موقف افتراضي : ~

[لم يكن حُبًّا]

موقف افتراضي :


يعطي " س " مبلغاً بسيطاً من راتبه لوالده ، الوالد لم يطلب ذلك، إنما هي مبادرة من الإبن . بعد الزواج وبعد أن رُزق بمولوده الأول ، طلبت منه زوجته أن يبقي المبلغ الذي كان يعطيه الوالده، يبقيه ليخصصه لطفلهم ، يدخرانه لمستقبله .
مع العلم ، أن راتب الزوج ليسَ ضعيف ، ولا التزامات مالية ( غير أصلية : مثل ديون ) عليه . وكلما نزَل جهاز ذكي في السوق ، ألحت الزوجة على زوجها أن يشتريه لها .


- ما رأيك بموقف الزوجة ؟ هل هي محقة في طلبها تخصيص المبلغ الذي كان يعطى لوالد زوجها ليصبح لابنهما؟!

- لو كنت بموقع الزوج كيف تتصرف ؟

[حنين الروح]

موقفها صح وغلط بنفس الوقت
من حقها تأمن مستقبل ابنها وتشيل له مبلغ مالي
لكن مش من حقها تطلب المال اللي بدفعه زوجها لابوه
ضاقت عينها ع الكم قرش اللي بيعطيلوا ياه
هذه زوجة مافيها خير ولو مكان زوجها مابخليها ع ذمتي
لسبب بسيط مافيكي خير لرجال جابني ع هالدنيا وكبرني وتعب عليا لحتى جيتك وتزوجتك وخليتك أم ما ح يكون فيكي خير لي ومثل ماعمتلي مع والدي ولادك ح يعملوا فيكي
الزوج طالما مقتدر بقدر يوفر مبلغ لوالده ومبلغ تاني لابنه او ممكن يقلل المبلغ اللي بيعطيه لوالده شوية لانه صار عنده طفل وكبرت التزاماته واكيد الوالد ح يتفهم هالامر

مشكورة ع نقاشك

[m0m3n]

برجع ملك للرد
كل الشكر لالك

[الصياد]

لا مش معها لانه اذا الزوجة ادخلت بعلاقة زوجها بأهله بشكل سلبي راح تخرب حياتها وعلاقتها فيهم ..
ومن حق الاب ياخد من ابنه لانه هو اللي وصله لهذه النقطة بحياته وما كبرش ببلاش ..
ومع انه يعطيه لو كان الاب محتاج اما لو مش محتاج ومش ناقصه شيء والشب عايش لحاله وعنده مصاريف كثيرة
واولاد وبيت ف عادي لو حكى مع ابوه وحكاله هالشغلات ..

[لم يكن حُبًّا]

موقفها صح وغلط بنفس الوقت
من حقها تأمن مستقبل ابنها وتشيل له مبلغ مالي
لكن مش من حقها تطلب المال اللي بدفعه زوجها لابوه
ضاقت عينها ع الكم قرش اللي بيعطيلوا ياه
هذه زوجة مافيها خير ولو مكان زوجها مابخليها ع ذمتي
لسبب بسيط مافيكي خير لرجال جابني ع هالدنيا وكبرني وتعب عليا لحتى جيتك وتزوجتك وخليتك أم ما ح يكون فيكي خير لي ومثل ماعمتلي مع والدي ولادك ح يعملوا فيكي
الزوج طالما مقتدر بقدر يوفر مبلغ لوالده ومبلغ تاني لابنه او ممكن يقلل المبلغ اللي بيعطيه لوالده شوية لانه صار عنده طفل وكبرت التزاماته واكيد الوالد ح يتفهم هالامر

مشكورة ع نقاشك

يلي ما فيه خير لاهلو ما فيه خير لحدا

مشكورة حنين لرايكك

تحيااتي

[لم يكن حُبًّا]

برجع ملك للرد
كل الشكر لالك

ان شاء الله

نورت مؤمن

[لم يكن حُبًّا]

لا مش معها لانه اذا الزوجة ادخلت بعلاقة زوجها بأهله بشكل سلبي راح تخرب حياتها وعلاقتها فيهم ..
ومن حق الاب ياخد من ابنه لانه هو اللي وصله لهذه النقطة بحياته وما كبرش ببلاش ..
ومع انه يعطيه لو كان الاب محتاج اما لو مش محتاج ومش ناقصه شيء والشب عايش لحاله وعنده مصاريف كثيرة
واولاد وبيت ف عادي لو حكى مع ابوه وحكاله هالشغلات ..
مزبوط محمود

يسلمو لرايكك

تحياتي لالك

[شــام]

من حئها تأمن مستئبل ابنها بس مو على حساب بر زوجها بأبوه
ممكن على حسااب الأجهزةةة الزكيةةة يللي عم تطلبها من زوجها
الأقربون أولى بالمعروف
وزرع اليوم حصاد بكرااا
ولو بمحل الزوج بحكي معها بالطيب لو رضيت وفهمت اوك
ما فهمت وأصرت على موقفها بفلئها كف يردلها عئلها
ولو ما نفع بحردها ع بيت أبوها ت يفهمها شو يعني بر الأب
يسسلمو ملوكةةة

[عِنآقْ اليَآسمينْ]

انا لو بموقف الزوج بطلقها
والسبب واضح بدها إتأمن ع مستقبل إبنها إتأمنو من الاجهزة الزككية لما عم تشتريها مش ع حساب المبلغ يلي بيعطيه الابن للولد
وكما تدين تدان هي عملت بكرة اوﻵدها بعملوا فيها هيك
والراجل ما بكون راجل لو ضل يسمع ويسمحلها لمرتو انها تدخل بعلاقتو مع اهلو
والاب اله حق من ابنو بكل شي لانه هو يلي رباه وكبروا

مشكورة ملك للطرح
يعطيكي العافية

[لم يكن حُبًّا]

شام & ورد

كلامكم جدا منطقي ومقنع

لكن للاسف صارت النفوس مريضة والمال معمي الكل

مشكورات صبايا لتواجدكم الطيب

تحيااتي

[خَمْر أيلول]

اذا كانت حالة الزوج ممتازة ماديا مثل ماذكرتي فالمبلغ يلي بيعطي لوالده ما ظنيت يأثر

حتى لو بدو يأمن مستقبل ابنه ، واذا هي متقلة من هالامر بسعر الجهاز الذكي تحطه بحصالة

ابنها وتأمن مستقبله ، موقفها جدا سلبي وما الها حق تطلب هيك طلب .


موضوعك مهم وبالاخص بهالزمن يلي مرضت لنفوس فيه وصار الواحد مابيسمع الا صوت

مصلحته