الخلل الفكري ..☆

[سكون وانين]

الخلل الفكري

⭕️لما نشوف اهانه وضرب والفاظ خارجه من الزوج لزوجته والناس تقولها استحملي وعيشي علشان ما تخربيش بيتك وهي عندها القدره انها تبتدي حياة جديده من غير الزوج .. ده إسمه خلل فكري

⭕️لما نشوف ان الزوجه بتتخان ونقولها طالما بيلف يلف ويرجعلك فخليكي معاه وبكره ربنا يهديه .. ده إسمه خلل فكري

⭕️لما نشوف راجل ما بيصرفش على اولاده من زوجته الاولى وسايبهم محتاجين .. وفضل نفسه فراح اتجوز تاني وفتح بيت جديد .. والناس تعذره وتقول اصله ليه حق يعيش هو كمان .. ده اسمه خلل فكري

⭕️لما نشوف راجل بيبهدل طليقته وأولاده علشان يندمها على انها طُلقت منه او خلعته ونقول ماهي اللي ابتدت وطلبت الطلاق من غير ما نعرف ايه الاسباب اللي خلتها تطلب الطلاق .. ده اسمه خلل فكري

⭕️لما نفكر اول ما البنت من دول تشد حيلها اننا نجوزها ونفضل جوازها على تعليمها وشغلها ونعتبر ده ستر ليها وكأنها مفضوحه من غير جواز .. ده اسمه خلل فكري

⭕️لما نوجد اعذار للمتحرش ونطلب من المعتدى عليها انها ما تبلغش او ما تاخدش حقها علشان مستقبل المتحرش مايضعش .. فيمشي ويكرر فعله كل يوم لانه ما تعاقبش على فعلته الاولى .. فده اسمه خلل فكري

⭕️لما نعرف ان بنتنا بتتعذب في بيت جوزها وبتعيش حياة تعيسه ونصمم انها تستمر بحجة اننا ماعندناش حاجه اسمها طلاق .. فده اسمه خلل فكري

⭕️ لما نلوم ع الضحيه رفضها للقهر والذل والاهانه ونعتبر صمتها وصبرها وتحملها عمار للبيت وفعل تؤجر عليه .. وفي نفس الوقت لا بنلوم على الجاني ولا بنرفض افعاله اللي هي سبب في خراب البيت ... فده اسمه خلل فكري

⭕️ لما نكون وصلنا لسنة ٢٠٢٢ ولسه بنفكر ان خلفة الولد احسن من خلفة البنت ... ده تعدى مرحلة الخلل الفكري ووصل لدرجة انعدام الفكر نهائيا

⭕️واخيراً لما ندعي ان المسلسل او المقال او التوعية بالحقوق والواجبات هي اللي بتخرب البيوت وندخل نهاجمهم فده اسمه خلل فكري لان افعالكم وتصرفاتكم هما اللي بيخربوا البيوت العمرانه ويدمروها.

[البريئة !]

و كتييير اشياء كمان كلها خلل فكري
للأسف هالأمور مقتنعين فيهم كتير من الناس ..

موضوع رآئع
تحيآتي

[ريڤــاْ]

معظم الحياه بنعيشها بخلل فكري

يعطيكي الف عافيةة

[الصياد]

فعلاا هذه كلها مشاكل فكرية مش مجبور حدا يتحمل الاهانة او التعذيب عشان حدا تاني
ولاا عشان البيت ما يخرب، ما هو البيت خرباان اذا فيه كل هدا بيصير .. لانه معروف البيت والعيلة هما الامان
اذا انتهوا خلصت ..
يعطيك العافية لادراجك

[lonely heart]

للاسف هالخلل الفكري كتير متواجد بمجتمعنا
وكتير حالات بتصير واشخاص بكونوا ضحايا لهيك نوع من التفكير
طرح واقعي وجميل
يسلمو هالديات حبيبتي

[هل كان حباً]

خلل فكري ولازم يتعالج
وللأسف طول ما المجتمع هيك هنظل في القاع
تسلمي للموضوع
يسعد كل اوفاتك

[سكون وانين]

يسعدكم ع المرور

[نقاء]

المشكله انه كل هالخلل الفكري م زال موجود في مجتمعاتنا
حبيت طرحك كتير سكون
يعطيك الف عافيه

[سكون وانين]

يسعدكم لمروركم