجال " فهل نحن الآن نفتقد إلى الرجال الحقيقيين في المجتمع...؟ أنا ما قرأت كتاب نسيان بس ما بعتقد إن الست أحلام تقصد فيه تعميم مقولتها أكيد هي بتقصد نوعية معينة من الرجال لكن بحكم قراءتي لبعض روايتها بالفعل معاييرالرجولة اختلفت عن الزمن اللي كتبت عنه لكن للإنصاف ما انعدمت الرجولة بمجتمعنا وان شاء الله ما تنعدم أبداً . - ما مدى استعدادكم لمساعدة أشخاص يعانون من أزمة ما والوقوف إلى جانبهم...؟ أكيد ما بقصر معهم طالما طبيعة علاقتي فيهم بتسمحلي بالمساعدة ولأني بعرف إن وقت الأزمات بيكون صعب كتير وكل لحظة فيه بتمر وكأنها عمر - الرجل لا ينسى امرأة أحبها إلا بحبه لامرأة أخرى... هل توافقون هذه المقولة...؟ رجل .. مرأة مافي شيء اسمه نسيان فيه تجاهل لمرحلة مرت بالحياة وتجاهل لذكرى حب عشناه ولهو بحياة جديدة وشخص جديد وظروف جديدة - الألم هل هو قدر أم هو اختيار بإمكاننا إيجاده أو نبذه...؟ يمكن يكون قدر ببدايته لكن بعد هيك بيكون اختيارنا وما بنكر إن الألم له شعور وسحر ما بيتقاوموا لو كانوا بسبب انسان حبيتيه حب صادق وعشتي معه ذكريات وتفاصيل صادقة وفيه نوع اختياري من أنواع الألم لما بتكوني عارفه ان الحب محكوم عليه بالفشل وانتي مصممة على انك تكفي وتعذبي مشاعرك وقلبك عالفاضي . - الرجال هم أكثر خيانة وأكثر نكثاً لوعودهم أم المرأة...؟ للإنصاف أنا بشوف الاتنين متساويين بالخيانة - هل تحاولون الانتقام ممن غدركم في الحب...؟ أنا أرقى من اني استخدم اسلوب الانتقام لأني بشوفه تقليل من شأني ومن مشاعري اللي كانت ملكه بيوم من الأيام .. انسحابي من حياته أفضل وأميز عندي لأني مابقدر اتجاهل حبي اله ولا بقدر أنزل لمستوى الانتقام . - البعض يدخل في علاقة جديدة بعد الإخفاق في الحب... هل تؤيدونهم...؟ مش غلط بس المهم مايسعى للحب ويعطي نفسه فرصة انه يستعيد نفسه ويعيد ترتيب نفسه ويعرف اخطاؤه وما يكررها . - تقول أحلام أنه على المرأة أن تحمل سلة من الأقنعة كي تتعامل مع الرجل الذي تحب لأنه هو يمتلك أقنعة أيضاً... فهل هذا صحيح...؟ طالما فيه حب وعلاقة قوية فأنا بوافقها بلبس الأقنعة للتغيير والتجديد بعلاقتهم لكن أقنعة التزييف والكذب والأنانية والشك والامتلاك اللي بيخليه يشعر إنه بسجن فأنا ضدها - تشدد أحلام على أن أقوى سلاح يمتلكه الرجل هو الصمت وأن المرأة غير قادرة على تفسيره... فهل هكذا الرجال... وما سبب عدم فهم المرأة صمت الرجل...؟ لو حبهم لبعض كان قوي ومبني على اساس من التفاهم أكيد هتقدر تفهم صمته وانه ممكن يكون نتيجة لمعاناته من شيء أو ممكن من جرحه منها أو اشتياق الها وهو زعلان منها أوغضب أو عقاب ... غير هيك لو ما قدرت تفسر صمته بتكون ما حبته بعمق ولا فهمته صح أحبيه كما لم تحب إمرأة من قبل وأسيه كما ينسى الرجال؟؟؟؟مذا عن هذه العبارة التهمة؟؟؟ برد احكيلك مابعترف بالنسيان بالحب وضد التحامل على الرجل ونعته بإنه بينسى وبيقدر يعيش .. متل ما جاوبتك طبيعته كرجل وطبيعة مسؤولياته بتلهيه وبتشغله لكن ما بينسى أبداً . شرفتي وان شاء الله برجع اكفي جواباتي على الجزء التاني من اسئلتك |
(((الحب هو النعمة التى تتوج بها الإنسانية )))
فما رايك فيمن يرى ما يحدث فى الدنيا الان؟ يشعر وكأننا فقدنا هذة النعمة ؟ نعم الحب نعمة كبيرة مش مفقودة لكن اصبح وجودها نادر عين المحب عمياء عن عيب المحبوب وأذنه صماء عن قبيح ما يسمع فيه * فهل الحب اعمى ؟... طبعاً أعمى لأننا مابنختار اللي بنحبه وبنكون شايفين إن فيه ناس أفضل منه بس مابدنا غيره (((لاتتزوج الا عن حب ولكن تاكد ان من تحب هوجدير بحبك * فكيف يمكننا ان نتأكد من الحب؟ لو ماقدرنا نعيش بعيد عن الحبيب ولا عرفنا نمارس حياتنا بدونه لو سيطر على كل أفكارنا وفرض نفسه علينا وعلى كل تفاصيل حياتنا بنكون حبينا وعشان يكون جدير بالحب لازم الحب يكون جد مش ضحك وتضييع وقت . (((اذا اردت ان تحطم الحب ففكر فى الزواج* فهل الزواج يقتل الحب؟ ما بآمن بفكرة ان الزواج قاتل للحب يمكن لأن الحب بعد الزواج بيتنفس بحرية فبيهدا لهيك بيفسروه على انه قاتل للحب ويمكن علشان الأول بيكونوا المحبين ماعندهم مسؤوليات ومتفرغين لبعضهم بس .. لكن بعد الزواج والعيلة بينشغلوا عن بعض شوي ويمكن علشان في بعض الناس بتفكر ان الزواج قيد المحبين وخلاص ماحدا بيقدر يهرب من التاني . (((اذا تملك الانسان الحب تملكه الضعف* فهل الحب ضعف؟ طبعاً ضعف وفي مواقف كتير الاتنين بيضعفوا قدام بعض بس المفروض يقووا ببعض وما يضعفوا لحدا ولا قدام حدا ولا يظهروا هالشيء ولا كل واحد منهم يستغل ضعف التاني . (((ان اكثر ما قيل عن الحب كلام فارغ* فهل حقيقى ان الكلام فى الحب كلام فارغ؟ نعم فارغ من كل معنى سيء (((كما ان الانسان لايدوم فكذلك الحب* فهل الزمن يقتل الحب؟ مش الزمن الغدر والخيانة وعدم الوفاء بالوعود وتعقيدات الأهل والظروف المادية هم اللي بيقتلوا الحب وبيحولوه لذكرى ميت (((فى حرب الحب... الفرار انتصار* فمتى يكون الفرار من الحب امرا لابد منه؟ لنفس الأسباب اللي ذكرتها في السؤال اللي سبق مع اضافة إن الحب لو اتحول لقوة سلبية بتهدمني فبيكون الانسحاب افضل اختيار وألم ساعة ولا وجع العمر كله. (((الحب يولد من لاشىء ويموت بأى شىء* فمتى يموت الحب؟ لو كان من البداية ضعيف .. لو كان مش حقيقي .. لو انقطعت كل الطرق اللي بتحييه .. لو اتحول لسجن الامتلاك وقيود الأنانية . (((الحياة بدون حب مستحيلة وقد يخيل اليك انك تعيش بلا عواطف وانك لاتحب شيئا ولكنك تحب دون ان تدرى* فكيف نحب دون ان ندرى؟ الحب احاسيس مافينا نوجهها لشخص معين ولا بوقت معين الحب متل العاصفة الشديدة لا بتقدري ترديها ولا بتعرفي تسلمي منها (((أن الذين يؤمنون بالحب يؤمنون بالحياه ويؤمنون بانفسهم* فهل يستطيع الحب ان يدعم ثقه الانسان بنفسه وبمن حوله؟ مابعرف مين كاتب العبارة ومابعرف وجهة نظره لكن أنا ضدها لأن نفسي وحياتي موجودين قبل الحب الحب جزء مني مش أنا اللي جزء منه الحب ممكن يخليني احب الحياة أكتر لكن حياتي موجودة قبله .. وبالنسبة لسؤالك جوابي لأ .. لأن الثقة بالنفس هي اللي ممكن تدعم الحب وتقويه مش العكس .. الحب مشاعر بتتغير لكن الثقة بالنفس ثابتة فكيف الشيء اللي بيتغير بيدعم الشيء الثابت ؟ (((ما الحب فى الدنيا الا حظوظ وقد يأتيك عفوا بعدما ظننت انه ابعد الاشياء منك* فالى اى حد ينحكم الحظ فى الحب والزواج؟ المقولة يمكن يكون المقصود فيها ان الله بيعوض الانسان بحب أفضل أو شيء أحسن لكن بمسألة الزواج مافي بقاموسي كلمة حظ ومابحب أتركله شيء فيه اختيار وتوافق ومعايير محددة لإتمامه . شرفتي @شهد الروح |
اقتباس:
لما اقرا رواية ل احلام مستغانمي ما بتفارقني احاسيس الدهشة والانبهار والاستمتاع بالجمال وهيك كانت متابعتي لأجوبتك تملكتني واعترتني كل هالاحاسيس @نوون على قد ما بحب لقبك وبحسه اميز اسم مع انثى الياسمين اسمحيلي احكيلك انك تاج النساء هاللقلب بليق فيكِ ربي يوفقك بحياتك...ويسعدك دايماً انتي انسانة جميلة..و.ناجحة... بحييكي على ثقتك بنففسككك ...انسانيتك...وجمال روحك واخلاقك انبسطت كتير بالمتابعة وان شاء الله ارجع ب اسئلة جديدة ازا حالفني الحظ |
نوون منوورة كرسي الاعترااف
تاابعت كل إجاابااتكك ماا شااء الله عنكك شخصية جميلة و واثقة بنفسهاا ♥️ عواافي نتوشتناا ♡ // أسئلتي 1/ هل انتِ إنسانةة واقعيةة ولا حاالمةة و مين أجمل بالنسبةة الك ..؟ 2/ شو هو المستحييل بنظركك ..؟ 3/ شوو رأيكك بالبنت إلّي بتعترف بحبهاا للشب و كيف نظرتكك إلهاا و هل انتِ مباادرة في الحديث مع الأشخااص ..؟ 4/ عندماا تشعرين بالضيق و الملل ماذا تفعلين ..؟ 5/ ما مدى توافقك مع هذه العبارة " ان لم تكن ذئباً اكلتك الذئاب " ..؟ 6 / مقوولة قرأتيهاا و أثرت فيككِ كتيير - إنْ وُجد -..؟ 7 / صفةة بتكرهيهاا في المجتمع و حأبةة تختفي منه شو هي ..؟ و بس ، بتمنى يكونوا خفيفين أسئلتي ♥️ |
نوون منوورة كرسي الاعترااف
تاابعت كل إجاابااتكك ماا شااء الله عنكك شخصية جميلة و واثقة بنفسهاا ♥️ ميرسي @نور الروح كلك ذوق ولطف أسئلتي 1/ هل انتِ إنسانةة واقعيةة ولا حاالمةة و مين أجمل بالنسبةة الك ..؟ أنا بجمع أكتر من شخصية وأعتقد أغلب الناس هيك .. لكن بالنسبة لسؤالك فأنا شخصية حالمة جداً وقت أغمض عيوني وأغوص بأفكاري وأفكر بشيء وأدرسه من كل الجوانب وشو الطرق اللي ممكن أمشي فيها ليتحقق هدفي أو أفكر بحل لمشكلة واجهتني أو واجهت غيري . ولما افتح عيوني ببدأ في تطبيق الفكرة أو تحقيق الهدف بصير واقعية وبشوف شو الممكن وبتعامل على اساسه . 2/ شو هو المستحييل بنظركك ..؟ هو كل شيء ما انوجدت لأجله وما خلقني ولا أهلني الله له .. متل إني أطير أو أكون ملاك أوأفهم لغة الجن أو الطير ... غير هيك ان شاء الله مافي مستحيل مع الإرادة والإصرار والتخطيط المنظم . 3/ شوو رأيكك بالبنت إلّي بتعترف بحبهاا للشب و كيف نظرتكك إلهاا و هل انتِ مباادرة في الحديث مع الأشخااص ..؟ بتكون رومانسية جداً وحساسة كشخصية لكن ما بقدر اتجاهل إن الاعتراف بالحب شجاعة وجرأة للي بيفهموا شو معنى ان أنثى بخجلها ورقتها تضعف وتجازف لدرجة الاعتراف بالحب . ولكن فيه اندفاعية بنفس الوقت لما تكون البنت مشت ورا مشاعرها وخلتها تتحكم فيها .. لأنها مش فاهمة شخصية اللي بتحبه ولا اسلوب تفكيره ولا اذا كان بيستحق مشاعرها ولا يمكن يكون بيحب انسانة تانية أو ظروفه ما بتسمح يبلش معها أو يبادلها نفس شعورها . وللجزء التاني من سؤالك أنا مش من الناس اللي بتبادر بالحديث مع الأشخاص . 4/ عندماا تشعرين بالضيق و الملل ماذا تفعلين ..؟ بقرأ كتاب أوبلعب يوجا أو أي نوع تاني من الرياضة وممكن اسمع اغاني عكس ذوقي المعتاد .. وممكن أخرج أغير جو أو اتصل على صديقة احكي معها ممكن أدخل نت حسب الظروف وقتها . 5/ ما مدى توافقك مع هذه العبارة " ان لم تكن ذئباً اكلتك الذئاب " ..؟ ..؟ الانسان صاحب المبادىء والأخلاق العالية صعب يتحول لذئب ماكر ومخادع أنا بقبل إنه يقوي شخصيته ويكون فاهم الذئاب بتتعامل كيف وياخد حصانة ضدهم ويكون مستعد يكون خنجر ينغرس في صدورهم لو أذوه لكن ما يكون متلهم أبداً . 6 / مقوولة قرأتيهاا و أثرت فيككِ كتيير - إنْ وُجد -..؟ مقولات كتير أثرت فيا ونفعتني لكن اللي ذكراها هلأ مقولة لحدا من الصحابة مش ذاكرة اسمه كانت بتقول لو نادى منادي من السماء أيها الناس إنكم داخلون الجنة كلكم إلا رجلاً واحداً لخفت أن أكون هو .. ولو نادى منادي أيها الناس إنكم داخلون النار إلا رجلاً واحداً .. لرجوت أن أكون هو .. أنا كمان خفت من اللحظة واتخيلتها وبدأت أعيد ترتيب علاقتي مع الله اللي هي أساس لكل شيء ناجح بالحياة ومع ذلك أنا كتير بقصر. 7 / صفةة بتكرهيهاا في المجتمع و حأبةة تختفي منه شو هي ..؟ الشماتة وسوء الظن والطمع والغيرة والغيبة والظلم والكسل واليأس وكتير صفات تانية و بس ، بتمنى يكونوا خفيفين أسئلتي ♥️ شرفتي @نورالروح |
ممسسكآكمم ككلكمم :62:
ححبيتت التففآععل يلل سسسآار لهيكك ح ففآجئكمم و م كونن كسسولهه و انههي الموضوعع اليومم ! لنسستققبل ععضضوو تآنني ! يسسسلموو ححبيبتي نوونن عع أجوبتكك الصصريحهه لكل الاعضضاءء ! ووردهه |
| الساعة الآن 06:40 AM |
Powered by vBulletin™ Version 3.8.7
Copyright © 2025 vBulletin Solutions, Inc. All rights reserved.
هذا الموقع يتسخدم منتجات Weblanca.com
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd.