دلال ، ضيفة موضوع كرسي الإعتراف لهذا الأسبوع .

[البريئة !]

https://i0.wp.com/www.almuheet.net/wp-content/uploads/%D8%A7%D8%B3%D8%A6%D9%84%D8%A9-%D8%B5%D8%B1%D8%A7%D8%AD%D8%A9-%D9%84%D9%83%D8%B1%D8%B3%D9%8A-%D8%A7%D9%84%D8%A7%D8%B9%D8%AA%D8%B1%D8%A7%D9%81-%D9%85%D8%B9-%D8%A5%D8%AC%D8%A7%D8%A8%D8%A7%D8%AA%D9%87%D8%A7.j pg

السلاآم عليكم و رحمة الله
كيف حآلكم .؟



اهلاً فيكم من جديد بموضوع كرسي الإعترآف
اليوم اخترت انسآنة اثبتت حضورها بفترة قصيرة ’ قدرت تكسب مكان مُثبت بين الأعضآء برقي حضورهآ
و نشاطها و تفاعلها الرآئع و الملحوظ
انسآنة رائعة و تمتلك اسلوبها الخآص و شخصية مستقلة
جريئة و صريحة و واقعية
شخصياً بيسعدني اشوفها متواجدة معنا بكل وقت
صدقاً كل الحكي و كلمآت المدح ما بتعبر عن اللي حابة احكيه ’


ضيفة اليوم الرآئعة دلال

https://www.heartps.com/vb/image.php?u=1875&dateline=1658850850





عزيزتي دلال اهلاً فيكِ ضيفة هالموضوع لمدة اسبوع
رح بلش معك بأسئلة روتينية بدايةً

الإسم .؟
العمر .؟
مكان الإقآمة .؟
الحالة الإجتماعية .؟
مستوآكِ التعليمي .؟




رح اترك المجال للأعضآء بطرح الأسئلة
طبعاً يحق لكِ رفض اي سؤآل مش حابة تجاوبي عليه
و اكيد رح تكون لإلي عودة حتى آخد نصيبي بطرح الأسئلة
تحيآتي لكِ

[دلال]

اهلين فيكي حبيبتي الراقية ..
بتشكرك كتير ع الدعوة وعلى الترحيب المبالغ فيه شويتين واللي أتمنى اكون بستاهله .. ، ومبسوطة إني قاعدة ع الكرسي رغم إني مش من مُحبي الكراسي والمناصب :128:
في انتظار أسئلتكم وإن شاء الله اكون ضيفة خفيفة وانتو تكونوا خفاف بأسئلتكم كمان:44:

[دلال]

الإسم .؟ دلال خانوم بنت ابو عصام وخالي العقيد ابو شهابyy:
إحم .. اسمي رغد:19:
العمر .؟ 26 عاماً من العطاء :96:
مكان الإقآمة .؟ فلسطين، غزة
الحالة الإجتماعية .؟ مرته لإبن عمي إبراهيم ابن ابو ابراهيم يللي الإدعشري سرقله دهباته:7001:
مستوآكِ التعليمي .. بكالوريوس 4 سنين بالتمام والكمال وعلى أعتاب الماستر قريبا بإذن الله
..

[بنت أبوي]

ننورتتي الككرسسي ككلهه
+ راججعلكك بكمشششةة اسسسئلةة
+ ممسسموحلي ممو ههههه

[دلال]

ننورتتي الككرسسي ككلهه
+ راججعلكك بكمشششةة اسسسئلةة
+ ممسسموحلي ممو ههههه

مسموحلك طبعا بس جيبي معك كاسة مي لانه ريقي نشف:6001:

[البريئة !]

اهلين فيكي حبيبتي الراقية ..
بتشكرك كتير ع الدعوة وعلى الترحيب المبالغ فيه شويتين واللي أتمنى اكون بستاهله .. ، ومبسوطة إني قاعدة ع الكرسي رغم إني مش من مُحبي الكراسي والمناصب :128:
في انتظار أسئلتكم وإن شاء الله اكون ضيفة خفيفة وانتو تكونوا خفاف بأسئلتكم كمان:44:

عاد كنا ناويين نعطيكِ منصب مدير المنتدى w43

لا مش مبالغ ابداً هيك نظرتي لكِ الآولى ..

الله يسعدكك نورتِ

[البريئة !]

الإسم .؟ دلال خانوم بنت ابو عصام وخالي العقيد ابو شهابyy:
إحم .. اسمي رغد:19:
العمر .؟ 26 عاماً من العطاء :96:
مكان الإقآمة .؟ فلسطين، غزة
الحالة الإجتماعية .؟ مرته لإبن عمي إبراهيم ابن ابو ابراهيم يللي الإدعشري سرقله دهباته:7001:
مستوآكِ التعليمي .. بكالوريوس 4 سنين بالتمام والكمال وعلى أعتاب الماستر قريبا بإذن الله
..


هههههههه اجوبتك ممتعة ♡♡

[البريئة !]

ننورتتي الككرسسي ككلهه
+ راججعلكك بكمشششةة اسسسئلةة
+ ممسسموحلي ممو ههههه

نورتِ ♡

[البريئة !]

بسم الله نبدأ

* ايش سبب اختيارك للقب دلال و انتِ اسمك رغد .؟

* كيف وصلتي للمنتدى .؟

* كم منتدى اشتركتِ فيه قبل هاد .؟

* في حد حكالك انك خفيفة دم قبل هيك .؟


* شغلات حبيتيها بالمنتدى عنا .؟

* شغلات انزعجتي منها .؟


* قسم مش موجود عنا و برأيك لازم ينضاف للموقع .؟

* رأيك بالأعضاء بشكل عام + الطاقم الإداري .؟

* فهمت انك متزوجة ، كم طفل عندك .؟

* حالياً ايش بتعملي بحياتك و لا مكملة مسيرتك التعليمية فقط .؟


رح بكتفي بهدول ، اتسلي فيهم
هههههه

[دلال]

بسم الله نبدأ ..

* ايش سبب اختيارك للقب دلال و انتِ اسمك رغد .؟
لأني مدللة وبحب الدلال للبنات +بحب الاسم نفسه، يعني لو بنفع أسمي حالي دلال بدل رغد ما بتأخر هههههه واحكولي دلال مش رغد بلاش اندم إني جاوبت:09:

* كيف وصلتي للمنتدى .؟
صدفة والله ، وكانت احلى صدفة em71
.
.
* كم منتدى اشتركتِ فيه قبل هاد .؟
منتدي خليجي واحد فقط وتركته قبل 9 سنين
.
.
* في حد حكالك انك خفيفة دم قبل هيك .؟
حضرتك انا اسمي الحقيقي فرفوشة هههههههه دايما بحكولي وبعمل حالي خجلانة ومتفاجئة وأول مرة اعرف ههههه
.
.

* شغلات حبيتيها بالمنتدى عنا .؟
المنتدى نشيط ومتنوع والأعضاء تقول بعرفهم من 20 سنة هههههه
.
.
* شغلات انزعجتي منها .؟
الكرسي تبعكو مش مريح في القعدة :2006:

.
.
* قسم مش موجود عنا و برأيك لازم ينضاف للموقع .؟
قسم الحوافز والجوائز .. عبارة عن قسم المدير بيعمله وبكون خاص بالاعضاء النشيطة او المميزة ، ويوزعوا علينا هدايا جوالات وسيارات او رحلة شهر ع ايطاليا .. هدايا بسيطة مش مكلفة بس رح يعمل فرق كبير بالمنتدى ويكسر الدنياa 317

.
.
* رأيك بالأعضاء بشكل عام + الطاقم الإداري .؟
والله احلى اعضاء طيبين وفرفوشين والطاقم الاداري ممتاز 5 نجوم
.
.
* فهمت انك متزوجة ، كم طفل عندك .؟
في المسلسل ولا بالحقيقة قصدك؟:09:
..

* حالياً ايش بتعملي بحياتك و لا مكملة مسيرتك التعليمية فقط .؟
بشتغل كمان ..
.
.

رح بكتفي بهدول ، اتسلي فيهم ..
لا قلال بالله زوديهم شوي:99:
ههههه

[سآهر]

أدودو أبِتْ
انا جيت ورح أنتقم منك بالأسئلة
هجيبهم كلهم جريئات ومحرجات
هههه

[دلال]

أدودو أبِتْ
انا جيت ورح أنتقم منك بالأسئلة
هجيبهم كلهم جريئات ومحرجات
هههه

كرسي إيه اللي إنتا جاي تقول عليه؟ ههههههههه
يا عمي خدوا كرسيكم وحلوا عني هههههه

[سآهر]

بدك الأسئلة جريئة
ولا محرجة..؟

[دلال]

بدي سلامتك ههههه
المكورنين ممنوع يشاركوا أنا أعترض15yt
عموما انتا إسأل وحضلني أحط 3 نقط زي ما هالواحد نصحني هههههههه

[سآهر]

ههههههه
الأسئلة جاهزات
بس عليا اعمل نسخ ولصق

[سآهر]

من هو أكثر شخص تثقين به ثقة عميآء..؟
ومآ سبب إختيآرك له..؟

إحكيلنآ عن السلبيآت إللي بشخصيتك..؟

هل تتغلب مشآعرك على عقلك أم يحدث العكس..؟

ما هو تعريف السعادة برأيك..؟

ومآ هو تعريف الصدآقة برأيك..؟

صديق او صديقة تشرفتي بمعرفته وتتمني صداقته ان تدوم..؟

صفة تمنيتي لو لم تكن بشخصيتك..؟

أكتر الصفات اللي بتكرهيهآ بالأشخاص إللي حواليكِ..؟

برأيك مآ أهم الصفات التي تجعل الصداقة أو الحب يدوم..؟

وما هي الصفات التي تضر بالعلاقات وقد تجعلهآ لآ تستمر..؟

لو لا قدر الله بآقي يوم من عمرك ، "طول العمر إلك إنشآلله"
ايش الموضوع إللي ممكن تكتبيه وعندك رسالة وتقييم..
إيش ممكن تكتبي فيهم ولمين رح تبعتيهم..؟

موضوع..؟
رسالة..؟
تقييم..؟

من الشخص الذي يفهمك ويعرفك من غير مآ تتكلمي..؟

حدثينآ عن صدفة جميلة أو موقف غريب
حدث بينك وبين أحد الأعضآء..؟

هل سبق وبكيتي وإنتِ بتضحكي..؟

مآهو الشئ الذي تتمنآه ترآنيم حآليا..؟

هل شعرتي بيوم إنكِ إنتصرتي على نفسك..؟

من هو الشخص الذي لا ترفضيله طلب..؟
غير الأشخاص إللي من عآئلتك طبعاً

بالوقت الحآلي إلى مآذآ تحتآج ترآنيم..؟ ، مآ الذي ينقصهآ..؟

هل يوجد بذآكرتك شئ كل مآ تذكرتيه كرهتي نفسك..؟

هل حقدتي على شخص وكرهتيه من صمصومة قلبك..؟

ههه

[سآهر]

أوصفي الأعضآء هدول..
بكل صدق وجرأة وصراحة

طبعاً إسمي أوول إسم
لإنه طبآخ السُم بدُوقه..

شآدي..؟

هل كآن حباً..؟

ننوش..؟
مؤمن..؟

البريئة..؟

قطر الندى..؟

هدوء ملكة..؟

لونلي..؟

سكون وأنين..؟


سآره المصرية..؟

نقاء..؟

[lonely heart]

اختيار موفق وجميل لدلال
يعطيكي العافيه ام امير
منوره الكرسي

// بنظرك امتى الإنسان بتغير؟ وشو الأسباب يلي ممكن تخليه يتغير ؟ وانتى بنظرك بالفترة الاخيره اتغيرتي؟ ، ولو اتغيرتي اتغيرتي للاحسن ولا للاسوء؟
وشو الصفات يلي تغيرت فيك بالفترة الماضيه ؟
// لو غمضتي عينيك هلأ شو هو الشي يلي ممكن تفكري فيه ؟
// شو اكبر مخاوفك ؟
// شي حققتيه وبتفخري فيه شو هو ؟
// لو طُلب منك العودة في الزمن وتصحيح أمر خاطئ صدر عنك .. شو هادا الخطأ وإلى أي وقت رح ترجعي ؟
// شي مرة قمتي بتجربة معينة وحابه تكرريها مرة تانيه وشو هي ان وجدت ؟
// شو اكثر شي بميز الشخص يلي بتحبي تختاريه صديق الك ؟
// ذروة غضبك لوين ممكن تصل وشو ممكن يصدر عنك ؟
// تجري الرياح بما لا تشتهي السفن
كم هي المرات التي جرت فيها الرياح عكس آمالك وطموحاتك ؟
// أين تري نفسك في الحياة ؟ ماذا حققتي وما الذي تطمحي لتحقيقه بالمستقبل ؟
// اصعب موقف مريتي فيه وترك فيك اثر كبير ؟
// الدنيا مرات بتعطينا اشيا ومرات بتاخد منا . شو اعطتك الدنيا وشو اخدت منك ؟
// شو يلي بميزك عن غيرك ؟
// الامنيات كتيره وكل واحد عنده امنيات شو الامنيه يلي بتتمني تحققيها وبشدة ؟
// ممكن تحكيلنا عن احلى يوم بحياتك ؟
// امتى بتحسي بالضعف ؟وامام مين ممكن تضعفي ؟
// كنا خير امة اخرجت للناس والان لا يرأيك ماهي الاسباب؟؟
// الصفات يلي بتتمنيها بشريك حياتك ؟
// وقت خلوتك مع نفسك بشو بتقضيها ؟
// امتى بقسى قلبك ؟
// دمعة انحبست داخل عيونك واجبرك الزمن على ايفافها قبل أن تسقط امتى وشو السبب ؟

بتمنى تكون اسئلتي خفيفه عليكي

[البريئة !]

اختيار موفق وجميل لدلال
يعطيكي العافيه ام امير
منوره الكرسي

// بنظرك امتى الإنسان بتغير؟ وشو الأسباب يلي ممكن تخليه يتغير ؟ وانتى بنظرك بالفترة الاخيره اتغيرتي؟ ، ولو اتغيرتي اتغيرتي للاحسن ولا للاسوء؟
وشو الصفات يلي تغيرت فيك بالفترة الماضيه ؟
// لو غمضتي عينيك هلأ شو هو الشي يلي ممكن تفكري فيه ؟
// شو اكبر مخاوفك ؟
// شي حققتيه وبتفخري فيه شو هو ؟
// لو طُلب منك العودة في الزمن وتصحيح أمر خاطئ صدر عنك .. شو هادا الخطأ وإلى أي وقت رح ترجعي ؟
// شي مرة قمتي بتجربة معينة وحابه تكرريها مرة تانيه وشو هي ان وجدت ؟
// شو اكثر شي بميز الشخص يلي بتحبي تختاريه صديق الك ؟
// ذروة غضبك لوين ممكن تصل وشو ممكن يصدر عنك ؟
// تجري الرياح بما لا تشتهي السفن
كم هي المرات التي جرت فيها الرياح عكس آمالك وطموحاتك ؟
// أين تري نفسك في الحياة ؟ ماذا حققتي وما الذي تطمحي لتحقيقه بالمستقبل ؟
// اصعب موقف مريتي فيه وترك فيك اثر كبير ؟
// الدنيا مرات بتعطينا اشيا ومرات بتاخد منا . شو اعطتك الدنيا وشو اخدت منك ؟
// شو يلي بميزك عن غيرك ؟
// الامنيات كتيره وكل واحد عنده امنيات شو الامنيه يلي بتتمني تحققيها وبشدة ؟
// ممكن تحكيلنا عن احلى يوم بحياتك ؟
// امتى بتحسي بالضعف ؟وامام مين ممكن تضعفي ؟
// كنا خير امة اخرجت للناس والان لا يرأيك ماهي الاسباب؟؟
// الصفات يلي بتتمنيها بشريك حياتك ؟
// وقت خلوتك مع نفسك بشو بتقضيها ؟
// امتى بقسى قلبك ؟
// دمعة انحبست داخل عيونك واجبرك الزمن على ايفافها قبل أن تسقط امتى وشو السبب ؟

بتمنى تكون اسئلتي خفيفه عليكي

الله يعافيكِ و يسعدك
نورتِ

[سآهر]

يآ دلول المكآن
يآ دلولتنآ
يآ إستازة دلال
تعي جاوبي

[دلال]

من هو أكثر شخص تثقين به ثقة عميآء..؟
ومآ سبب إختيآرك له..؟
نفسي ، لأنها أولى بالثقة وغالبا ما تكون على حق

..

إحكيلنآ عن السلبيآت إللي بشخصيتك..؟
متسرعة ،، حساسة جدا جدا ،، مزاجية

هل تتغلب مشآعرك على عقلك أم يحدث العكس..؟
قلبي العبيط بصُف عقلي ع جنب وهو بيتصرف وبورطني دايما ههههه..

ما هو تعريف السعادة برأيك..؟
السعادة كلها تكمن في الرضا ..

ومآ هو تعريف الصدآقة برأيك..؟
شخص يحبك اكتر ما إنتا بتحب نفسك ..

صديق او صديقة تشرفتي بمعرفته وتتمني صداقته ان تدوم..؟
في المنتدى ، شادي ونقاء والبريئة
..
صفة تمنيتي لو لم تكن بشخصيتك..؟
حساسة ودمعتي بس بدها حاجة وتنزل هههههه ..

أكتر الصفات اللي بتكرهيهآ بالأشخاص إللي حواليكِ..؟
الفظاظة واللسان السليط اللي بيجرح ..

برأيك مآ أهم الصفات التي تجعل الصداقة أو الحب يدوم..؟
الاهتمام اولا وثانياً وعاشراً
..

وما هي الصفات التي تضر بالعلاقات وقد تجعلهآ لآ تستمر..؟
الإهمال، أو الاهتمام من طرف واحد
..
لو لا قدر الله بآقي يوم من عمرك ، "طول العمر إلك إنشآلله"
ايش الموضوع إللي ممكن تكتبيه وعندك رسالة وتقييم..
إيش ممكن تكتبي فيهم ولمين رح تبعتيهم..؟

موضوع..؟
رح اختار موضوع يكون بمثابة صدقة جارية عني بعد موتي ..
رسالة..؟
تذكروني بالخير وادعولي كتيييير ..
تقييم..؟ قلب أحمر فقط
..
من الشخص الذي يفهمك ويعرفك من غير مآ تتكلمي..؟
ماما ، والناس اللي بحبوني برة المنتدى وجوة المنتدى ..
..
حدثينآ عن صدفة جميلة أو موقف غريب
حدث بينك وبين أحد الأعضآء..؟
في عضو اسمه شادي عرفته صدفة من خلال فنجان قهوة ومن يومها بطلت أحب القهوة ولا أشربها ههههههههه
..
هل سبق وبكيتي وإنتِ بتضحكي..؟ متعدش هههه

مآهو الشئ الذي تتمنآه ترآنيم حآليا..؟
مين ترانيم؟:09:

هل شعرتي بيوم إنكِ إنتصرتي على نفسك..؟
كتيييير مرات الحمد لله

من هو الشخص الذي لا ترفضيله طلب..؟
اللي بحبهم وبعزهم لو يطلبوا روحي بترخصلهم بدون أي تردد .. وهادا اشي معروف عني لما احب بعطي بدون حدود ..
غير الأشخاص إللي من عآئلتك طبعاً ..
من عائلتي ومن غيرها ، في العطاء معنديش يما ارحميني ههههه

بالوقت الحآلي إلى مآذآ تحتآج ترآنيم..؟ ، مآ الذي ينقصهآ..؟
يادي ترانيم اللي دوبها تنط هههههه

هل يوجد بذآكرتك شئ كل مآ تذكرتيه كرهتي نفسك..؟
اه، مرة بدون قصد جرحت شخص وقد ما اعتذرت وصلحت الموقف لسة زعلانة من حالي
..
هل حقدتي على شخص وكرهتيه من صمصومة قلبك..؟
انا صماصيم قلبي مخلوقين للحب بس، الكره هادا مش موجود بصمصومتي ولا بقاموسي ههههه

هه
يعطيك العافية يا شادي وحسك عينك أشوف وجهك تاني هنا وخود ترانيم معك وانتا طالع هههههه

[قطر الندى]

نورتي دلال كرسي الإعتراف
راح أرجع إن شاءالله بعد ماترتاحي شوي من
الأسئلة المتراكمة الي عليك هههههه
متابعة معاكم ��

[سآهر]

في العطاء معنديش يما ارمحيني
ههههه متت ضحك
دامك بتعطي وما بهمك
اعطيني متين شيكل دين
وانتِ عليكِ بالصبر
وانا عليَّ بالسداد..

[دلال]

أوصفي الأعضآء هدول..
اااخ عيوووني يممما هههه ناولوني النضارة هههه
بكل صدق وجرأة وصراحة ..

طبعاً إسمي أوول إسم
لإنه طبآخ السُم بدُوقه..

شآدي..؟ السبب الأول لبقائي هنا، مرح وعفوي وطيب وصادق وبيشبهني ..

هل كآن حباً..؟ متزن وعاقل ومثقف وفي المكان الصح ..

ننوش..؟ اجتماعية ومحبوبة وطيوبة
مؤمن..؟ عاقل وهادي وقليل الاختلاط ..

البريئة..؟ بشوشة وراكزة ومزوقة جدا جدا

قطر الندى..؟ مثقفة وهادية ومرحة

هدوء ملكة..؟ هادية ومحبوبة

لونلي..؟ عميقة ومثقفة ..

سكون وأنين..؟ راقية واختياراتها موفقة للمواضيع ومحبوبة ..


سآره المصرية..؟ طيوبة واجتماعية وعفوية وزوقها حلو

نقاء.. ، اسم على مسمى، نقية بيضاء عفوية وذكية كمان ردودها بتعحبني وصداقتها مكسب ..
..
خلصنا؟ ما شاء الله ما خليت ولا عضو ههههه شوي ورح تسألني عن اعضاء المنتدى اللي جنبنا هههههه

[دلال]

نورتي دلال كرسي الإعتراف
راح أرجع إن شاءالله بعد ماترتاحي شوي من
الأسئلة المتراكمة الي عليك هههههه
متابعة معاكم ��

ههههه انتي هيك كفّيتي ووفيتي يا قطر ..
كأنك سألتي وزيادة تغلبيش حالك خلص حلفت هههههه
نورتي يا الغلا

[دلال]

اختيار موفق وجميل لدلال .. هادا من زوقك ولطفك
يعطيكي العافيه ام امير
منوره الكرسي

// بنظرك امتى الإنسان بتغير؟ وشو الأسباب يلي ممكن تخليه يتغير ؟ وانتى بنظرك بالفترة الاخيره اتغيرتي؟ ، ولو اتغيرتي اتغيرتي للاحسن ولا للاسوء؟
وشو الصفات يلي تغيرت فيك بالفترة الماضيه ؟
التجارب والمواقف والخبرة ، كل شيء بصير مع الشخص بيترك أثر ودور حتى لو بسيط، في تكوين شخصيته وتغييرها كل فترة .. اه انا تغيرت للأفضل، صرت أوعى وأكثر حكمة في التصرف ..
..
// لو غمضتي عينيك هلأ شو هو الشي يلي ممكن تفكري فيه ؟
..مستقبلي ..
// شو اكبر مخاوفك ؟
بكرة شو مخبيلي يا ترى
// شي حققتيه وبتفخري فيه شو هو ؟
على الصعيد العملي، تخرجي وشغلي .. على الصعيد الاجتماعي دائما قد الثقة وعمري ما خذلت حد احتاجني ..
// لو طُلب منك العودة في الزمن وتصحيح أمر خاطئ صدر عنك .. شو هادا الخطأ وإلى أي وقت رح ترجعي ؟
ما رح أغيّر أي شي، كل امر صار معي كان لخير وتعلمت منه ولولا اخطاء ااماضي ما كنت وصلت للي انا عليه اليوم ..
// شي مرة قمتي بتجربة معينة وحابه تكرريها مرة تانيه وشو هي ان وجدت ؟ شاركت مرة بعمل تطوعي وأنا بالثانوية، حبييييت جدا جدا ونفسي ينعاد ..
// شو اكثر شي بميز الشخص يلي بتحبي تختاريه صديق الك ؟
بتهمه مصلحتي حتى لو بدي ازعل واخبط راسي بالحيط .. طموح وشغوف، متفائل وطاقته ايجابية ، لأنه الإنسان على دين خليله .. وبدك تنجح شوف محيطك واللي حواليك..
// ذروة غضبك لوين ممكن تصل وشو ممكن يصدر عنك ؟
سكووت طويل جدا جدا قد يمتد لأسابيع
// تجري الرياح بما لا تشتهي السفن
كم هي المرات التي جرت فيها الرياح عكس آمالك وطموحاتك ؟
كتير جدا جدا بس كل مرة بكون لخير حتى لو ما عرفت الخير عندي يقين انه ربنا اختارلي الخير ..
// أين تري نفسك في الحياة ؟ ماذا حققتي وما الذي تطمحي لتحقيقه بالمستقبل ؟
انا مبسوطة جدا بالإنجازات اللي حققتها وبهمني استمتع بكل مرحلة بعيشها مش اجري ورا الانجازات لأنه عمرها ما بتخلص ..
// اصعب موقف مريتي فيه وترك فيك اثر كبير ؟
وفاة شخص غالي جدا عليا بدون مقدمات + سفر صديقتي وتوأم روحي واستقرارها في الخارج ولليوم ما حدا قادر يعبي مكانها ..
// الدنيا مرات بتعطينا اشيا ومرات بتاخد منا . شو اعطتك الدنيا وشو اخدت منك ؟
أعطتني عيلة بتسوى الدنيا واللي فيها، أعطتني قبول ومحبة وين ما أروح، أعطتني نعم لو أشكر ربنا عليها ليل نهار ببقى مقصرة ، وأخدت مني ناس غاليين بس الحمد لله كل أمر المؤمن خير ..
// شو يلي بميزك عن غيرك ؟
انتو شوفوا واحكولي :09:
// الامنيات كتيره وكل واحد عنده امنيات شو الامنيه يلي بتتمني تحققيها وبشدة ؟ حاليا نفسي اسااافر اشوف بلاد الله الواسعة اتعرف ع ثقافات جديدة ووجوه جديدة ، ما بتخيل أعيش واموت وانا ما طلعت برة غزة ،، جد مصيبة
// ممكن تحكيلنا عن احلى يوم بحياتك ؟
كتيرة الايام الحلوة ، وما في يوم يُصنّف على إنه الأحلى ..
// امتى بتحسي بالضعف ؟وامام مين ممكن تضعفي ؟
الدموع نقطة ضعفي ما بتحمل اشوف دموع حد او انكساره..
// كنا خير امة اخرجت للناس والان لا يرأيك ماهي الاسباب؟؟
واضح السبب تكملة الآية ، تأمرون بالمعروف وتنهون عن المنكر .. انتفى السبب ففسدت النتيجة ..
// الصفات يلي بتتمنيها بشريك حياتك ؟
بيعرف يطبخ اهم حاجة هههههه
// وقت خلوتك مع نفسك بشو بتقضيها ؟
حسب المزاج والنفسية ..
// امتى بقسى قلبك ؟
الظلم اكتر شي بخليني قاسية وبتمنى أمسك كل ظالم أدفنه تحت الارض وأولع فيهم بكاز وسخ ..
// دمعة انحبست داخل عيونك واجبرك الزمن على ايفافها قبل أن تسقط امتى وشو السبب ؟
ما في، لما بدي ابكي ما بقدر امسك دمعتي لو قدام كل البشر ..

بتمنى تكون اسئلتي خفيفه عليكي ..
خفييييفة اخف من الريشة يختي ههههههههه
كفيتي ووفيتي ما شاء الله ههههه
حلوة الاسئلة ومنوعة بتشكرك عليها

[دلال]

في العطاء معنديش يما ارمحيني
ههههه متت ضحك
دامك بتعطي وما بهمك
اعطيني متين شيكل دين
وانتِ عليكِ بالصبر
وانا عليَّ بالسداد..

في العطاء العاطفي وليس العطاء النقدي ،، ركز يرضى عليك ، وإزا لقيت حد يداينك إحسب حسابي هههههههه

[دلال]

في نهاية استضافتي بشكر البريئة على الدعوة ، وبشكر كل شخص تفاعل وسأل .. كانت الأسئلة حلوة ومتنوعة وانا هيك انتهى دوري ..في انتظار ضيف جديد ..
يعطيكم الف عافية

[قمر الماما]

صباح القلوب الجميله

ك العاده متآلقه ب الانتقاء البريئه ❤️
فرصه حلوه انو منتعرف ع دلال :9007:


1- شو هواياتك !؟

2- اغلى رفيقا ع قلبك شو اسما !?

3- موهبتك !؟

[سآهر]

هو إنتي على كيفك بتسكري
موضوع كرسي الإعتراف
هدا الموضوع بقعد اسبوع
لسه الأعضاء بتجيب اسئلة
انا كمان ممكن اجيب كمان نقلة
ههه

[دلال]

كرسيكم مش مريح يا عمي هههههه
انا أعتزل هههههه
اقعد انتا مكاني هههه

[سآهر]

أحبوش لو ليوم واحد بقعد
بحبش الاستضافةا الطويلة
وازا الاسئلة ما عجبتني بعتزر منها
لاني ما بحب اعمل غير كل اشي بحبه

[دلال]

قمر الماما

1- شو هواياتك !؟ حاليا ما عندي ..


2- اغلى رفيقا ع قلبك شو اسما !? هالة

3- موهبتك !؟ الغناء بصوت يسبب الهلع والصرع ههههههه

صباحك ورد يا قمر .....
مع إني قمت من ع الكرسي بس علشان خاطرك جاوبت شفتي مااحسني؟ هههه

[دلال]

تصبحون على خير

[سآهر]

تصبحون على خير


كان هون معمول منشن لإلي
وينه..؟ وليش شلتيه ههه

55b355b3

[قطر الندى]

ههههه انتي هيك كفّيتي ووفيتي يا قطر ..
كأنك سألتي وزيادة تغلبيش حالك خلص حلفت هههههه
نورتي يا الغلا

ههههههههه تحاولي تصرفيني
جاية بالأسئلة 😁

[قطر الندى]

دلال يادلال الأسئلة خفيفة ظريفة :u4:

إذا كنت تستطيع أن تعيش حياة شخص آخر (أي شخص تريده) لمدة يوم واحد ، فمن سيكون هذا الشخص؟
من هو الشخص الذي تنطبق عليه مقولة ما محبة إلا من بعد عداوة في علاقتكما؟
ما هي أسوأ ذكرى لك في طفولتك؟
ما أكثر شئ ترغب في تجنب فعله في أولادك؟
أخبرنا شئ لا يعرفه أحد عنك من قبل؟
ما هو أكثر أمر جنوني قمت به من قبل؟
من أكثر شخص تقضي معه أوقات ممتعة مليئة بالضحك والسعادة؟
هل توجد لديك عادة غريبة أو مضحكة؟

يابخت من زار وخفف :9007:

[البريئة !]

في نهاية استضافتي بشكر البريئة على الدعوة ، وبشكر كل شخص تفاعل وسأل .. كانت الأسئلة حلوة ومتنوعة وانا هيك انتهى دوري ..في انتظار ضيف جديد ..
يعطيكم الف عافية


خلص هيك .؟!
تمام ، يغلق حسب رغبة الضيف ..

[البريئة !]

صباح القلوب الجميله

ك العاده متآلقه ب الانتقاء البريئه ❤️
فرصه حلوه انو منتعرف ع دلال :9007:


1- شو هواياتك !؟

2- اغلى رفيقا ع قلبك شو اسما !?

3- موهبتك !؟

حبيبة قلبي
صباح الورد