محاورة زجل بيني وبين أخي عيسى

[علاء فلسطين]

السلام عليكم ورحمة الله وبركاته
عوده بعد غياب لأضع بين أياديكم محاوره شعريه غنائية بالزجل الفلسطيني بلهجتنا العاميه حدثت بيني وبين اخي " عيسى " الذي يصغرني ب ١٤ عام تقريباً ، في الحقيقه انا لست من هواة هذا النوع من الفن لسببين الأول لأنهُ بالعاميه وثانيا لأنهُ يحتاج إلى لحن بطريقة غنائيه تعتمد على الصوت وترتيب نطق الكلمات عند خروجها ، ولكني احب أن أسمعه ولا عندي مانع أن يبارزني أحداً فيه اذا طلب ،، إنما عيسى لديه موهبة الغناء وهو من هواة هذا الفن الراقي ،.لمن لا يعرف نوع هذا الشعر ( هو يُسمى الحدادي أو المربع بفلسطين لأنه ابياته تتكون من أربع أبيات، ويستخدم كثيرا في الأعراس الفلسطينية خصوصاً إذا كانت زفة للعريس أو حفله يقف المطربان أو الشاعران قبالة بعضهما ثم تبدأ المحاورة والذي يحدد نوعية المحاوره هو الذي يبدأ في موضوع معين أو فكره معينه ويمكن أن تبدأ المحاورة بتحدي بعضهما بطريقه فكاهية تُسعد الجمهور ، يلتزم كل منهما بثلاث سطور على قافيه معينه من اختياره والسطر الرابع قافيه مختلفه تكون ثابته تُلزم الطرفين بالألتزام بها لحين إنتهاء المحاوره أو الموضوع الذي يتحاورن فيه ويجوز تغير القافيه الرابعه بالتدريج حسب كلمات المحاورة. المهم هذه المحاورة حدثت بيني وبين اخي عيسى في أحد المواقع الصوتيه على ( المايك مباشراً) وكانت رائعه جداً ومتناسقة مع الصوت والتلحين ، لكن لا أعرف كيف ستبدو كتابياً لكم ، ربما تجدون صعوبه في نطق الكلمات وتلحينها ، مع ذلك احببت أن أنشرها لكم ، أتمنى أن تنال إعجابكم ، تحايا وتقدير وأكثر

أنا باللون الأحمر وعيسى باللون الأزرق

فلنبدأ

جينا نغني على العام
اسمعوني يا كرام
خلينا نبدا الكلام
بالصلاةِ على العدنان
.
الصلاتُ والسلام
على سَيد الانام
محمد نَبي الإسلام
قد اتانا في القرآن
.
اهلا وسهلا بكل الناس
واللهِ انكم ع الراس
اغلى من الذهب والماس
ما بتقدر ب الاثمان
.
اهلا وسهلا بالزوار
ع اليمين وع اليسار
من قلبي لكم اشعار
حتى تطرب الاذان
.
شدو الهمه يا رجال
ع الأقصى شدو الرحال
الأقصى بدو أبطال
ابطال اتحارب كيان
.
الاقصى دوماً في البال
ع بوابه اسشهد رجال
فلسطين ارض الابطال
ستبقى رغم الاحزان
.
من أجلك يا سوريه
بنتحدى الصهيونيه
وأمتنا العربيه
قويه رغم الخذلان
.
من الاقصى لبغداد
سلامٌ كله امجاد
والعراقي بالمرصاد
لعيون الوطن سهران
.
وكرمالك يا باربي
بسام واقف ع بابي
وناوي على خرابي
لأني فيكي سرحان
.
شو بدك فيها سرحان
يا علاء ابو النسوان
حقيقه مالك أمان
وكأنك مثل الصبيان
.
اذا كنت ع قدا
يا عيسى اتفضل أبدا
اذا بدك تتحدا
صدقني انتا الخسران
.
اسمع مني يا علاء
بوجودك صار البلاء
روح اركض وره النساء
احسلك من هالميدان
.
انا أمير الشعراء
ما بركض وره النساء
لكني بقدر حواء
وفي قلبي الها مكان
.
لا تسحب على الناعم
انتا نسونجي دائم
عاملي فيها هائم
ودايرلي وره النسوان
.
يا عيسى انا شاعر
قلبي بالشعر ماطر
لكنك انتا شاطر
بالكذب على الاخوان
.
يا علاء ابعد عني
احسلك اهرب مني
اذا بغضب لأني
راح حطك جوا النيران
.
اسمع مني يا ولد
انا كبير البلد
حتى لو كنت اسد
راح حطك جوا البركان
.
عاملي فيها كاتب
وهو بالخامس راسب
حتى بدروسه خايب
وكان مقضيها نعسان
.
اذا بدك اسمائي
شاعر كاتب روائي
ولما يحل المسائي
بكتب على روقان
.
بتعرف لو انك عندي
لعملتك تمر هندي
واسقيتك لصغر جندي
واقف ع حدود اليونان
.
يا عيسى اذا بتفهم
عليي لا تتقدم
لأنك رايح تندم
وما بترجع الا ندمان
.
راح أتقدم وما ارجع
حتى قدامي تركع
ومثل الرقاصه تخلع
وترجع ع دارك تعبان
.
شكلك اهبل ومش منا
مين الي جابك عنا
اطلب وجبه وتهنا
شكلك يا عيسى جعان
.
اسمي عيسى وما بجوع
صدقني راح تيجي ركوع
وتخلص من عينك لدموع
وترجع ع دارك زحمان
.
يا عيسى هَدي هَدي
والله ِ مانك قدي
انتا حديد ومصدي
وكلك عبعضك خربان
.
يلي علينا بتتكبر
شكلك ناوي تتشفر
وبأيدك قبرك تحفر
روح اهرب على اليابان
.
نصيحه لا تتهجم
اذا خطوه بتتقدم
صدقني لتتفرم
وترجع ع دارك بكيان
.
كأنك واحد اهبل
عقلك جواتو خلل
صوتك بجيب الشلل
والجلطه بقلب الإنسان
.
انا ما بجيب الجلطه
لكني بجيب البلطه
وانتا بتجيب الشرطه
تطلب منهم الامان
.
شو بتغني وشو بتقول
كأنك واحد مسطول
شبهتك ع صحن الفول
احسلك ظلك سكران
.
اسمع يا عيسى اسمع
فنك باطل وما بنفع
نصيحه مني ارجع
احسن ما ترجع زعلان
.
يلي جايه تتحدى
علينا لا تتعدى
اللي مثلك بتغدى
عَلى لحمة الفيران
.
اللي مثلي كبير كبير
وبلبقلو تاج الأمير
واسمي بين الاساطير
مش مثلك بين الذبان
.
يا علاء اوعى تنغر
الي قبالك عيسى الحر
صدقني رايح تنجر
لأني منك غضبان
.
بدي غني وبدي قول
اشعارك أخذت لعقول
عيسى يا أبن الأصول
بشهدلك أنك فنان
.
وحياتك يا بو وطن
نَشيدك غالي الثمن
ومع الذهب بتوزن
حتى بكسر الميزان
.
ولما عيسى بغني
قلبي ببقى متهني
وطول السهره متمني
يظلو عنا سهران
.
تسلملي عيونه تسلم
لما علاء يتكلم
انا منه بتعلم
لأنه راقي وفهمان
.
اسمع يا عيسى الفنان
صوتك بطرب للأذان
ونغماتك احلى الحان
ربي يعطيك الأمان
.
واللي واقف قبالي
اسمه علاء الغالي
غالي واغلى من حالي
الله يزرقه الجِنان
.
يلا نغير الكلمات
ونغني لا أهل الشات
كل واحد اسمو بالذات
حتى تحلى الالحان
.
اسمعني خيه علاء
ما بعرف كل الأعضاء
بدي تحكيلي أسماء
حتى اعرف الي هان
.
راح قلك ع الموجودين
اسامه وحمودي ولين
وليد ورهف حلوين
ومعهم حقوقي كمان
.
باب الأقصى من حديد
ما بفتحو الا وليد
لعيونك احلى نشيد
نشيد معطر ريحان
.
اسمعيني يا ليال
اسمك في الخاطر والبال
وعيونك مثل الهلال
اضاءات كل المكان
.
اسمعني يا حقوقي
يا قلبي ويا عروقي
انتا شمسي وشروقي
واسمك بمشي في الشريان
.
في قلبي حسرة وأنين
على غيابك يا لين
في عيوني شوق وحنين
لعيونك احلى الاوطان
.
اهلا وسهلا ب رهف
نورتي كل الغرف
اوجودك احلى الصدف
عطرتي كل المكان
.
قدامي ماني شايف
غير عيون ابو نايف
صدقني ماني خايف
لأنك جوا الوجدان
.
اسمعني يا اسامه
يلي كلك شهامه
اسمك كله فخامه
حفرتو على الحيطان
.
الاسم ابو عرب
غيابك كله غضب
نار وشرار ولهب
ما يقدرلو الإنسان

الغالي محمد حمود
حامل ع كتافه بارود
حتى يتحدى اليهود
ويفتح عليهم نيران
.
ونيالك يا باربي
ع بسام اغلى احبابي
بسام اعز صحابي
في عيونك والله غرقان
.
هذا بسام العشقان
حب ومشاعر مليان
عاشق باربي وغرقان
وباربي صارت عنوان
.
لما باربي ما تكون
بسام بتحول مجنون
كأنه جني مسكون
وبتسلق على الجدران
.
وين الغالي اسطوره
بدنا بوجوده صوره
حتى تبقى محفوره
للايام والزمان
.
يلا نغير الأنغام
ونبدل كل الكلام
ونتحدث عن الغرام
خصوصاً غرام الشات
.
ياويلي عَلي صدق
حب الشات وتعمق
راح يعرف أنه احمق
لما يكشف اللي فات
.
يا صبيه ديري بالك
من الشات احلالك
وخلي فكره في بالك
حب الشات سَخافات
.
يا شباب اسمعوني
وقَدر عقلي خذوني
الشات مثل الصهيوني
مُدمر كل الاوقات
.
نَصيحه خذها منه
أحسنلك ابعد عنه
حب الشات لأنه
داووين وحركات
.
لما الشب يجي يقول
بحبك انتي ع طول
بترسله الرمز الخجول
وبعديها شوية وردات
.
وبعد العلاقه بيومين
بتقلك قلبي حزين
وجواتي اه وانين
ياويلي من الاهات
.
يا خسارة كل السهرات
والاغاني والنغمات
والكلام والضحكات
ابسرعه صارت ويلات
.
اسمع شو حكا بسام
كتبلك حتى ع العام
يا عيسى والله حرام
مش كذا كل العلاقات
.
مش قصدي والله عنك
بعتذر انا منك
انتا صادق لأنك
عاشق باربي بالذات
.
ما بدنا حدا نجرح
انا وعيسى عم نمزح
لحتى القلب يفرح
يا عيسى غير كلمات
.
عن هالوضع تع نحكي
لأنه قلبي بشكي
وبعرف قلبك عم يبكي
من وره هذا الموضوع
.
فعلا أنه قلبي تألم
وعن حالي الله اعلم
لكن بدنا نتأقلم
ونتعود على هالجوع
.
الوضع جوا بلادي
الواسطه صارت عادي
والفقير بينادي
لكن صوته مش مسموع
.
اذا معك في فلوس
بتغير كل النفوس
حتى لو كنت جاسوس
بظلو راسك مرفوع
.
والطالب الي اجتهد
وتعلم في هالبلد
ما سأل عنه أحد
وعيونه مليانه دموع
.
في أيام الكورونا
الحكومه شو أعطونا
واللهِ جَننونا
ما فيه نزله وما فيه طلوع
.
من يوم سكرو الفتحات
العامل ذاق الويلات
ورجعنلو كل الشكات
بطل يقبض كل اسبوع
.
شوفير التكسي حزين
بحسب في سعر البنزين
وإذا بنشرلو عجلين
بتحول تكسي جربوع
.
والعامل الله يعينو
راتبو كله وينو
مش عارف سدد دينو
راجع ع داره موجوع
.
الله يعين المُعلم
على وضعه متألم
سلم يا الله سلم
راتبو والله مقطوع
.
والمزارع ياويلي
بدو يطعمي هالعيله
هاي الأرض الوسيله
لكن زرعو مش مبيوع
.
والعتال يا فنان
الله يعينو شو تعبان
برجع ع داره هلكان
وكتفه من التعب مخلوع
.
الله يعينك يا شعبي
ع هالحالة الصعبي
الله يعينك وياربي
تفرجها على الجموع
.
الأسرى جوا الزنازين
لعيونك يا فلسطين
ما بنكل وما بنلين
وما راح نرضى بالخضوع
.
الله يلعن السجان
ويلعن ابو أللي خان
الاقصى وكل الاوطان
وتقبل كل الخنوع
.
خبر عاجل ع الاخبار
جوا السجن استنفار
شو القصه يا عمي الجار
حفروا النفق في جلبوع
.
كان الخبر يا محلاه
لما الصبحيه اسمعناه
هذا الحدث ما بنساه
لهسا بقلبي مطبوع
.
انا بدي أنهي الغنيه
لأني تعبت شويه
لكم مني التحيه
وكف بالعالي مسموع

[ساندي]

حوار جميل وغني وله معاني كثيرة
وصيغ باعتبار لك كل الشكر والتقدير

[علاء فلسطين]

حوار جميل وغني وله معاني كثيرة
وصيغ باعتبار لك كل الشكر والتقدير


الجميله ساندي ابنة البلد الحبيب
سعيد جدا بحضورك الذي أغنى الموضوع وعطره بأزكى العطور
شكراً جزيلاً من القلب أيتها الروح الجميله
تحايا لقلبك الأبيض وكل السلام

[الامير]

كل الشكر و التقدير

[علاء فلسطين]

كل الشكر و التقدير

اشكر كرمك وكرم مرورك اخي الأمير
تحايا وأكثر لمرورك الذي أثمر اجمل الورود هنا

[عيسى النيص]

هههههه ايوا يا علاء مسكتك شو بتعمل هان

[عيسى النيص]

منزل هاي المحاوره هان طيب ليش ما حكتلي اجي اتحداك
ههههههه

[Barbie]

الأسرى جوا الزنازين
لعيونك يا فلسطين
ما بنكل وما بنلين
وما راح نرضى بالخضوع

اولل ممرهه انتتبهه ع الممجزرهه ههاي
+ ببججننن ععلاء الككلامم ')
ممبدعع ععلاء..')
وردهه

[عيسى النيص]

الاقتباس غير متاح حاليا

هادا اخوي علاء
كنا انا وياه في دردشه صوتيه يومها
بس ما حكالي عن هاد الموقع
يسلمووو على كلامك

[Barbie]

الاقتباس غير متاح حاليا

هادا اخوي علاء
كنا انا وياه في دردشه صوتيه يومها
بس ما حكالي عن هاد الموقع
يسلمووو على كلامك
ممنورر ععيسسى ممنتداناا
+ ننششالله ييعججبكك الممنتدى
ونسستمتعع ببممجزرهه تتاااانيهةة
اوككا؟

[عيسى النيص]

الاقتباس غير متاح حاليا

تسلمي اختي

هههههه لا انا مش شاعر فصحى مثلكم وشغل منتدايات
انا بغني ومرات بتحدى علاء مثل هيك زجل شعبي
اه لازم نعمل حفله هان ههههههه هسا بنجن بس يشوفني

[علاء فلسطين]

هههههه ايوا يا علاء مسكتك شو بتعمل هان

يؤؤ لك عيسى شو جابك هون كيف وصلت ؟؟
وبعدين شو مسكتني حسستني مسكت كيلو مخدرات معاي

[علاء فلسطين]

منزل هاي المحاوره هان طيب ليش ما حكتلي اجي اتحداك
ههههههه

هو كل شييء بنشره لازم اقلك وين نشرتو هههههه
لأنك لست من مُحبي المنتديات فقط لم أقل لك عنه وليس أكثر

[علاء فلسطين]

الأسرى جوا الزنازين
لعيونك يا فلسطين
ما بنكل وما بنلين
وما راح نرضى بالخضوع

اولل ممرهه انتتبهه ع الممجزرهه ههاي
+ ببججننن ععلاء الككلامم ')
ممبدعع ععلاء..')
وردهه

اهلا ومرحباً بالنقية نيرمين
شكراً جزيلاً لقرأتك
نعم هذه محاوره كانت في شات صوتي على المايك بيني وبين عيسى كنا نتسلى مع الاخوه ، ونشرت هذا الجزء الذي ظل عالق في الذاكره
شكرا جزيلاً لروعة حضورك والتحية لقلبك

[علاء فلسطين]

الاقتباس غير متاح حاليا

تسلمي اختي

هههههه لا انا مش شاعر فصحى مثلكم وشغل منتدايات
انا بغني ومرات بتحدى علاء مثل هيك زجل شعبي
اه لازم نعمل حفله هان ههههههه هسا بنجن بس يشوفني

ههههه وبعدين معك ، شكلك جاي تفرد عضلاتك عليي هنا
ماشي أنا موافق بس تكون فاضي رنلي ادخل ولكن اختار وقت مثل ذلك لا ترن بالنهار

[عيسى النيص]

الاقتباس غير متاح حاليا


صدفه كتبت اسمي مع اسمك وطلع عندي هادا الموضوع في جوجل

[عيسى النيص]

الاقتباس غير متاح حاليا


يلا هسا انا قاعد في الدار لحالي برنلك على الواتس ليش بتردش

[البريئة !]

انآ وين كنت وقت نزل الموضوع .؟

[عيسى النيص]

الاقتباس غير متاح حاليا

هادا اخوي علاء منزله بدون ما يحكيلي هاي المحاوره زمان في شات صوتي كنا بس ما حكالي انو بنشر في المنتدايات بس انا كشفتو بالصدفه لما كتبت اسمي مع اسمه

[علاء فلسطين]

الاقتباس غير متاح حاليا


يلا هسا انا قاعد في الدار لحالي برنلك على الواتس ليش بتردش



ههههه حسنا انا الان جاهز يلا أبدا
ولون خطك بالازرق

مستعد للطحن
انننننطلق

[علاء فلسطين]

انآ وين كنت وقت نزل الموضوع .؟


انداري يمكن كنتي توكلي في بطاطا وقتها ههههه
انرتِ أيتها المذهله

[عيسى النيص]

الاقتباس غير متاح حاليا

الله يسعد هالمساء
يا هلا بكل الأعضاء
بدي اتحدى علاء
بالاشعار والنغمات

[علاء فلسطين]

الاقتباس غير متاح حاليا

الله يسعد هالمساء
يا هلا بكل الأعضاء
بدي اتحدى علاء
بالاشعار والنغمات

انا بغني ع الواقع
لكن ما عندي مانع
اتغنى في المواقع
حتى لو في المنتديات

[عيسى النيص]

الاقتباس غير متاح حاليا

بتلاقيني ع الواقع
شاعر أكثر من رائع
احلى من القمر الساطع
احلى من كل النجمات

[علاء فلسطين]

الاقتباس غير متاح حاليا

بتلاقيني ع الواقع
شاعر أكثر من رائع
احلى من القمر الساطع
احلى من كل النجمات

حتى نبقى دغريه
بالاشعار الشعبيه
بدي من حجمك ميه
حتى نبدا الحوارات

[عيسى النيص]

يا علاء الله يعينك
شايف حالك دخيلك
واحد مثلي بشيلك
وبخبطك اربع خبطات

[علاء فلسطين]

اوعى تقرب يا ويلك
صدقني بتعب حيلك
وبمحي عنك دليلك
وبضربك اربع مرات

[عيسى النيص]

عنا الكلمه الاصيله
وعنا الحكمه النبيله
فينا الكلمه الجميله
احنا الكرم والكرامات

[علاء فلسطين]

مادح حالو الكذاب
غير الحكي ما جاب
في الحقيقه يا احباب
عيسى تاجر خضروات

[عيسى النيص]

ومالو التاجر بالخضره
بالخضره عندي خبره
وبالشعر عندي قدره
والكلمه اربع كيلات

[علاء فلسطين]

حافظي على دروسك
خليها الماما تبوسك
راجع احسن قاموسك
بكره عندك امتحانات

[عيسى النيص]

من هينا ماني طالع
ع بيتي ماني راجع
الا تتيجي راكع
او تهرب مثل البنات

[علاء فلسطين]

مش انا يلي بهرب
انا من دمك بشرب
لكنه دمك اجرب
ومعفن مثل الحشرات

[عيسى النيص]

علييّ مش راح تقدر
انا اقوى من عنتر
كلك ع بعضك ازعر
زلمي من خلف الشاشات

[علاء فلسطين]

اسمعني يا اخينا
يلي جاي تعادينا
الشِعر بكبر فينا
وفينا بتفخر الكلمات

[عيسى النيص]

اسمع مني تقلك
الله يخليلك أمك
روح ارعاها احسلك
فيها بتوخذ حسنات

[علاء فلسطين]

امي تاج ع راسي
وبتجري جوا احساسي
هيا الحب الأساسي
قالولي عنها الجنات

[عيسى النيص]

اسمع شو قالوا كمان
امي الوطن والامان
مثل الورد والرمان
ع راسي ست الستات

[علاء فلسطين]

يا عيسى يلي قبالي
يا بن ابوي الغالي
لو حطك جوا بالي
راح بتقضيها اهات

[عيسى النيص]

دير بالك ع حالك
وحط الفكرة في بالك
ابعد عني احلالك
لأني بضرب شفرات

[علاء فلسطين]

اذا عندك القدره
اضربني هسا شفره
قبل ما يجي بكره
يا عيسى ابو الجاجات

[عيسى النيص]

كل شي في الدنيا بصير
صاير تحكي كلام كبير
اغضبني وعصبني كثير
يا علاء ابو البطات ههههه

[علاء فلسطين]

هههههههههههههههههه

شو بالدنيا الي صاير
امفكر حالو شاعر
لأنه ولد شاطر
وبطل يلبس حفاظات

ههههه

[عيسى النيص]

كل شي في الدنيا غريب
فعلاً هالزمن عجيب
بالو عن حالو أديب
لأنه كاتب روايات

[علاء فلسطين]

لساتك قدامي صغير
عمرك ما بتصير كبير
عاملي فيها خطير
لكنك مثل الاموات

[عيسى النيص]

حذرتك تبعد عني
اسمع هالكلمه مني
دخيلك لا تجنني
بفرمك اربع فرمات

[علاء فلسطين]

شكلك بلشت تهدد
وبدك علينا تعربد
لكن أنا اللي بحدد
دفنك في هاذي الساحات

[عيسى النيص]

يا بو الكلمه الملغومه
اشعارك مش مفهومه
ومعانيها مسمومه
من كثر فيها كذبات

[علاء فلسطين]

ملغومه فيها عطور
احلى من كل الزهور
جوات القلب بدور
في قلبك انتا بالذات

[عيسى النيص]

انا الحكمه وانا الفن
انا الدنيا والزمن
لكن قلي انتا مَن
لا تصفن اربع ساعات

[علاء فلسطين]

انا الشِعر والعنوان
أنا شاعر الاوطان
بغني كل الألوان
مش مثلك لون الدبكات

[عيسى النيص]

الدبكات الشعبيه
حلوه ميه في الميه
مع القهوه العربيه
هيك محلاها الحفلات

[علاء فلسطين]

الحفلات الاصيله
بدها كلمه نبيله
والمعاني اثقيله
هيك بتكون السهرات

[عيسى النيص]

بالحفلات لما تكون
بتركض ع اللحمه بجنون
بتوخذ منها عشر صحون
بتوكلها بلا خبزات

[علاء فلسطين]

اسمع مني يا خيّه
عقلك ناقص شوّيه
بدك لحمه مشوّيه
وفوقهن اربع بيضات

[عيسى النيص]

يا بو البيضه المقليه
الأحسن تبقى نيّه
اشربها ع الصبحيه
بتبني في جسمك عضلات

[علاء فلسطين]

مش ناقصني عضلات
عضلاتي مرتبات
خلقه من الله حلوات
مش ناقصها هالوجبات

[عيسى النيص]

ناقص فن وناقص لحن .
ناقص بحر وناقص وزن .
ناقص فكره وناقص مَعن
شاعر بلا ادوات

[علاء فلسطين]

بدي تغير كلماتك
بدي تغير الحانك
حتى احكي صفاتك
غيرلي كل الألحان
ويا

[عيسى النيص]

انتا مين وانا مين
ما فيه مثلي بفلسطين
اسئل عني في جنين
اذا بدك حتى لبنان
ويا

[علاء فلسطين]

ما راح احلف بالطلاق
انا الشاعر العملاق
اسئل عني في العراق
اذا بدك اهل اليونان

[عيسى النيص]

انا القوه والأعصار
ومثل الطلقه في بيت النار
اسئل عني في الأغوار
إذا بدك وَسط عمان

[علاء فلسطين]

أشعاري أقوى الكلمات
قدامك حتى بالذات
اسئل عني في الأمارات
اذا بدك اهل امعان

[عيسى النيص]

كلماتي مثل العطر
وبتنزل مثل المطر
اسئل عني في قطر
إذا بدك جوا رغدان

[علاء فلسطين]

انا شاعر الشعراء
اسمي بالعالي علاء
اسئل عني في البتراء
إذا بدك واد الباذان

[عيسى النيص]

لما غني ولما قول
بسمعوني في اسطنبول
اسئل عني في طبربول
إذا بدك حتى ايران

[علاء فلسطين]

انا حرفي مثل الثائر
لما أكتب خواطر
اسئل عني الجزائر
اسئل عني الأفريقان

[عيسى النيص]

كلماتي مثل الذهب
ونغماتي فيها طرب
اسئل عني في حلب
إذا بدك حتى تايوان

[علاء فلسطين]

كلماتي مثل الياقوت
وما تتكرر مثل الموت
اسئل عني في بيروت
إذا بدك جوا اسوان

[عيسى النيص]

كلماتي أحلى الاشعار
وبسكبها مثل الأنهار
اسئل عني في الأنبار
اذا بدك حتى ميسان

[علاء فلسطين]

انا الخنجر وانا السيف
انا الشتا وانا الصيف
اسئل عني في كييف
إذا بدك جوا اليابان

[عيسى النيص]

انا الظل وانا الفي
انا النبعه وانا المي
اسئل عني في دبي
اذا بدك في طالبان

[علاء فلسطين]

أشعاري ما هي تقديس
لكن فيها أحاسيس
أزكى من عطر باريس
اسئل عني الفاتيكان

[عيسى النيص]

انا الأصل والأصول
أشعاري الأرقى ع طول
اسئل عني في حلحول
والسموع حتى كمان

[علاء فلسطين]

انا الشِعر الأصيل
وبكتب ع البحر الطويل
اسئل عني في الخليل
اذا بدك حتى سلوان

[عيسى النيص]

ما بدي عنك اسئل
لأنك واحد أهبل
اريحلك عني ارحل
على حدود السودان

[علاء فلسطين]

اسمع مني يا خيه
اذا قدمت شويه
بخطفك بالعشيه
وبتصّبح في باكستان

[عيسى النيص]

ابعد عني لا تقرب
انا شاعر بكهرب
اسئل عني في المغرب
اذا بدك حتى بيسان

[علاء فلسطين]

يلي جايه تتحدى
اوعى عليي تتعدى
نَصيحه مني اتخبى
او اهرب ع كُردستان

[عيسى النيص]

مش انا يلي بهرب
احذر مني يا عقرب
من دمك حتى بشرب
وبسقيها أرض عُمان

[علاء فلسطين]

اذا ضَربتك بالكف
محلك بتصير تلف
لا بتمشي ولا بتقف
وببعتك على الشيشان

[علاء فلسطين]

اذا ضَربتك بالكف
محلك بتصير تلف
لا بتمشي ولا بتقف
وببعتك على الشيشان

[عيسى النيص]

بدي انهي هالحوار
لانه قلبي محتار
بين النوم والاشعار
تصبح ع خير الاوطان

[علاء فلسطين]

ياربي تصبح ع نور
تصبح ع ورد الزهور
خالي من كل الشرور
تصبح ع أمن وأمان

[علاء فلسطين]

يلا يا شاطر جمعهن وحطهن في موضوع واحد ،، للذكرى

[البريئة !]

الاقتباس غير متاح حاليا

هادا اخوي علاء منزله بدون ما يحكيلي هاي المحاوره زمان في شات صوتي كنا بس ما حكالي انو بنشر في المنتدايات بس انا كشفتو بالصدفه لما كتبت اسمي مع اسمه


ايوة امسكهاا عليه
كيف بشترك بمنتدى بدون ما يحكيلك
ما توقعتها منك ي علاء فلسطين
له له

[البريئة !]

انداري يمكن كنتي توكلي في بطاطا وقتها ههههه
انرتِ أيتها المذهله

احتمال برضو هههههه
خلص عذرتكك

يلا بعمل فطور و برجع اقرأ هالروائع

[علاء فلسطين]

ايوة امسكهاا عليه
كيف بشترك بمنتدى بدون ما يحكيلك
ما توقعتها منك ي علاء فلسطين
له له


ههههه لا والله بس لأنه مش من هواة المنتديات

[علاء فلسطين]

احتمال برضو هههههه
خلص عذرتكك

يلا بعمل فطور و برجع اقرأ هالروائع


أهلا بكِ في أي وقت ،،، احكيلنا مين اللي فاز ومين خسر هههههههه

[البريئة !]

السلام عليكم ورحمة الله وبركاته
عوده بعد غياب لأضع بين أياديكم محاوره شعريه غنائية بالزجل الفلسطيني بلهجتنا العاميه حدثت بيني وبين اخي " عيسى " الذي يصغرني ب ١٤ عام تقريباً ، في الحقيقه انا لست من هواة هذا النوع من الفن لسببين الأول لأنهُ بالعاميه وثانيا لأنهُ يحتاج إلى لحن بطريقة غنائيه تعتمد على الصوت وترتيب نطق الكلمات عند خروجها ، ولكني احب أن أسمعه ولا عندي مانع أن يبارزني أحداً فيه اذا طلب ،، إنما عيسى لديه موهبة الغناء وهو من هواة هذا الفن الراقي ،.لمن لا يعرف نوع هذا الشعر ( هو يُسمى الحدادي أو المربع بفلسطين لأنه ابياته تتكون من أربع أبيات، ويستخدم كثيرا في الأعراس الفلسطينية خصوصاً إذا كانت زفة للعريس أو حفله يقف المطربان أو الشاعران قبالة بعضهما ثم تبدأ المحاورة والذي يحدد نوعية المحاوره هو الذي يبدأ في موضوع معين أو فكره معينه ويمكن أن تبدأ المحاورة بتحدي بعضهما بطريقه فكاهية تُسعد الجمهور ، يلتزم كل منهما بثلاث سطور على قافيه معينه من اختياره والسطر الرابع قافيه مختلفه تكون ثابته تُلزم الطرفين بالألتزام بها لحين إنتهاء المحاوره أو الموضوع الذي يتحاورن فيه ويجوز تغير القافيه الرابعه بالتدريج حسب كلمات المحاورة. المهم هذه المحاورة حدثت بيني وبين اخي عيسى في أحد المواقع الصوتيه على ( المايك مباشراً) وكانت رائعه جداً ومتناسقة مع الصوت والتلحين ، لكن لا أعرف كيف ستبدو كتابياً لكم ، ربما تجدون صعوبه في نطق الكلمات وتلحينها ، مع ذلك احببت أن أنشرها لكم ، أتمنى أن تنال إعجابكم ، تحايا وتقدير وأكثر

أنا باللون الأحمر وعيسى باللون الأزرق

فلنبدأ

جينا نغني على العام
اسمعوني يا كرام
خلينا نبدا الكلام
بالصلاةِ على العدنان
.
الصلاتُ والسلام
على سَيد الانام
محمد نَبي الإسلام
قد اتانا في القرآن
.
اهلا وسهلا بكل الناس
واللهِ انكم ع الراس
اغلى من الذهب والماس
ما بتقدر ب الاثمان
.
اهلا وسهلا بالزوار
ع اليمين وع اليسار
من قلبي لكم اشعار
حتى تطرب الاذان
.
شدو الهمه يا رجال
ع الأقصى شدو الرحال
الأقصى بدو أبطال
ابطال اتحارب كيان
.
الاقصى دوماً في البال
ع بوابه اسشهد رجال
فلسطين ارض الابطال
ستبقى رغم الاحزان
.
من أجلك يا سوريه
بنتحدى الصهيونيه
وأمتنا العربيه
قويه رغم الخذلان
.
من الاقصى لبغداد
سلامٌ كله امجاد
والعراقي بالمرصاد
لعيون الوطن سهران
.
وكرمالك يا باربي
بسام واقف ع بابي
وناوي على خرابي
لأني فيكي سرحان
.
شو بدك فيها سرحان
يا علاء ابو النسوان
حقيقه مالك أمان
وكأنك مثل الصبيان
.
اذا كنت ع قدا
يا عيسى اتفضل أبدا
اذا بدك تتحدا
صدقني انتا الخسران
.
اسمع مني يا علاء
بوجودك صار البلاء
روح اركض وره النساء
احسلك من هالميدان
.
انا أمير الشعراء
ما بركض وره النساء
لكني بقدر حواء
وفي قلبي الها مكان
.
لا تسحب على الناعم
انتا نسونجي دائم
عاملي فيها هائم
ودايرلي وره النسوان
.
يا عيسى انا شاعر
قلبي بالشعر ماطر
لكنك انتا شاطر
بالكذب على الاخوان
.
يا علاء ابعد عني
احسلك اهرب مني
اذا بغضب لأني
راح حطك جوا النيران
.
اسمع مني يا ولد
انا كبير البلد
حتى لو كنت اسد
راح حطك جوا البركان
.
عاملي فيها كاتب
وهو بالخامس راسب
حتى بدروسه خايب
وكان مقضيها نعسان
.
اذا بدك اسمائي
شاعر كاتب روائي
ولما يحل المسائي
بكتب على روقان
.
بتعرف لو انك عندي
لعملتك تمر هندي
واسقيتك لصغر جندي
واقف ع حدود اليونان
.
يا عيسى اذا بتفهم
عليي لا تتقدم
لأنك رايح تندم
وما بترجع الا ندمان
.
راح أتقدم وما ارجع
حتى قدامي تركع
ومثل الرقاصه تخلع
وترجع ع دارك تعبان
.
شكلك اهبل ومش منا
مين الي جابك عنا
اطلب وجبه وتهنا
شكلك يا عيسى جعان
.
اسمي عيسى وما بجوع
صدقني راح تيجي ركوع
وتخلص من عينك لدموع
وترجع ع دارك زحمان
.
يا عيسى هَدي هَدي
والله ِ مانك قدي
انتا حديد ومصدي
وكلك عبعضك خربان
.
يلي علينا بتتكبر
شكلك ناوي تتشفر
وبأيدك قبرك تحفر
روح اهرب على اليابان
.
نصيحه لا تتهجم
اذا خطوه بتتقدم
صدقني لتتفرم
وترجع ع دارك بكيان
.
كأنك واحد اهبل
عقلك جواتو خلل
صوتك بجيب الشلل
والجلطه بقلب الإنسان
.
انا ما بجيب الجلطه
لكني بجيب البلطه
وانتا بتجيب الشرطه
تطلب منهم الامان
.
شو بتغني وشو بتقول
كأنك واحد مسطول
شبهتك ع صحن الفول
احسلك ظلك سكران
.
اسمع يا عيسى اسمع
فنك باطل وما بنفع
نصيحه مني ارجع
احسن ما ترجع زعلان
.
يلي جايه تتحدى
علينا لا تتعدى
اللي مثلك بتغدى
عَلى لحمة الفيران
.
اللي مثلي كبير كبير
وبلبقلو تاج الأمير
واسمي بين الاساطير
مش مثلك بين الذبان
.
يا علاء اوعى تنغر
الي قبالك عيسى الحر
صدقني رايح تنجر
لأني منك غضبان
.
بدي غني وبدي قول
اشعارك أخذت لعقول
عيسى يا أبن الأصول
بشهدلك أنك فنان
.
وحياتك يا بو وطن
نَشيدك غالي الثمن
ومع الذهب بتوزن
حتى بكسر الميزان
.
ولما عيسى بغني
قلبي ببقى متهني
وطول السهره متمني
يظلو عنا سهران
.
تسلملي عيونه تسلم
لما علاء يتكلم
انا منه بتعلم
لأنه راقي وفهمان
.
اسمع يا عيسى الفنان
صوتك بطرب للأذان
ونغماتك احلى الحان
ربي يعطيك الأمان
.
واللي واقف قبالي
اسمه علاء الغالي
غالي واغلى من حالي
الله يزرقه الجِنان
.
يلا نغير الكلمات
ونغني لا أهل الشات
كل واحد اسمو بالذات
حتى تحلى الالحان
.
اسمعني خيه علاء
ما بعرف كل الأعضاء
بدي تحكيلي أسماء
حتى اعرف الي هان
.
راح قلك ع الموجودين
اسامه وحمودي ولين
وليد ورهف حلوين
ومعهم حقوقي كمان
.
باب الأقصى من حديد
ما بفتحو الا وليد
لعيونك احلى نشيد
نشيد معطر ريحان
.
اسمعيني يا ليال
اسمك في الخاطر والبال
وعيونك مثل الهلال
اضاءات كل المكان
.
اسمعني يا حقوقي
يا قلبي ويا عروقي
انتا شمسي وشروقي
واسمك بمشي في الشريان
.
في قلبي حسرة وأنين
على غيابك يا لين
في عيوني شوق وحنين
لعيونك احلى الاوطان
.
اهلا وسهلا ب رهف
نورتي كل الغرف
اوجودك احلى الصدف
عطرتي كل المكان
.
قدامي ماني شايف
غير عيون ابو نايف
صدقني ماني خايف
لأنك جوا الوجدان
.
اسمعني يا اسامه
يلي كلك شهامه
اسمك كله فخامه
حفرتو على الحيطان
.
الاسم ابو عرب
غيابك كله غضب
نار وشرار ولهب
ما يقدرلو الإنسان

الغالي محمد حمود
حامل ع كتافه بارود
حتى يتحدى اليهود
ويفتح عليهم نيران
.
ونيالك يا باربي
ع بسام اغلى احبابي
بسام اعز صحابي
في عيونك والله غرقان
.
هذا بسام العشقان
حب ومشاعر مليان
عاشق باربي وغرقان
وباربي صارت عنوان
.
لما باربي ما تكون
بسام بتحول مجنون
كأنه جني مسكون
وبتسلق على الجدران
.
وين الغالي اسطوره
بدنا بوجوده صوره
حتى تبقى محفوره
للايام والزمان
.
يلا نغير الأنغام
ونبدل كل الكلام
ونتحدث عن الغرام
خصوصاً غرام الشات
.
ياويلي عَلي صدق
حب الشات وتعمق
راح يعرف أنه احمق
لما يكشف اللي فات
.
يا صبيه ديري بالك
من الشات احلالك
وخلي فكره في بالك
حب الشات سَخافات
.
يا شباب اسمعوني
وقَدر عقلي خذوني
الشات مثل الصهيوني
مُدمر كل الاوقات
.
نَصيحه خذها منه
أحسنلك ابعد عنه
حب الشات لأنه
داووين وحركات
.
لما الشب يجي يقول
بحبك انتي ع طول
بترسله الرمز الخجول
وبعديها شوية وردات
.
وبعد العلاقه بيومين
بتقلك قلبي حزين
وجواتي اه وانين
ياويلي من الاهات
.
يا خسارة كل السهرات
والاغاني والنغمات
والكلام والضحكات
ابسرعه صارت ويلات
.
اسمع شو حكا بسام
كتبلك حتى ع العام
يا عيسى والله حرام
مش كذا كل العلاقات
.
مش قصدي والله عنك
بعتذر انا منك
انتا صادق لأنك
عاشق باربي بالذات
.
ما بدنا حدا نجرح
انا وعيسى عم نمزح
لحتى القلب يفرح
يا عيسى غير كلمات
.
عن هالوضع تع نحكي
لأنه قلبي بشكي
وبعرف قلبك عم يبكي
من وره هذا الموضوع
.
فعلا أنه قلبي تألم
وعن حالي الله اعلم
لكن بدنا نتأقلم
ونتعود على هالجوع
.
الوضع جوا بلادي
الواسطه صارت عادي
والفقير بينادي
لكن صوته مش مسموع
.
اذا معك في فلوس
بتغير كل النفوس
حتى لو كنت جاسوس
بظلو راسك مرفوع
.
والطالب الي اجتهد
وتعلم في هالبلد
ما سأل عنه أحد
وعيونه مليانه دموع
.
في أيام الكورونا
الحكومه شو أعطونا
واللهِ جَننونا
ما فيه نزله وما فيه طلوع
.
من يوم سكرو الفتحات
العامل ذاق الويلات
ورجعنلو كل الشكات
بطل يقبض كل اسبوع
.
شوفير التكسي حزين
بحسب في سعر البنزين
وإذا بنشرلو عجلين
بتحول تكسي جربوع
.
والعامل الله يعينو
راتبو كله وينو
مش عارف سدد دينو
راجع ع داره موجوع
.
الله يعين المُعلم
على وضعه متألم
سلم يا الله سلم
راتبو والله مقطوع
.
والمزارع ياويلي
بدو يطعمي هالعيله
هاي الأرض الوسيله
لكن زرعو مش مبيوع
.
والعتال يا فنان
الله يعينو شو تعبان
برجع ع داره هلكان
وكتفه من التعب مخلوع
.
الله يعينك يا شعبي
ع هالحالة الصعبي
الله يعينك وياربي
تفرجها على الجموع
.
الأسرى جوا الزنازين
لعيونك يا فلسطين
ما بنكل وما بنلين
وما راح نرضى بالخضوع
.
الله يلعن السجان
ويلعن ابو أللي خان
الاقصى وكل الاوطان
وتقبل كل الخنوع
.
خبر عاجل ع الاخبار
جوا السجن استنفار
شو القصه يا عمي الجار
حفروا النفق في جلبوع
.
كان الخبر يا محلاه
لما الصبحيه اسمعناه
هذا الحدث ما بنساه
لهسا بقلبي مطبوع
.
انا بدي أنهي الغنيه
لأني تعبت شويه
لكم مني التحيه
وكف بالعالي مسموع


الله الله
الحوار رائع جداً جداً
و بحمل كذا موضوع و بيحكي عن اكتر من شي
حبيت انو ما كان المحتوى عن شيء محدد
حبيت الحرية بالكتابة

بس عيسى اشطر emoj0
او يمكن لأني مش متعودة اقرأ لك هيك شي و بهيك اسلوب ..
بس بالنهاية حبيت الفكرة جداً ..

رح كمل قراءة الكتابات الجديدة
ارق التحايا .

[البريئة !]

ناقص فن وناقص لحن .
ناقص بحر وناقص وزن .
ناقص فكره وناقص مَعن
شاعر بلا ادوات

ههههههههههههههههههههه

[البريئة !]

انا الشِعر الأصيل
وبكتب ع البحر الطويل
اسئل عني في الخليل
اذا بدك حتى سلوان

انا بشهد :9007:

[البريئة !]

أهلا بكِ في أي وقت ،،، احكيلنا مين اللي فاز ومين خسر هههههههه

كل شي هون رائع رائع

[علاء فلسطين]

الله الله
الحوار رائع جداً جداً
و بحمل كذا موضوع و بيحكي عن اكتر من شي
حبيت انو ما كان المحتوى عن شيء محدد
حبيت الحرية بالكتابة

بس عيسى اشطر emoj0
او يمكن لأني مش متعودة اقرأ لك هيك شي و بهيك اسلوب ..
بس بالنهاية حبيت الفكرة جداً ..

رح كمل قراءة الكتابات الجديدة
ارق التحايا .

ههههه بصراحه غلبني هداك اليوم
يعني انتي هلء في صف عيسى هههههههه ماشي يا ميناس الرائعة

انرتِ المكان

[علاء فلسطين]

ههههههههههههههههههههه

هههههه مبسوطه ع البهدله

[البريئة !]

هههههه مبسوطه ع البهدله

و الله ي علاء سهرانة و متدايقة
بس اكتر مقطع ضحكني من قلبي ههههههه

[علاء فلسطين]

و الله ي علاء سهرانة و متدايقة
بس اكتر مقطع ضحكني من قلبي ههههههه

الله يبعد عنك كل شر ومكروه

ههههه عاد عيسى نايم كان رنيت عليه يدخل اطحنو هسا

[البريئة !]

الله يبعد عنك كل شر ومكروه

ههههه عاد عيسى نايم كان رنيت عليه يدخل اطحنو هسا

يسعدكك ي رب ..


ما بتوقع يرجع ههههه
ما بطلعله معك

[علاء فلسطين]

يسعدكك ي رب ..


ما بتوقع يرجع ههههه
ما بطلعله معك


ههههه لا بيجي بس كان مشغول اليوم عند دار خالتي ، مجنني والله دائما يبعتلي ادخل محاورات معه

[عيسى النيص]

الله الله
الحوار رائع جداً جداً
و بحمل كذا موضوع و بيحكي عن اكتر من شي
حبيت انو ما كان المحتوى عن شيء محدد
حبيت الحرية بالكتابة

بس عيسى اشطر emoj0
او يمكن لأني مش متعودة اقرأ لك هيك شي و بهيك اسلوب ..
بس بالنهاية حبيت الفكرة جداً ..

رح كمل قراءة الكتابات الجديدة
ارق التحايا .


ههههههه شكرا الك يلا هاتي الطبله خليني اغني وعلاء يرقص


هاي البنت البريئة
مثل الشمعة المضيئة
واكثر منك جريئة
شهدتلي اني الكسبان

[علاء فلسطين]

ههههههه شكرا الك يلا هاتي الطبله خليني اغني وعلاء يرقص


هاي البنت البريئة
مثل الشمعة المضيئة
واكثر منك جريئة
شهدتلي اني الكسبان

هاي البنت مجنوني
ع امثالك حَنوني
يمكن معها سُخوني
لما حكمت في الميدان

[البريئة !]

ههههههه شكرا الك يلا هاتي الطبله خليني اغني وعلاء يرقص


هاي البنت البريئة
مثل الشمعة المضيئة
واكثر منك جريئة
شهدتلي اني الكسبان

ههههههههههه ياي
حبيت و الله هالمقطع جداً
ييي مشطرك ي عيسى
و الله فرحت :122:

بسس برضو ما بغير رأيي انو من اول مرة قرأت لعلاء
و انا قلت انه شاعر المنتدياات كلهم ..

[البريئة !]

هاي البنت مجنوني
ع امثالك حَنوني
يمكن معها سُخوني
لما حكمت في الميدان

شكله المحتوى انا هالمرة ههههه
:9009:

[عيسى النيص]

هالمجنوني الحنوني
حلوه كثير ومزيوني
مثل الحبة الليموني
ومثل وردة الريحان

[عيسى النيص]

ههههههههههه ياي
حبيت و الله هالمقطع جداً
ييي مشطرك ي عيسى
و الله فرحت :122:

بسس برضو ما بغير رأيي انو من اول مرة قرأت لعلاء
و انا قلت انه شاعر المنتدياات كلهم ..

ههههههههه راح اغلبه

[علاء فلسطين]

هالمجنوني الحنوني
حلوه كثير ومزيوني
مثل الحبة الليموني
ومثل وردة الريحان


مالك فيها بتتغزل
شكلك واحد ما بتخجل
يا عيسى لا تتعجل
حتى ما تصبح ندمان

[عيسى النيص]

عادي فيها اتغزل
لِأنهى الوردة الأجمل
شهدتلي إني الأفضل
لا تظلك منها غيران

[علاء فلسطين]

يا عيسى لا تتهبل
انا في الساحه الأول
حتى عنكم ما بسأل
وعن هالحُكم مش سئلان

[عيسى النيص]

بضلك غالي ومحبوب
لو أنك حتى مغلوب
ابتبقى جوا القلوب
لو انك حتى خسران

[علاء فلسطين]

مش انا يلي بخسر
انا سنانك بكسر
راح خليك تتحسر
على طول الزمان

[عيسى النيص]

اسناني مثل الحديد
وجَميلة مثل القصيد
لكنك انتا عنيد
عاملي شيخ الشجعان

[علاء فلسطين]

مش انا شيخ الشجعان
لكني ملك المكان
وملك الشِعر والألحان
وللقمة انا العنوان

[عيسى النيص]

انتا الملك ع حالك
لا تبقى شايف حالك
التواضع احلالك
هيك صفات الفنان

[علاء فلسطين]

لا تعمل فيها شاعر
وبتجبر بالخواطر
لساتك وَلد شاطر
ما تكذب عَلى الاخوان

[عيسى النيص]

ما بطلب منّك تقيم
انا شاعر مُستقيم
وبحب الشِعر القديم
لأنه أرقى الأوزان

[علاء فلسطين]

كان تاجر خضروات
فاتح خَمس محلات
وما بحمد رب السمّوات
صار مُهرب دخان

[عيسى النيص]

فعلاً انك واحد غدار
من وين جايب هالاخبار
من كذباتك عقلي طار
وكلامك مثل النسوان

[علاء فلسطين]

ع أيام المدارس
كان مقضيها عابس
لا حافظ ولا دارس
كان مقضيها بكيان

[عيسى النيص]

بشهدو كل الطلاب
أنه عيسى ما خاب
وبالاخلاق يا احباب
كنت الأول بالاحسان

[علاء فلسطين]

يا شاعرنا لا تنغر
الي قبالك شاعر حر
مثل العِلقم لحمي مر
مش مثلك لحم الصيصان

[البريئة !]

حاسستكوا بتتخانقوا !
و رح يقلب الموضوع لمشكلة ..

[عيسى النيص]

يا علاء انتا مغرور
ظلك لف وظلك دور
اخرتك واقع مكسور
وراجع ع دارك عرجان

[علاء فلسطين]

اسمع مني يا شطور
بحطك جوا لقبور
في ليله ما فيها نور
وبختم عليك القرآن

[علاء فلسطين]

حاسستكوا بتتخانقوا !
و رح يقلب الموضوع لمشكلة ..

هههه هيك مهو لون هاد الشعر شكلك ما بتعرفي الحداي الفلسطينية متل الي بغني قاسم نجار وشادي البوريني

[عيسى النيص]

عاملي فيها عنتر
شفتو جايه بتمختر
وع الشفة فاقع احمر
شبهتو عَلى سوزان

هههههههه

[البريئة !]

هههه هيك مهو لون هاد الشعر شكلك ما بتعرفي الحداي الفلسطينية متل الي بغني قاسم نجار وشادي البوريني

بعرفهم و بسمع شوي بس مش كتير
يعني الإشي طبيعي هاد ؟ هههههه
يلا اهون هيك
انا خايفة تضربوا بعض ههههه

[علاء فلسطين]

بعرفهم و بسمع شوي بس مش كتير
يعني الإشي طبيعي هاد ؟ هههههه
يلا اهون هيك
انا خايفة تضربوا بعض ههههه

ههههه لا عادي مسموح فيه كل شي هذا اللون للضحك وحتى الناس تتحمس

[علاء فلسطين]

عاملي فيها عنتر
شفتو جايه بتمختر
وع الشفة فاقع احمر
شبهتو عَلى سوزان

هههههههه
لازم اروح ولازم اطلع
لأنه سني راح اخلع
وتأكد اني راح ارجع
بَعد دكتور الأسنان

[عيسى النيص]

يا بو وَطن الله معاك
ياربي الله يحماك
هينا انا بستناك
اوعك تنسى اني هان

[عيسى النيص]

حاسستكوا بتتخانقوا !
و رح يقلب الموضوع لمشكلة ..

بكون هيك انا غلبتو لانه انسحب ههههههههههههه القفله اجت من عنده

[علاء فلسطين]

بكون هيك انا غلبتو لانه انسحب ههههههههههههه القفله اجت من عنده

ههههههه لا ما نسحبت بس عندي موعد عند دكتور الأسنان هسا
الله سترك كان مسحت فيك الساحه هههههه