سؤال مهم جدا

[صُهيب]

عيدكم مبارك عليكم قلب فلسطين
خطر ببالي سؤال وحبيت اشوف ارائكم
اذا قابلت حدا واتعاملت معه مره واحدة
وبعدين كون ليك صورة بنظره وهادى الصورة صفاتها سيئه ما بتشبه صفاتك
راح تزعل أو تدايق؟

[بائعه احلام]

لا بزعل ولا بدايق! لأنه أتعامل معي تعامل سطحي،ونتيجة لهالتعامل كون صورة لالي بنظرة وكرهها، معني هيك انه كرهه الصورة اللي كونها لالي ، وهالصورة مش انا!،هالصورة هو!

شكرا للطرح الحلو صهيب
دمت بخير

[مولٱنآ]

لاء م بزعل ولى بدايق بلعكس بنبسط

بعرف انو م كان لازم اتعرف عليه اساساً وانو غلط اني حاولت اعرفوو

وبخليه متل م هوا فاكرني

وبتجاهلوو وبطنشوو

لانو انا مش مجبوور اثبت للعالم وللناس اني كويس

متل م انا م بعجب كل الناس كمان في ناس كتير م بيعجبوني م بتعب تفكيري بهيك شي


يسلمو ع السؤال يعطيك العافيه

[خرآفيهه]

بعتقد اني ماراح ازعل ولا ادايق
بس يمكن الشي الوحيد الي راح يدايقني انه اول انطباع اخده عني كانت صفة بتشبهش صفاتي
وحدايق من نفسي اكتر
لأن اكيد الموقف الي اتعاملنا فيه مع بعض
كنت انا غلطانة فيه لهيك هو استنتج هل الصفات
هو اكيد مش حيستنتجها مع نفسه هيك !

مشكورة صهيب للمناقشة
عوافي

[نبض]

طالما لمرة وحدة بس

ف لشو دايق حالي !!

والمهم اعرف انا مين

عوافي صهيب

[هل كان حباً]

كل عام وانت بألف خير
في البداية أكيد الموقف او المعاملة اللي تمت بينك وبينه هي اللي كونت الصورة
يعني انت بتحكي تعاملت معه مرة واحدة
اكيد الموقف اللي كونه تجاهك هيكون من خلال هذه المعاملة
فإذا معاملتك كانت جيدة معه اكيد الصورة اللي كونها هتكون جيدة
وإذا العكس هيكون العكس




هذا تحليلي




من منطلق آخر
طالما انا واثق بنفسي وبصفاتي وبشخصيتي
ما هيفرق معي الصورة اللي كونها اياً كانت




شكراً لك صهيب

[S T E L L A]

ح ادآيئ ممو ششآانن زآات الششخصص
نتاهه بتحككي ممرهه وآححدهه يعنآي م ح يككونن رآيو الو آههميهه عنندي ')
بسس إنو بفككر ليهه ححكآ هيكك وآخد ههآد الصصفههه
إزآ مآ لئيتت ججوآاب منطققي يخلي يآخخد ههآد الإنططبآاعع ')
بععتبرو بكيتت ششبشش آكلت ممنو و محبيتو ومآ بععود اتععآمل مععو ')
وردهه

[دفء]

اكيد انزعج المرة الاولى
لانو كل انسان طبعو حساس
وبعدين مع الوقت بنسى كأنو
ماصار شي

مشكور على السؤال

[أبكم !]

طب لو فكرنا كويس
وحكينا ليش هو اخد عني هالصورة هآي

الجواب هيكون لأنك انت عآملته بهالصورة هآي ف اول لقآء حتى لو انت مش هيك اصلا
دايما الانسآن بأول لققآء بيآخد الانطباع العآم عن الشخص اللي قآبله
فأنا مش هزعل وقتها .. لأنه مستحيل يحكي عني هيك الا لأنه شاف مني حاجه دايقته مني
واكيد لو اتقآبلنا مره تآنيه هيغير نظرته عني

و كمان شغله انه مش لازم اعجب كل النآس زي ما كثير نآس مش عجبآني ...

مشكور اخي صهيب

[الصياد]

التعامل الاول بدلش ع الشخص ولا طبيعته الحقيقية ..
لازم يكون في عشرة وحياة وتعامل كثير بينا لحتى افهمه ع طبيعته
لانه الاغلبية بطغى عليهم التصنع مع الاشخاص الغربين ..

[سمره]

اساسا ما بلومه إذا اخد عني نظره سلبيه، لإنه ما لحقش يتعرف علي،
مرات بكفيش انك تاخد انطباع كامل عن الشخص من معامله وحده او من موقف واحد او حتى ع الارجح مش لازم !!
ويمكن هاي مشكلة اغلبية الناس، بيحكموا عالشخص من البدايه، مش يمكن يكون جواته إنسان تاني مختلف عن اللي فكرناه فالاول؟
انا ممكن ازعل لمن هالشخص بيعرفني منيح، بيعرفني معرفه قويه، بس لمن ما لحقش يتعرف علي، فعلى شو بدي ازعل؟ عادي، رح اتقبل الموضوع بروح رياضيه ومش رح اعطيه اكبر من حجمه ..



:po3: