مساحة متجدده لكل انواع الشعر العراقي

[شغف]

صباحو ورد

كوني من محبين الاشعار العراقيه
فحبيت افتح هالموضوع
الليث شاركنا

[شغف]

رمش برمش شديت
مانامت العين
تسهر والك تشتاگـ
مطلوبة الك دين

[شغف]

الولد لو فطموه
يبچيله يومين
بس انته من اتغيب
أبچيلك اسنين

[شغف]

صح انته عني ابعيد
من تحسب امتار
لاچن وسط هالروح
مبنيه الك دار

[شغف]

بالگلب بالشريان
بنص روحي اخليك
حزب الله لو يرضون
نصر الله اسميك

[شغف]

مو معقوله ذاك انته الأمس وياي
ولا معقوله ذاك الچنت أريدنك
تغير كلشي بيك من الجدم للراس
اجذب عيوني صاير من اشوفك
لانزوه واكول تخلص وانساك
ولاصدفه طريق وبيها اعذرنك
راح أنثر سوالف غاصات بروح
حتئ ارجع نفس وجروحي ينسنك

[شغف]

شجاني #وصدگت
#موگلبي ملچـوم
#عيني تشوف بس رؤحي #الغشيمه
الطعن #بالوجه صاير هالايام
#الطعن بالظهر صارت #قديمه

[شغف]

من تمشي أشوفك ملك
بآلليل وجهك گمر
والصبح وجهك شمس
يلـ بيك كلشي حلـو
مرات من تبتسم
أتمنه من ضحكتك
أترس جفوفي ترس

[شغف]

أبوذيه

حبك شامة بخدودي ودكة
واحط بالكلب بسمارك وادكة
شكم دكة شفت منك ودكة
ورغم كل هذا حبك موبدية

[شغف]

أبوذيه

سكر كأس الخمر من ضاك نفسك
واكو غيرك حلو بس ماكو نفسك
اريدك يا حبيبي اتبوس نفسك
بس ابداخلك تنويها اليه

[شغف]

ابوذيه

سهام عينك بكلبي حيل شرعا
وسفن حبك بخليج الروح شرعا
وردت مذهب يحلل بوس شرعا
واذا ماكو ارد للجاهليه

[شغف]

دراميات
١

لاتهتم على الراح وي همك الراح
والعالي مو بالطول بالصبر ينلاح

[شغف]

٢

يسألني البطران حالك إشلونــه
الغاضب الله إعليه هم ينشدوونـه

[شغف]

٣

جاشلي بالخوان والماينفعـــــون
عود أمن اموت أيجون ويا اليشيعون
****

[شغف]

٤

يسألني البطران ليش وجهك اصفر
مايدري على المحبوب قلبي تفطر

[شغف]

زهيرية رباعية
تكون من أربع أشطر ، وتكون القافية فيها ( كلمة ) واحدة ،
ويفضل أن تكون في كل شطر تحمل معناً آخر ومغايراً للشطر الذي سبقه .
مثال :-
إن كان دهرك سقاك من المرار اصبر
شيفيد لو كفخت فوق الوجان اصبر
قبلك وكم أرسلو لاهل القبور اصبر
واعتصم بالله و على النايبات اصبر

[شغف]

- زهيرية خماسية :-


تكون من خمس أشطر تكون القافية في الثلاث أشطر الأولى ،
(كلمة ) واحدة ، ويفضل أن تكون في كل شطر تحمل معناً آخر
ومغايراً للشطر الذي سبقه ، تغاير قافيتها في الشطر الرابع ،
ومن ثمَّ تعود على نفس القافية في الشطر الخامس .
مثال :-
حمام مالك على فرقاي تهواني
إلا بنار الجفا لو خير تهواني
وش لك على خلاق ذاك العهد تهواني
ما ينبغي منك عن ذيك الموده تحل
شرط المودة مثل ما أهواك تهواني !

[إبتسم دائما]

مساحه جميله جداً

ربي يعطيك الصحه والعافيه

[إبتسم دائما]

قصيدة زرازير الليل للشَّاعر العراقي مظفَّر النوَّاب من ديوانه بالعامية "للريل وحمد":

حِنْ وأنا احنْ، وانحبس ونَّة ونمتِحنْ

مرخوص بس كُت الدَّمع، شرط الدَّمع حدَّ الجِفنْ

جفنك جِنح فراشَة غَضْ، وحجاره جفني وما غَمضْ

يا الـ تمشي بيا ويا النَبضْ

روحي عَلى روحك تنسِحِنْ

حِنْ بويه حِنْ حِنْ عَمي حِنْ

عيونَك زَرازِير البَرارِي، بكُل فَرحها بكُل نشاط جناحها بْعالي السَحَرْ

والرُوح مِني عوسَجة بَرْ

ما وصل ليها الندى ولا جَاسها بقطرِة مطرْ

وصفولي عنَك بالنباعِي تفيضْ

وتعنيت ليلة ويا القُمَرْ

وصفولي عنَك كُل مَسامَة تفيضْ مِنك عُطرْ

يا الحسنك نهرْ

تنزل بصدري ويا النفس وبدمي غَصبنْ تنعجنْ

وأشهق و أصعدلك للسما، بحسرات وبعنَّة حِزن

حِنْ... حِنْ بوي حِنْ

شفافك ولا قولَنْ وَرِدْ، عنابه معقودة عَقِدْ

تمتلي بقد ما تنمرد، لا هي دفو ولا هي بَرِدْ

أنا بوصفها راح اجنْ

سكتاتك تشكل خواطر بالقلب، مالي عرف بيهم قبلْ

مبروم برم الريزة يا ريان ومخوصر خصر لفَّ العَقلْ

كل كلمة منك نبعة الريحان بالدلال ... ما تحمل ثُقلْ

وصفولي عنك وردة القداح... ريش جناح

زاهي بالسحر

وصفولي عنك شال منك غيظ بستان الورد

والنرجس الرايج (ق) سِكِرْ

حني بفواريز ولحن ... وحنَّة حمامات السِّجنْ

واللي يعجبه خِلّ يحنْ!!

حِنْ بويه حِنْ

[إبتسم دائما]

قصيدة عراقية للشاعر ذياب كراز
ذبلنْ وعود العِشق بشفافك وماتِنْ، وطيور حبنا ارحلنْ ويا طيفك وتاهِنْ

وكل المهاجر أجى، وقلبك بعد ما حَنْ

وشوق الحمام أبهيد وألوانه ترفه

يا الرمشه بسته فرح وعيونه تجليبه

يا الطوله نايل عشق والشعر مدري به

مقتول من صيد أمس من كثر تعذيبه!

[شغف]

مساحه جميله جداً

ربي يعطيك الصحه والعافيه

وجودك اجمل حبيبتي
منوره كثير

[الليث]

مساحة جميلة جدا، شكرا لك شغف، وان شاء الله نشاركك

يعطيك الف عافية

[شغف]

مساحة جميلة جدا، شكرا لك شغف، وان شاء الله نشاركك

يعطيك الف عافية

مشكور الليث نورت

[الليث]

سَمِّيَّتَكَ نَفْسُ لَوْ ينكطع ماعيش
وَسِمِيَّتُكَ حَبيبُي وَرُوحِيُّ سَمِّيَّتِكَ
عَفَتِ النَّاسُ كُلَّهَا وَمَا عشكت إنسان
بَسِّ أنْتُ أعجبتني وَحَيْلَ حبيتِك

[شغف]

دنيه زغرت صارت بعيني*‫رغيف‬ ،،
چنها ملهى ،، تهوه بس المو*‫#‏شريف‬ !!

[شغف]

سولف گول الك واهس تضل وياي
واذا ماإلك واهس گول لاتخجل
ما أقبل أحبك وانت مامرتاح
وما أرتاح احبك وانت ماتقبل

[شغف]

منـو المنكم يگضي الليـل مرتاح؟
ومنو بشفافه باني للضحك بيت؟
يشــردن مني سالوفــات الافــراح
وحتى الصبــر ضاج و گـلي ملـّيت

[شغف]

يل عيونك مرايه تشــوف بيهه الناس
باوع شوف نفســك شوف واحجيلي
وگلي شگد حلو انت و نقي وشفاف
وگلــي شلـون يخلص بألقهـــر ليلي

[شغف]

ترجّيتـك تجيني و إنته ما جيت
حسبالــك أجيلــك بعــد صــدّك
گتلك أرد أشوفـك گبل مامــوت
و إنتـه تگلّي موت و هذا ردّك

[شغف]

أحلفي بكل يمين وگولي انساك
و اتحــداج اذا حلفتــــي وگدرتي
زعلت ويــاج مره وشفتج اشلون
على فراگــي ولا لحظــه صبرتي

[شغف]

مـن بستـك حبيبي تصدگ احتاريت
ضگت يمكن عسل يمكن بعد احلى
واذا رايد اوصـفــك بعـــد مــا أحتــار
رأســــاً بالــوصف راح اكتبـــك نحله

[الليث]

انا عيوني تسولف عالغرام ويّــاك
ومن عيوني أعرفك تفتهم قصدي
ما أحب الوكت لو خلص بلــيّاك
بالقرأن محد حبك بگـــــدي
وإذا تنساني صدگ آني ما آنساك
لأنْ غيرك محب بالدنيا ماعندي

[شغف]

يل عيونك ربيع و بيهه احس بنار
وجمالك صيف لكن ابد مابي حَّر
يل معرفت طبعك حيرتني وياك
شتاء يذب حراره وصيفك يمَّطر

[شغف]

اخذ مني كلام ونام مرتاح ..
اليعزك لاتظن ينساك فد يوم ..
يتمنى نفسه حمامه وتملك جناح..
وعلى دارك يحط ساعات ويحوم ..
واذا ينساك تبقى تذكره الجروح .....
وجرح البيه اسمك يظل ملجوم ..
واذا اكلك شكد شايلك اشواق ..
تكلي اشون تكدر تمشي وتكوم !!!

[شغف]

مو كلمن ضحك معناها مرتاح
ولاكلمن سكت معناها متعافي
مرات الضحك من كثر ضيم الروح
والساكت بكلبه الجرح ضل غافي ..

[شغف]

البارحة بالحلم شفتك حبيبي وياي..
وشفت ايدك على ايدي وشفت الفرح بممشاي..​

[شغف]

كاَلوها كَبل الـــــراح ما ينعــــــــــــــــاد
واللحظة الجميلة من الصعب ترجــــــع
عمت عين الوكت ما يدري بينا احبـاب!!
طفت شمعتنا لكن ..ما نست تدمــــع
من يوم الرحت... والكَلب ظل مهجــــور...
بيت وغابو أهله .. هم تظن ينفــــــع؟؟
حسبت انا الخواطر كلمة ترضع شوك
مفطومة الخواطر يــــــا محـــب تطلع!!!
صحت وبصوتـي عبرة ومن صحت يافلان
لكَيتك !!!!....بس لكَيتك صورة ما تسمـع
رحل كلشي بغيابك...بس بقت هالـروح
تروح الروح فدوة ...وبس تعــــــال ارجـع
مكانك بعده فارغ ...ما ملاه الكــــــــــون
كل باب وركن من غيبتك دمّــــــــــــــع

[شغف]

بيهَ واهسَ طيرَ حرَ
أرد أفر الدنيا فَرَ
ووين ماعند الله كاع انهَ استقرَ
أرد اسافر
أرد اهاجر...
أرد اعاشر ناس ماتكسرلي‬ خاطرَ
ناس بوجهي تنطيني وردة
مو بظهري تغرزلي الخناجر

[شغف]

وين الكاك ..!!
وينه اليشبه رسومك ..
واصوغ بشفته حجايه ،،
حيره وكل وكتنه عيون ،
ينطي الوين وجهه العاشك مرايه

[شغف]

انه صح بعيد عنك من اقيس
بس قريب لداخلك يشهد علي
وتدري من اشتاك شسمع من وراك؟
ياطيور الطايره ردي لهلي

[شغف]

لاتنسه عندك ولف من تبتعد وتروح
تعرفني عايش حزن فوگ ألألم وجروح
أنته ألنبض بالگلب وأنته ألنفس والروح
معناهه من سافرت بس ألجسد مطروح

[شغف]

أذكر أيام ألطفوله وأذكر أسنين ألحياة
وأذكر ألبيت ألقديم ألچان يجمع كل فئات
عشت أحلى أسنين عمري
وهسه صارت ذكريات

[شغف]

ما أنساك حته أبشهگة ألموت
وأبد مايوم لحظه أتغيب عن عيني
ذمه ابرگبتك لو شالوا ألتابوت
لاتنسه ألمحبه ألبينك وبيني

[الليث]

تعرف ليش أحبك آنة أكلك ليش
لأن باب الكلب مفتاحة بس عندك
والهذا السبب حبك سكن بالروح
ولتصدك أذا كالو يحب بعدك
_________________

[الليث]

متعود عليه وروحة دوم اوياي
وكلبي اوياه مابدل طباعة
أذا لحضة أعوفة كلش أهواي
وأموت آنة أذا فاركته ساعة

[الليث]

أذا كتلك أحبك كلشي ماسويت
وأذا كتلك حبيبي هم قليلة
لذلك أنته آني وأنته تعني الروح
وخيالك لو خطف بنص عيني أشيلة

[الليث]

حبيبي أشلون اعيشن دونك اتريد
وانته روحي وكلبي بل أنتةحياتي
لذلك قررت خل تسمع الناس
بس أنته حبيبي الحد مماتي
_______________________

[الليث]

ذا ظنك أعوفك أنته غلطان
وغلطان اليكلك منك أتبرا
متوهم حبيبي مستحيل أنساك
لأن حبيتك انه وحبنا عالفطرة

[شغف]

وحك فركاك ماضل كل صبر بالروح
بنفس شايب عشت والضحكه منسيه
صفنتي بطول نوم اهل الكهف مرتين
بحيث انه من افز تراب احس بيه
واون . ون الثكاله الفاكدات اولاد
واجر حسرة يتيمه ومشت فصليه
وحالي عليك حال ام وتهز كاروك
فارغ والكلب متروس حنيه

[شغف]

الماينام الليل صاحي ومو عليل
دور باحساسه تلكه المشكله
لو امفاركله وطن لو غثه ناي
لو شريك انفاسه مامقسوم اله

[شغف]

شحيت عني بشوفتك
وديلي لو بس صورتك
بس صورتك هم ‫كافيه

مشتاكلك ماحصلك
جن شايب وحنيت الك
لمن يحن للعافيه !

[شغف]

من ناسي احس مختنگ
الضحك كله چذب !
شايل خلگ للبچي
بس دمعي ماله خلگ
وگليبي كلش تعب
وما عنده واهس يدگ

[شغف]

يلا يـاگلبي المهم حبيتهم
وشلت حب الدنيا كله انطيتهم
هي هم قسمه ونصيب
وانت ما ترهم حبيب
امشي لا توگف بعد يم بيتهم
يلا يــا گلبـي المهم حبيتهم

[شغف]

ضحكتي حجاية اخرس كاعد بديوان
سمع باطل لچن ماگدر يحجيها !!
مثل خنگة هذاك ال بالسجن ويشوف
مفاتيح السجن حارس يفر بيها

[شغف]

دوخني بنظرتهه وحرت واحتاريت
مااعرف شيقصد بهاي نظراته
يمكن هو معجب وخايف ايكول
وبهيده ايتقرب بهاي ههمساته
ابطوله سطرني جن مفصل فصال
شامخ جن نخل مفروشه سعفاته
كاتلني التواضع البي جن ابحور
وجن ثكل الجبل امسكنه بذاته

[شغف]

شحلات الخوة لو صارت بالكَلوب
مو خوة حچي وگعدة ومصالح
وأكو خوة تصح بس ماصخة تصير
وأكو يزامط چذب والحيل رايح
أكو يفزع إلك بس هو چذاب
وأكو يشگ الچفن لو سمع صايح

[شغف]

بيه شوغه
واحد اخرس
سدو الباب على صبعه

وبيه خنكه
واحد اعمى
عالشمس غنوله ربعه

وبيه حسره
جامع الله
اذان وماكو واحد
بلجذب صلاله ركعه

[شغف]

حضنك مثل الوطن شايف وطن يتبدل؟؟

‏و اني يمك حيل احن يا عشگ روحي الاول

‏الدنيا بغيابك سجن بلياك اتعب و انذل

‏انت بالنسبه الي هذا الهوى و تخيل

[شغف]

كالو تريد اتروح واتعذب الروح
امودع الله اوياك بس ابقى لتروح

[شغف]

افرشلك الجفنين برموشي اغطيك
تشرب ابمي العين وابروحي اشريك

[شغف]

تدري شكد احبك يا أعز مخلوق
بكد نجمات ليلك حبي ما ينعد..
حبي مو عدد ولا هو بس ارقام
حـبي العشك الاخضر بس أحب ورد..
راح اوصف حبيبي وانت قيس الحب
واريدك من تقيس تـــــروح للأبــعـــد..
لأن كل الغرام يروح فدوه وياي
ماظن حبي يحي بعدي ايتجاوز حد..
انا الحبيت حبك كالطفل صرخات
وانا الضحيت عمري بدمعه فوك الخد..
وبعد حبيت حبك شهكه مالت موت
وجرعت أسموم لجلك خاطر انت اترد..
حبيتك مثل عين وكحل الجفون
وبديت اكثر احبك بيه زاد الود..
وصرت اشتاك حته وانت بالاحظان
تخيل بين ايديه واني اصيحك رد..

[شغف]

شگد مشتاگلك گد لهفة ألعميان ..
يل گاعد بگلبي وعايش براسي
حلفت أنساك بس شايل ذنوب هواي..
على كل مره حالف وآني ماناسي
محتاجك تجي لو حتى رمشة عين..
وأقبل لو تجيني وتجرح أحساسي
آنه أتنفسك وأختنگ من أنساك..
ﻻن گاظيها روحه وجيه بنفاسي
آنه قاسي گلتلك قصدي واضح چان..
جنت أقصد ألقاسي بطيبتك قاسي
شگد ناس بغيابك گالو نواسيك..
وبس ألليل اجاني وجرحك يواسي​

[شغف]

ماحنيت الي ها مابعد تشتاك. . .
ماتذكر الماضي لو خلص عفته . . .
كلبك مايسألك صاحبك وين . . .
لو كلش نسيته ومابعد ردته . . .
ماجابولك أسمه بطاري ونهزيت . . .
وكل ماحجو أنت الطاري بدلته . . .
ماتقرة الرسايل والغزل والشوك . . .
لو حتى جهازك بعد فرمته . . . .
أندلك ترى وأعرف أجيك منين . . .
بس ماراح أجيك والوكت آجلته

[شغف]

شيل عينك فوك يالطبعك خجول
حان وكت الليل خل يبدي الغزل
ضكت مر هجرك بعد ما بيه حيل
خل اضوك اليوم من عندك عسل
كمر عالي وجان عن عيني بعيد
بعد كل ذاك الصبر يمي نزل.

[شغف]

ﺇﻟﻚ ﻫﺬﺍ ﺍﻟﺸﻌﺮ ﻳﻔﻼﻥ ﻣﺨﺼﻮﺹ
ﻭﻣﻦ ﻛﻠﺒﻲ ﺍﻛﺘﺐ ﻭﺍﻟﻘﻠﻢ ﻳﺸﻬﺪ
ﺫﺑﻠﻨــﻲ ﺍﻟﺴــﻬﺮ ﺑﺠــﻔﺎﻙ ﻭﺍﻟﻠﻪ
ﻭﺻﻔﺔ ﺑﺲ ﺍﻟﺪﻣﻊ ﻣﺰﺭﻭﻉ ﻋﺎﻟﺨﺪ
ﻣﺸﺘﻮﻝ ﻋﻠﻪ ﺑﺎﺑﻚ ﻣﻦ ﺭﺣﺖ ﻟﻠﻴﻮﻡ
ﻫﻠﺒﺖ ﻳﻨﻔﺘﺤﻠﻲ ﻭﻟﻠﻬﻮﻯ ﻧـــﺮﺩ
ﺑﻌﺪﻙ ﻣﺎﺷﻔﺖ ﻻﺭﺍﺣﻪ ﻻﺍﻓﺮﺍﺡ
ﻋﻤﺖ ﻋﻴﻦ ﺍﻟﻜﻠﺐ ﻟﻮ ﻣﺮﺓ ﻳﺴﻌﺪ
ﻣﻌﻘﻮﻟﺔ ﻋﻔﺘﻨﻲ ﻭﻋﻨﻲ ﺭﺍﺡ ﺗﺮﻭﺡ

[شغف]

بغرامك دوم خليني…………. وخليك
وابد لدوم ماعوفك……………. وخليك
اريد افتح جفن عيني………....وخليك
وشوفن بيك وانت اتشوف بيه

[شغف]

تضيگ الدنيا
من إشتاگ لعيونك
تعال شما تريد تگول
تكفي حچاية شلونك!!! ‌

[الليث]

الليل جابتني الك لو انت جيت


ورجعت لي سنين چانت غافية


فزعن مفرعات ويدورن عليك

بلا شعور اجدام تركض حافية

تزعل وعني تصد ما ادري ليش

ابقى احبك ما اكولن عايفة

[شغف]

ثگيل غياب وجهگ يالرحت سگته
ليل الله اليمر بجفاگ ما نمته ..
سالفتي وصفنتي وروحي ضلت بيك
والمخبل جذب ماينسه سالفته.

[شغف]

ازيحك من رفيف الروح
ما تنزاح من بالي ...

[شغف]

تـــرد عــافـيـتٌــي عشــــر اضعــاف
لوو يـــــــــــــمي الوکْـت جابــــــك

[شغف]

بس أنتَ ..
الدرب وياك ،
يبدي منين ما يخلص

[شغف]

أنصحَك بالعِشگ لاتِهوى البعيد ،
تموت بغيرتَك من تلمح ثنين ،
صدگِني الگلب يتبَهذل هوآي ،
من يِعشَگ شَخص مَمگابل العين ،

[شغف]

أباوع صورتك كل ما أحن وشتاگ
وگول اتعود بلكي اليوم لو باجر
واثاري الينتظر ملگه الحبيب ايعود
واني أدري الملگه صار وياي كافر
كافي جروح گلبي تكاثرت بجفاك
تمنيتك تجي لو حتى بحلم عابر
اعرف حلم وردي اتخيله بملگاك
وگول اتعود بلكي اليوم لو باجر

[شغف]

ولك مشتاكلك كد ظلمك وياي
وبخت بعد الفراك تنام كل ليلك
شكثر جفنك وكح وينام طول الليل
وأني من الفجر للفجر صاحيلك
والله شتاكيتلك كد مابيه حيل
ليش تغيب عني وتصد كل حيلك
بعدك للنفس كمت أحسب حساب
عطش عطشانه ريتي لعطرك وهيلك

[الليث]

نطلب الدنيا فرح گد ما بچينا

[شغف]

محتاج الشمس مليت شكل الغيم ...
أريد أحضن ضواها وخلي يعميني ....
محتاج أستقر وأضحك صدك فد يوم ....
مو تضحك شفافي ودمعتي بعيني ......
محتاج أنهزم مو خايفة من الناس ....
بس مليت والله وخلصن سنيني ....
مدري الذنب بية مدري بالباقين ...
مدري الزمن أعوج راد يلغيني

[شغف]

شكتب عالحزن والحزن بيه اشكال
لعب بيه لعب صورني الف صوره
ماريد الفرح خل يبتعد لبعيد
لاهو مني ولاني من طوره
اليسالني عايش وانه شابع ضيم
واجذب علوكت وياي مستوره
اتحده الرسم يرسمني يافنان
كل لحظه قهر تحتاج الف صوره ..

[شغف]

دخيلك ياترف ماظل عــقل عـــندي
حاير شحجي منين الك ابــــــــدي
بعيونك اوصف لو بالرمـــــــــــوش
هواي اوصاف عندي خاف متكفي

[شغف]

يا وسفة ضاع الوفا والود تبدل هجر

[شغف]

من ارسم ضحك مو يعني مرتاح!!
الشمس ننطي الضوة بس هية محترقه

[شغف]

راح تهـون .. وننسـى شلـون ما ينسـون
راح تهـون .. باچـر نضحـك ويبچـون

[شغف]

واگلك يا معطشنـي،
فـراتك يـِسحر عيوني واغنيـلك

[بنت أبوي]

مسساحةة ححلوهه + ححبيتهاا
+
نششاللهه ع رواقق برجعع اششارك لان بحب
اللهجهةة العراقيهةة :62:
وردهةة

[شغف]

مسساحةة ححلوهه + ححبيتهاا
+
نششاللهه ع رواقق برجعع اششارك لان بحب
اللهجهةة العراقيهةة :62:
وردهةة

بتنوري ياعمري فديت احلى بنوته هنا 4fg🥰🥰😍😌

[شغف]

شجاني وصدكت موكلبي ملجوم!
عيني تشوف بس روحي الغشيمة
الطعن بالوجه صاير هاي الايام
اليطعن بالظهر صارت قديمه

[شغف]

اني يمك حيل احن يا عشگ روحي الاول

‏الدنيا بغيابك سجن بلياك اتعب و انذل

‏انت بالنسبه الي هذا الهوى و تخيل

[شغف]

‏واختلفنه براي واحد
‏گتلك هوايه اجيتك مره مرلي
‏وانتَ گتلي لاتعاند
‏هيه مره
‏وحته اذكر بيها چان الليل گاعد
‏آخ لو شارعكم يعيد المشاهد

[شغف]

هم مثلي گلبك مانسه
هم بعد من تمشي درب تذكرني خطواتك بعد؟ تترك فراغ لخطوتي؟

[شغف]

مااعرف شضل من رحت
مااكول عن روحي طحت
بس جنت اهز ايدي اذا واحد يگلي شلونك

[شغف]

علمني ..أذا مر ليلي من دونك
شسوي وما تجي ببالي ؟
شسوي وما تفيض عيوني وأبچيلك ؟
_

[شغف]

عايش المن؟
لا حضنة يتلگة تعبي !
ولا أذن تسمع غنَاي..

[شغف]

تعلمت ‎ڪلشي بالسر عمره طويل
وكلشي يخص حياتي يخصني وحدي
ماكو داعي الرايح والچاي يعرف ♥️.

[شغف]

الواحد تعُرفه من الحَچي
لاگيله غيرك وَطن لمن يسولف رَسمي .

[شغف]

ما نسيتك ..
بس شفت عينك تريد فراك
وانت تدري ، ما أرد لعيونك طلب !��

[شغف]

اريـد اندل
هواكـم يهب مـن يا صـوب
حـته اتعنـه واشتمـه

[شغف]

غثوني و اتغاضيت مرة اعله مرة
و ينطنط الشيطان و اتجفه شره

[شغف]

شريان گلبي أنجرح مانفع بيه أضماد
وصفولي طب العرب وطب العرب مافاد
بزيت كل الأبر والألم تالي أزداد
ومن أذكر أمنين ألجرح ينزف أيظل أعناد

[شغف]

احبك وحبي الك مو مثل اليحبون
لان انت بمحبتك ماخذن العيون
يردوني البشر انساك وابعد
ما يدرون حبك خلاني مجنون
اخذ عشر صفنات من يمر طاريك...
وصدكني توكف بلحظتها الجفون
سبحان الخالقكـ والخالق الناس
كل شي لخاطرك يا غالي يهون
الشفه عسل والوجه ما احلاه
بس ضليت صافن دوختني العيون

[شغف]

أحس ضلمه العمر لو لحضه عني تغيب
اضل احرگ بروحي وانچوي بناري
لو تدري بغيابك بيه شيصير
ولو تعرف بگلبي شصار وشجاري
هلگد ما احبك نشف دمع العين
وهلگد ما احبك خلصت اسراري
شكتبلك بعد ماضل حبر بالروح
كتل روحه القلم وانتحرت اشعاري ..

[شغف]

وَأظلن
ساعة أواسي الروح ،
ساعة أشتاگ ساعة أعذِل ..!"

[شغف]

لذلك اني حاير وين اشيلك
وحقي اني ماأجيلك اني معذور
أغار عليك مني وماأجيلك
دخليك ربي من الموت ماصيح
من زعلك صحت ربي دخيلك

[شغف]

صدّگني احبك حد گطع لأنفاس
لأنك انت حلمي إلّي تمنيته

[شغف]

يا اسمي الثلاثي و گمر تالي الليل
رسمك بالگلب و بدمي خطّيته

[شغف]

انت العلمتني العشگ و الإحساس
فضلك عالگلب لن يدگ خليته

[شغف]

جنسيتي محبتك تدري كلش زين
شنو قيمة ليضيّع يوم جنسيته

[شغف]

و گمر ليل المحبّة بشوفتك مقهور
إذا حتى الگمر بالليل بچيته

و گلوب الشباب تفرفح امن تفوت
و الشايب بعطرك اضن شليته

و نسوان ألتشوفك منك يغارون
و ألبعده مراهق نظرة أمنيته

[ملاك الحب]

تذكر من گلتلي الوحدي اريدك كون
صدگ سويته وخليتني الوحدي

حسين المحمداوي

[شغف]

أنا بحالة تناقض وأنقسامات
وصراع وفوضويه و موجد وجد
بحيث انشطر شخصيتين وياك
اكرهك واليحبك يمي يكعد
احط موعد لنسيانك وأجي ردود
احط للموعد ال بي ننسى موعد!!
ل #ايهاب_المالكي

[شغف]

طحت اليوم باجر هم تطيح انت
المطر والناس كلمن طيحته بوكته

عمار سالم

[شغف]

لا تجامــل بشــر وتصعــده فـوگ الغيــم هــو الناصـي
ناصــي شما صعـــد صيتــــة

عريان السيد خلف⁩

[شغف]

اعاتب ليـــش وانه ادريـــك
مـــا تفهـــم حچي عيـــوني

[شغف]

أضم عيوني لعيونَك وانت عيونَك لغَيّري !
فَضَلتَك عَلى روحي وضاع وياك تَقديري.

[شغف]

الليلّه كلبت الرسآيل
وحده كآتبلي اني يمچ ،
دورت بس مالگيتـك 🧡

[شغف]

اشتاقت إليكَ #عجاف أنتَ #يوسفها
هلّا #رميت على العُمْيانِ #قمصانا

#غبشه رمده … و بلبل #اخرس
و النده امتيه الورد !!
و #الفراشه بلا رفيف #اجناح ...
#كاتلها البرد…
و #كلبي بايت فوگ #شجره..
و مدري #ياساعه يرد .....

[شغف]

تگلي شلونه گلبك ؟
گلبي ما بيه لون
عن لون الحطب لا تنشد التنور .

[شغف]

يسالفتي مِن اسُولف بيك يذبَل كُل شِبر بيهّ

[شغف]

منين ماتنكال طارييَك ونس
ياصدك .. يالما مصدكك !
كلها مو مثلي من احبك
يالبعتلك روحي ,,جنك ماتحس
وانه بلبل بر نزر بالغنى استادي
وماعرفت بيوم اعس
الناس حاسبتك عليً شمة كَرنفل
وابجي يم كل شهكة منك ,,,ماكلت وردة شمس
يالما يمض بيك الهمس
من بعيد بروحي الك رجفة عرس
ومن كريب اصفن بعينك
بلكي يطفح بيها ذاك الماي من شوغات امس
بوجهك اغنية وطن تعصر بريتي
واسمك الماينكتب صورة الــ هويتي
منين اضيع وجهي عنك
ياهلي وناسي وثنيتي
ياقضيتي

[شغف]

بديت اشتاقلك يومية واحتار
واذا مايووم اسمع صوتك احزن
جبت كلبي بيدي كربته للنار
وليش بنار حبك كلبي أمن
أخاف اعيوني من الشوك تنهار
وخايف لا يجيهن يوم يبجن
ويدمع اعيوني ينزل مو دمع نار
وكل دمعه شهر من توكع اصفن

[شغف]

أني هم قبلج حزينه الصفنه بيه
وعيني نجمه وتيهت درب المدار

بنص محطة وخلصت وكتي وحيد
شاب راسي ولا لحگت آخر قطار

وجنت احس عمري حقيبة بلا كفوف
وجان وياي الوكت مو راضي يمشي
وكَمت ما اميز اليل من النهار

شعنده وياي السهر ما جنت انام ؟
جان لا حكني ولا اليطلبني ثار

جربت معنى الغرق والروج عالي
وجربت بعد التفائل إنكسار

جربت ياما اعتذر من غير داعي
ولـــ ناس ما تملك ثقافة لـ عتذار

وياما عن ربعي شلت كومة ذنوب
وتالي خذلوني بوزر طببني نار

بإختصار العمر من قبلج فظيع
وهذه قصتي يا حياتي بإختصار

ولمى شفتج مطرت الدنيا عواطف
وربعت صحرا المشاعر بالخضار

والخريف بعنفوانه ويانه حاضر
والشمس ختيله تلعب بالزغار

وياج حسيت الفرق بين المواسم
وبين بلور الثلج والانصهار

وخلصت المأساة ودراما المتاعب
مسرحية وخلصت انسد الستار

ورجعت الأزهار تملي المزهرية
ونفضت رفوف الكتب كل الغُبار

وصورتي الجانت وسط بيتي حزينه
حضنت من الفرحة إطراف الإطار

انتي من هاليوم وحدج شهرزادي
واني وحدي بعينج انتي شهريار

يا حلاة البسمة من اجمل شفاة
ويا جمال الأبيض الشابه سمار

يا قراري اللي اتخذته بكل قوايه
والحمد لله على هذا القرار

[شغف]

اطآلع بـآلعيون يمين و شمآل .. ظلمـــهـ آلدنيــــآ و هو ملكيتـــهـ يمي
حسيت بـمكآنـــهـ ورجعت آلـآيد تملـآهـــآ آلبروده و زآد همي
اطآلع بـآلعيون يمين و شمآل .. ظلمـــهـ آلدنيــــآ و هو ملكيتـــهـ يمي
حسيت بـمكآنـــهـ ورجعت آلـآيد تملـآهـــآ آلبروده لو زآد همي

يآ يمـــهـ آحبـــهـ و مااكدر آنسآه .. يآ يمـــهـ آحبـــهـ و مااكدر آنسآه
ببعآده شسوي آني يا امي ..؟! .. بـفرآكـــهـ شسوي آني يا امي

آنـــآ بـحبـــهـ نسيت آلـآلم و آلـآه .. و على نبضآت كلبـــهـ نــــآم حلمي

محتآجـــهـ لـحنآنـــهـ .. ظل خآلي مكآنـــهـ
و انسى ويـــآه نفسي .. و آنسى آسمي
و انسى ويـــآه نفسي .. و آنسى آسمي
حبيبي .. حيآتي
موتي آلقهر .. نشفلي دمي

[شغف]

شـرد اوصفـــك وانت وصفـــك مو سهــل
اخاف اكلك انت وردة ومايجي وصفــك عـــدل
اخاف اكلك انت ليـــل وانه ادري الليـــل بعيـــونك گحــل
واخاف اكلك انت طير وتمشـــي عني وينقطـــع حبل الوصــل
واخاف اكك انت ابويه وانت امي وابقه بعيــونك طفـــل

[شغف]

ادفني بخاطرك واحييني من تشتاك!
واقنع لو تصدلي بنظرة استصغار
غير العاشكك يحلم ابيته تعيش؟
اخذ وياك واحد يحلم بتذكار
يالمغير اطباعي امن الرزن للريش!
الكبل جنه جبل هسه اعله جيتك طار
لانت الموحلو وماخابص النظرات
ولا اني الغشيم الماعرفت اختار
من امشي ويه غيرك مو تكول يخون!
اماشي رايد اعرف مابديت تغار؟
من تبعد اعليه النسمة احسها تعيل؟
وعارك باليسلم والعلي ما مار
وذا استفتح بصوتك يومي زرقة يزيد
وبيعن ضحكتي للجاي ياخذ ثار
تچيني اعله زندك مره اريد ارتاح
انه مهجول جروح ورايد استقرار
وعن الجنت احبهم والوفاهم ضااع
اسولفلك وقيس شواصلتني اخباار
الله اسمائه هايه العابره التسعين
اكثرهن ذكرته بحلكَـي ياستـــار!!
اريد وياك اغامر واكسر المحظور
وتمرد على اليحجولي بس عالنار
انه اتفائل بحضنك ذنب ..بس بي خير!
وميل الحر جهنم لان حضنك نار
امن اطب الجنتك للنار اطب مرتاح
حاضن عالاقل لا بايك ولا ضار

للشاعر رائد ابو فتيان

[شغف]

عـريان يگَول ؛
عيش وحدك مـُوت فارغ لا تحط للناس هــم

َمظفر يگـول ؛
عيش وحدك كـلها منتظرهَ الرحـيل وكلها تـرحل لو يناسبها القطار

[شغف]

هًم عُبرت الساعةة 12 "
وهم اجه الليل بدونك
وما إدري وين أنطي الوجه ،
من يمُر ليلي بدونگ..🎻🖤

[الليث]

نذر ملگة

نذر لعلگ اسنيني ابجيتك اشموع
واشتل كل سمه الهجران نجمات
اغيم بالوفة وامطرلك اسبوع
ويصير الوفة ابملگاك روجات
وانته بالگلب ريحان مزروع
تتحسر عليك هواي نسمات
يالطيفك رسم وبجفني مطبوع
ليليه يتوسد جفني ويبات
لو جابك وفاك ابهاي الايام
وتشوف اشكثر ناذرلك انذور
اشم طيفك بخور بحضرة ايمام
واترس دنيتي من زلفك اعطور
مل صبره الگلبك مابعد ينلام
وبحبال الصبر سنتين مشرور
ولو تدري عليك شكثر محتام
جا سابكت جدمك ويه الطيور
اخافن بدلوا ريشك ينعام
تره اسهام الشماته تصيد الصگور
وخافن لا يشمونك يشمام
ولو بالليل گلبي اعليك ناطور
ترف يطفح هواك ابگلبي ويفيض
وفوجن بحر همي ويبعد الگيش
وارد اعطش العنيك عطشة الگيض
وترف جنحان گلبي وما يصح ريش
واسلي الروح نوبه ابعشرة البيض
ولنها ابلا سمارك روحي متعيش
ما فاد ابجرح فرگاك تمريض
ولا ضاع الوفة ابسحر الدراويش

[شغف]

أتانيـــك بترافـــه ورد طـــول الليــــل
واعيـش بأمـــل جيتك للصبـــح #واذبــــل

[شغف]

واذا حبــــك يصير المـــــوت
امـــوت وبيـــدك ادفنــــي
واكتـــب عالقـــبر مظلـــوم
مــات وما شبــع منــي

[شغف]

الي رايد عشرتك هو يعتنيك
لا تلح ويا ولا تقراله
لا تنادي اليتغلا من يجيك
خله هو يجيب روحه الحاله
الي مدلك ايده مدله ثنين ايديك
والي رايد يجفي لا تبراله

[شغف]

حضنك مثل الوطن شايف وطن يتبدل؟؟

‏و اني يمك حيل احن يا عشگ روحي الاول

‏الدنيا بغيابك سجن بلياك اتعب و انذل

‏انت بالنسبه الي هذا الهوى و تخيل

[شغف]

بده لوني ايتغير .. هذا شي يكفي

بده صوتي ايتعثر وارتجف چفي

أحبك

مآ گدرت أخفي

[شغف]

‏واختلفنه براي واحد
‏گتلك هوايه اجيتك مره مرلي
‏وانتَ گتلي لاتعاند
‏هيه مره
‏وحته اذكر بيها چان الليل گاعد
‏آخ لو شارعكم يعيد المشاهد

[شغف]

احبك وحبي الك مو مثل اليحبون
لان انت بمحبتك ماخذن العيون
يردوني البشر انساك وابعد
ما يدرون حبك خلاني مجنون
اخذ عشر صفنات من يمر طاريك...
وصدكني توكف بلحظتها الجفون
سبحان الخالقكـ والخالق الناس
كل شي لخاطرك يا غالي يهون
الشفه عسل والوجه ما احلاه
بس ضليت صافن دوختني العيون

[شغف]

إحسچ مالتي مُو مالت احد
مو وحدهَ بحياتي إعتبرچ شگد

[شغف]

العشك ذله بس تبقى الكرامه على الراس...
عيبا محبوب على محبوبه يتعله...
وزنه العشك وان مابيه مقياس..
وكيف ترضا ياعديم واليحبك بناره يتجله...
المحبه من الله كالو قديم الناس...
هم شفت فنجان ينكر الدله

[شغف]

- يا نِظڕتكہَ تِسَۉۿ ڪُِݪ ذيَچ ﭑݪسِۉاݪف💜

[شغف]

- بالك اعلى المايحس تخسر عتاب ،♥️✨"
- المافهم شيب الهوى يسمي ضباب ؛♥️🕸"

[شغف]

غيب
حتى اليشتهي عيونك يجيك


سعود الخفاجي

[شغف]

‏وارضّيك ابْـ ولـَك
‏يابعد هاي وهاي
‏و اتعذر سنة‏و ماتقبل اعذاري
‏و احبك من صدگ ‏من حب اهلنه الراح
‏مو حب هالوكت ‏و الشوگ طيّاري

‏⁧ #عريان

[شغف]

أحبّك من تجي معلعل
شحلاتك من تگلي ولايتي بحضنّك
وأسويلك وطن من ديرة ضلوعي
وأگلك نام يَّ مدلل.♥️

[شغف]

بس دلّيني وينك كلشي الك يرخص

وانه طبعي امن ادوّر مثل طبع الصوت،،
أوگف وين ما أخلص..

#بشار_المشهداني

[شغف]

ضمني ويه المحتفظ بيهن دخيلك
حتى احس بروحي غالي

احمد ابراهيم

[شغف]

ولأنَني أُريد رؤيتُك بِشكل دائم ،
جئتكَ بِطلبٍ رَقيق :
" حطني صورة إعلة الحياطين التشوفَك "

#سالوفه

[شغف]

مو حزن لكن حزين
مثل ما تنقطع جوّا المطر
شدّة ياسمين
مو حزن لكن حزين
مثل صندوق العرس ينباع خردة عشق من تمضي السنين!
مو حزن لكن حزين
مثل بلبل قعد متاخر
لقى البستان كلها بلاي تين
مو حزن..لا مو حزن
لكن احبك من كنت يا اسمر جنين!

[شغف]

انت الشمس وانت البدر منهل
وشفافك طعم العســـــل منهل
كلبي بس إلك ياتــــرف منهل
الورد من تمر ياخـذ لك تحيه

[شغف]

كون بعيونك اصيرن لك گمر
و آنه افيضن لك عشِگ يترس نهر

[شغف]

يــآ فَـڪـة عيون الگـلب ،
يــآ ميزتي الـ بيهــآ انغر
مــوو رايدك واتنفسك
لــأ يــآ نفس شــي أڪــبر

[شغف]

بس تعال ..
خلي ننسى الزعل نبدي من جديد
ونطوي صفحات الألم نفرح نريد
وحدي غربا وأنت َ هم عايش وحيد
وداعت عيونك تراني بأرده حال
بس تعال ..
عيوني ملاها السهر
وانتظار سنين شگد راح أنتظر
مثل صفصاف الشجر ما بيه ثمر
وأنت َ صفصاف وألك بس گلبي مال
بس تعال ..
هم شفت عمرك سمك من شط زعل
وانأ وياك الحواجب والمقل
وأنا باقي اليوم باجر ما أمل
رايح أتحمل وزيد أنت َ الدلال
بس تعال ..
سنينا أدور عليك
لا تجي بس نادي وإحنا ألي نجيك
خايف إلي صار بيه يصير بيك
تدري ثگل الشوكَـ أثگل من جبال
بس تعال ..
العمر من غيرك حطام
ما أحس بيه لذه من دونك حرام
وأحسد إلي غمض جفنه وساعه نام
عميه عيني من السهر والجسم مال
بس تعال ..
اليوم مو باجر اليوم
خلص صبري كافي قابل صبري دوم
نحل جسمي وبعد ما اكَـدر أكَـوم
أنت َ طبي وبيك أشفى
بس تعال

[شغف]

يابنية ليش تغارين
ومن عندي هواي تزعلين
قلبي انا مايشيل اثنين
وحدج بس يانور العين
بنص قليبي انتي تسكنين
إي وعيوني نتي تملكين
يابنية صار النا هواي
نعرف بعضنا من سنين
انت الهوا وانتي الماي
ياحبيبة لا لا تغارين
الغيرة حقك ياحبيبه
ودواها انتي تعرفين
ودموعك تقهرني زين
من تغارين وتزعلين
خل نفرح مو جانه العيد

[شغف]

أكتبلك شعر بس بحلات الليل
ورسم صورتك بحروفك الحلوة
تفزعلك قوافي بريحة الهيل
وفزعلك عمر ويروحلك فدوة
أحبك لا اريد بعشگك الويل
أحب حبك عواصف وبيه أتلوة
شنو يعني حب وما يهد الحيل
حب تالي وكت وكلشي مايسوة
أريد بعنفوان أحساسك أشيل
وتتحمل عذاب وبرده تتجوة
هذا الحب يستاهل ركوب الخيل
وبصحراء عمري نعشك البلوة

[شغف]

اتمناك طيف تكحل العيون
ومحتاجك فرح يشرحلي الحال
تمنيتك تجي من بعد الفراكَ
وتسكت بجيتك القيل والقال
جنت ســـاكن خيالك بين العيون
... ... هسه اتمنى لحظه نمر على البال
بسلة مهملاتك ذكرياتي هناك
وذاكــرتي نملت من حبك اشكال
احسنك وطن يمغرب الروح
وعلى حدودك مشاعر هدت جبال
من حبك كلام بدمي خطيت
وحروف اسمك الحنها نشيد الكل الاجيال

[شغف]

مــدري أشـلـــون أحـبــك مــو عـشـــكَـ عـقـــــال ؟ ؟

وعـلـــيـك أبــجــي بــدمــع مـــن تـكَـطــع أخــبــــــارك . . .

و أتـســـــودن عـــلــــيـك أتـخــبـــل مــــن تـغـــيــب ؟ !... ...

ومــن تـــرجــع أحـــس الدنـــيـا تـتــبـــــــارك . . .

وكـــل ســاعـــه أكــولــن بـــاجـــــر أنـســـــاك ؟ ! !

وأكــــول أخـتــــار غـيــــرك وأرجــع أخـتـــــــارك . .

يالـدكَـيــــت جـــوه الضـلـــع بـسـمــــــــار ؟ ؟ ؟

حـــن الـخــــاطـــــــر ألـلَّـــه وشـيـــــل بـسـمــــــارك

[شغف]

‏يَ البحسَّك غنة السَبعين
أريد أسمع حَمدّ و عزاز ،
غَنيلي.

[بنت أبوي]

خشنة گلوبهم بس المصيبة عزاز ��

[شغف]

من دمعتي لحجيك وكت الوداع
خط وهمي بوكتها بجفي جريت

طلاسم نظرتك فكتها الاعذار
وبعيونك اشگد الغاز حليت

[شغف]

واحد جابتك امك وحالت بيك
وضل صافن عليك العالم باسره
غيرك شايل سيف وماذبحله ثنين
وانته بلايه سيف وتذبح العشره

[شغف]

فزع بيه خريفك والعمر ذبـــــــــلان
نفخ صور الحـــــزن وسنيني مختنكه
ويكَلك بعد ماتضحك البـــــــــطــــــران
شفت نـــــــــاي ابتشر من دكت الصفكَه ؟

[شغف]

مو عذاب البيه شي اكبر هواي
واختلف عن كلمن يكول اني حاب

بيه شيخوخة وفة تنتظر بيك
اني بالحب وينّي او وين الشباب

[شغف]

امس يمك ما ردت امسك يروح
وردت كون يصير كل عمري امس......
من ضواك الشمس لاذت بالغيوم
ومن تشوفك تنعمي عيون الشمس

[شغف]

هـسه انـا وينـي ويــن الوداع
وشلـي بـطلاع الـروح كلسـاع
مـاضـنه گلبـي بسوگ يـنبـاع
مـتلـف حـزن مـتلف اوجـــاع

[شغف]

واشتهينا،
نذوب شمعة ..
واشتهينا،
نطيح دمعة ..
واشتهينا، نصير ياس،
وشوگ ناس،
تلِم گزاز الشوگ فوگ خدودها،
وتحفر الدمعة على خدودك نهر ..
وتمطر الساعة على عيونك سهر ..
واشتهينا .. كلشي،
بس لمّن بده الشوگ انتهينا ..
وما تذكّرنه گبل،
يا ما اشتهينا

[شغف]

مِٛݛاټ ﺎلحِچيَ شڪَثݛۿِ ڪَݪۿِ ينحِچيَ بنضِݛۿِ 🎀 َِ .

[شغف]

ﭑسٰندڪٰٖك بڪٰٖࢦبيہ ﭑذا چٰٱنَہ ﭑلچٰتفَ مٰخݪۅعٰ 🖤🔥

[شغف]

حتىٰ اݪہَ ماعِݪيهن سوٚكَ يصعدِ سوٚڪهن ݪوٚ وڪُفن بصفِي . 🤍🧃

[شغف]

القَصيدة الموُ عَلى عُيونچ حَرامات الحِبر بيها .

[شغف]

السلف وأهل السلف يرحون فدوة لرَسمة عيونها.♥️

[شغف]

‏الغُربة من يموت گلبك وأنتَ متعود تحِن .

[شغف]

ما ألومك بس ألوم الروح لو حَنت عليك .

[شغف]

أشتريني بـ مرة أحبك وأشتريك بكلشي بيه.✨❤️

[شغف]

بهَيده يمعَّودة تَراها عيونَج تعيّل . .؟

[شغف]

ولامريت ولانشديت ولاحنيت
ولانوبه عذر وديت
تعال بحلم واحسبهه الك جيه واكولن جيت

مظفر النواب

[جاد الله]

يعطيك العافيه مشكوووور