بعثرة وجع
09-16-2021, 12:06 PM
رسالة لغائبتي :❤️
بداية : بحبك هيك بلا ولا شي بلا ولا سبب ، بحبك هيك ..
كيفك ؟
دخلك فيني قلّك اشتقتلك و لا اللي صار بعدي بقلبك بيغار ؟
فيني اعترفلك إني عم دوّر عليكِ بين وجوه النّاس بين العالم !
عم شبّهن فيك ِ.. مدري لأني اشتقتلك أو لأنو طيفك مرافقني !❤️
كيف صحتك ؟
بعدو نومك قليل ؟
بعدك بتضل متوترة ومشلوشة ؟
دخلك كيفها أشغالك اللي ما بتخلص ؟
دخلك كيفو قلبك ؟ بعدني فيه ؟
بعدو بيضل مكركب متل زمان ولا استقر معه ؟
كيفا الندبة اللي على وجهك على خدّك اليمين ؟ اشتقت اتأملا !
كيفن شعراتك اللي بضلو منكوشين و بحب نكشتهن و بحبك ...
كيفا كنزتك الخمرية ؟ اللي اتقصدت و اشتريت كنزة متلا ..
اشتقتلا واشتقتلك و اشتقت شوفك فيا ..
لساتك بتكرهي أغاني كاظم ؟
لساتك فوضوية ومعجوقة ؟
لساتك بتسمعي أغاني قديمة وجديدة وبتقضي سهراتك الطويلة مع الموسيقا ؟
كيفك ؟ كيف خاطرك ؟ كيف عيلتك ؟ كيف بالك ؟ كيف روحك ؟ قلبك كيفو ؟
غريب الوقت كيف مضي .. كيف صرنا غريبين بعد ما كنتي الأقرب لقلبي
كيف صرت غريب عنك وأنا اللي كنت بقلبك !
كيف صرت بعيد و أنتي اللي وعدتيني إنك رح تضلِ ..
وعودك طيرها الهوى ..
بعرف رح تردي بهاللحظة وتقوليلي ...هيك الهوى يا قمر
ليش قسي قلبك كتير من وين جايب هالجفا ؟
مو على أساس أنا ابن قلبك... ؟
بيوجعني قلبي اذا اتذكرت كل كلماتك .. بس تقرأ رسالتي بدي ياكي أنتي تتذكريها .. بدي منك أنتي تحسي فيني لو لمرة وحدة !
شو طلعتي قاسية ..!
خليتني أتعلم انو ما في شي بدوم وكلشي إلو نهاية قد ما اتمسكنا فيه رح يهرب منا .. يمكن ع قد ما داريناه !
و أنا هيك صار فيني ..
بس بتعرفي ...رضيان لأنو صار عندي قناعة إنو قلبك مو إلي .. قلبك ما بيحب القصور ..بيحب يطير كل شوي بسما جديدة ....
بتمنى شي يوم قلبك يهدى ويستقر متل ما عم اتمنى شي يوم صير قوي واتعود ما شوف ضحكتك ❤️🌧️
خِتاماً ومتل كل مرة بختم كل أحاديثي إلك ..
"اشتقتلك"
بداية : بحبك هيك بلا ولا شي بلا ولا سبب ، بحبك هيك ..
كيفك ؟
دخلك فيني قلّك اشتقتلك و لا اللي صار بعدي بقلبك بيغار ؟
فيني اعترفلك إني عم دوّر عليكِ بين وجوه النّاس بين العالم !
عم شبّهن فيك ِ.. مدري لأني اشتقتلك أو لأنو طيفك مرافقني !❤️
كيف صحتك ؟
بعدو نومك قليل ؟
بعدك بتضل متوترة ومشلوشة ؟
دخلك كيفها أشغالك اللي ما بتخلص ؟
دخلك كيفو قلبك ؟ بعدني فيه ؟
بعدو بيضل مكركب متل زمان ولا استقر معه ؟
كيفا الندبة اللي على وجهك على خدّك اليمين ؟ اشتقت اتأملا !
كيفن شعراتك اللي بضلو منكوشين و بحب نكشتهن و بحبك ...
كيفا كنزتك الخمرية ؟ اللي اتقصدت و اشتريت كنزة متلا ..
اشتقتلا واشتقتلك و اشتقت شوفك فيا ..
لساتك بتكرهي أغاني كاظم ؟
لساتك فوضوية ومعجوقة ؟
لساتك بتسمعي أغاني قديمة وجديدة وبتقضي سهراتك الطويلة مع الموسيقا ؟
كيفك ؟ كيف خاطرك ؟ كيف عيلتك ؟ كيف بالك ؟ كيف روحك ؟ قلبك كيفو ؟
غريب الوقت كيف مضي .. كيف صرنا غريبين بعد ما كنتي الأقرب لقلبي
كيف صرت غريب عنك وأنا اللي كنت بقلبك !
كيف صرت بعيد و أنتي اللي وعدتيني إنك رح تضلِ ..
وعودك طيرها الهوى ..
بعرف رح تردي بهاللحظة وتقوليلي ...هيك الهوى يا قمر
ليش قسي قلبك كتير من وين جايب هالجفا ؟
مو على أساس أنا ابن قلبك... ؟
بيوجعني قلبي اذا اتذكرت كل كلماتك .. بس تقرأ رسالتي بدي ياكي أنتي تتذكريها .. بدي منك أنتي تحسي فيني لو لمرة وحدة !
شو طلعتي قاسية ..!
خليتني أتعلم انو ما في شي بدوم وكلشي إلو نهاية قد ما اتمسكنا فيه رح يهرب منا .. يمكن ع قد ما داريناه !
و أنا هيك صار فيني ..
بس بتعرفي ...رضيان لأنو صار عندي قناعة إنو قلبك مو إلي .. قلبك ما بيحب القصور ..بيحب يطير كل شوي بسما جديدة ....
بتمنى شي يوم قلبك يهدى ويستقر متل ما عم اتمنى شي يوم صير قوي واتعود ما شوف ضحكتك ❤️🌧️
خِتاماً ومتل كل مرة بختم كل أحاديثي إلك ..
"اشتقتلك"