و بخطر على بالي ♡

[نبض]

و بخطر على بالي الف سؤال
و بسأل حالي كل ليل نفس السؤال
ليش كل الي صار .. !
معقول بلحظة يروح كل الي كان .. !
دمعة بتسيل على الخد
وكسرة جوات القلب
وخاطر مجروح مقهور
وقلب مصدوم بكل الي حواليه
و بسأل حالي :
هو انا إنسانة مغفلة لهاي الدرجة!
بخطر على بالي كل الي صار
كل لحظة عشتها
كل ضحكة ضحكتها
وبطلع بوجهي سؤال :
معقول كل الي عشته كان كذبة..!
كل شعور حسيته كان تمثيل..!
وبرجع احكي لا مش معقول
بحضن روحي والذكريات
بنادي الأسماء وما في غير صداها
وخيال قدامي على الحيطان
كل ما حاولت المسه بيختفي..!
عيوني تعبت من البكى
وقلبي مل من كتر ما اشتاق
و بضل شريط الذكريات سكين تجرحني
للماضي ترجعني
وبسراب تعيشني
عشعش الوجع بين ضلوعي
وعلى غياب الاحباب قلبي ذاب
لا قادرة انسى
والنسيان شبه محال
وبخطر على بالي
ليش كل الي صار

[بنت أبوي]

وقلب مصدوم بكل الي حواليه
و بسأل حالي :
هو انا إنسانة مغفلة لهاي الدرجة!

+ ننبضض الممتألقةةة ♡
+ ككلامم ع ققدد ممهوو بيوجعع الققلب
بسس كلحدا ففيناا بسسأل
ليشش ههيكك صصار ؟
+ ككلامك دخخل ققلبيي ممباششرههه ")
+ ككتاباتكك دايمما واقعيهه
وبتععبرر ععنن ححالهه الا م ععششناهاا ♡
+ ابددعتي ننبوضضةة ♡
يخختمم
وردهةة

[Golden Eagle]

نبض
تنقلت بين اسطرك الحزينة والمفعمة بكثير من المشاعر
فاختلطت المعاني
فهل هو حاضر تبكيه
ام ماض تحن الروح له
أسطر معبرة
يعطيك العافيه نبض وتبقين نبضا ولست ابدا مع حطام وعبث.

[البريئة !]

وبطلع بوجهي سؤال :
معقول كل الي عشته كان كذبة..!

لا ما في شعور كذبة ..
لكن الوجع و الألم من الأشياء اللي مكتوبة لكل انسان
صعب نعيش الحياة اللي رسمناها او خططنا لها ..
احنا ذنبنا الوحيد هو خطأ بسيط تجاه انفسنا
سبب لنا كل هالألم ، انو نحنا رضينا باللي احنا فيه

معلش حبيت اجاري هالخاطرة المؤلمة حرفياً
لكن ابدعتِ
رائع رائع .

[شمس]

ما أوجَع الشّعور!
وإنّك تسألِي حالك معقُول كلّه كان كذبَة؟
كلَامك جدًّا واقعِي
وعشنَااه ولسا رح نعيشه..
مُبدعة حبييتي نبض..
قلمك رائع..
يعطيكِ العافية..❤️

[قطر الندى]

‏الحُب في الأرض بعض من تخيلنا
لو لم نجده عليها لاخترعناه .

رائعة بقلمك ونبض كلماتك والشعور الجميل والذكريات تبقى محفوظة لأهلها ، لكن الحياة تستمر فبعض الأحيان تفترق الطرق ولاتلتقي أبدا
دمتي متميزة ودامت رقة كلماتك ��

[عاشقة بإحساس]

عندما نسأل السؤال
لما كل هذا صار
أيكون الخطأ علينا
ام على مشاعرنا

نسأل السؤال ونعجز عن الإجابة

عبث كتير حبيت النص
على قد ماهو مؤلم
على قد ماهو بوصفنا كبشر
يسلمو دياتك يا رب

[الصياد]

المشاعر اللي بتنعاش ما بتكون كذبة ابداً
، الكلمات معبرة بطريقة حلوة عن كثير مشااعر موجودة بقلوب كثيرة
واسئلة بتراودنا بأوقات كثيرة ،
حبيت الخاطرة ، رائعة واسلوب مختلف هالمرة
بانتظار كتاباتك الجديدة ..

[نقاء]

م في شعور كذبه
وكلنا بتخطر ببالنا هالأسئله
وممكن م نلاقي اجابه
لكن في الحقيقه
في مشاعر بتغزونا غصبن عنا
وبتسيطر علينا
بتكون سبب فرحنا وضحكنا
لكن الظروف بتحكم انها تنتهي
وينتهي معها كل اشي حلو
لكن ممكن برضه تبدا ضحكات من جديد
حبيت كتير كلماتك نبض
عفويه وبتعبر عن كل حد جوانا
دمتِ بخير غاليتي♡