دلال
08-13-2022, 01:34 PM
" مفيش متونس بيتعب "
لو ليك زميل في الشغل بترتاح معاه.. هتلاقي اليوم بيعدي خفيف خفيف..
ممكن الواحد يكون مابيحبش المدرسة او الكلية.. بس بينزل مخصوص عشان هيشوف صحابه..
الست تطبخ وتغسل وتمسح، ولو جوزها طلع من جيبه منديل ومسح عرقها، وباس راسها وطبطب عليها.. ياسلام كله يهون عليها ساعتها والله..
الابن لما يذاكر وابوه يدخل يناوله كوباية الشاي، ويضحك في وشه ويحسسه إنه مآمن بيه.. بيبقي عاوز ياكل الكتب أكل والله..
اللمة، والطبطبة، والحُضن علي غفلة، والكلام الحلو، والقعده الرايقة، والضحكة وانت بتضم رجليك علي بعض ومتونس باللي قاعد يتكلم ومش عاوزه يسكت ده مايتقدرش بتمن والله.. لأن كل ده وَنس.. تهوين من نوع تاني.. بيضيف للحياة طعم حلو وبينزع منها المرار.. الايام مابتعديش غير بالتعكيز علي بعض..
سيدنا موسي لما ربنا كلفه بالنبوة طلب ونيس يشيل معاه الحمل، وقال لربنا يبعت معاه هارون اخوه "يقوي بيه ضهره"
آنسونا، وونسونا بيكم يا جماعة.. بنضعف من غيركم.. مهما شفتونا جامدين، وبنفتقد غيابكم خليكم موجودين.
وعلي رأي فؤاد حداد: حِمل الليالي خفيف.. لما يشلوه إتنين.
الونس..❤
لو ليك زميل في الشغل بترتاح معاه.. هتلاقي اليوم بيعدي خفيف خفيف..
ممكن الواحد يكون مابيحبش المدرسة او الكلية.. بس بينزل مخصوص عشان هيشوف صحابه..
الست تطبخ وتغسل وتمسح، ولو جوزها طلع من جيبه منديل ومسح عرقها، وباس راسها وطبطب عليها.. ياسلام كله يهون عليها ساعتها والله..
الابن لما يذاكر وابوه يدخل يناوله كوباية الشاي، ويضحك في وشه ويحسسه إنه مآمن بيه.. بيبقي عاوز ياكل الكتب أكل والله..
اللمة، والطبطبة، والحُضن علي غفلة، والكلام الحلو، والقعده الرايقة، والضحكة وانت بتضم رجليك علي بعض ومتونس باللي قاعد يتكلم ومش عاوزه يسكت ده مايتقدرش بتمن والله.. لأن كل ده وَنس.. تهوين من نوع تاني.. بيضيف للحياة طعم حلو وبينزع منها المرار.. الايام مابتعديش غير بالتعكيز علي بعض..
سيدنا موسي لما ربنا كلفه بالنبوة طلب ونيس يشيل معاه الحمل، وقال لربنا يبعت معاه هارون اخوه "يقوي بيه ضهره"
آنسونا، وونسونا بيكم يا جماعة.. بنضعف من غيركم.. مهما شفتونا جامدين، وبنفتقد غيابكم خليكم موجودين.
وعلي رأي فؤاد حداد: حِمل الليالي خفيف.. لما يشلوه إتنين.
الونس..❤