نقاش سريع

[هل كان حباً]

السلام عليكم
كيف حالكم
ان شاء الله بخير

اليوم كنت بتناقش مع صديق لي عن مسألة معينة وهي

انه مين بيـأثر أكثر وما بينسى لما يموت شخص قريب منه سواء أبوه أو أمه أو أخوه أو اخته

مين بيكون صدمته أكثر او صعب يتجاوز أو محتاج وقت طويل حتى يتجاوز الصدمة

الصغير في العمر أو الكبير في العمر ؟

بمعنى وبإختصار شخص توفى أبوه وهو عمره 7 سنين وشخص توفى أبوه وهو عمره 25 سنة

مين رح يتأثر أكثر بوفاة والده ورح تكون صدمته أكبر وتجاوزه للصدمة هياخذ وقت كبير الي عمره 7 أو الي عمره 25 ؟؟

[ندى الورد]

بالأول الله يحفظ آباء وأمهات الجميع
ويرحم الآباء والأمهات اللي ماتو

بأعتقد اللي رح يتجاوز أسرع اللي عمره 7 سنوات
لأنه لسة بيكون صغير وما كتير بيفهم
اللي عمره 25 رح يظل يتذكر أبوه بكل موقف
بكل خطوة بيخطيها
لهيك هتكون أصعب ع الكبير

يسلمو أحمد

[شغف]

الي عمره سبعه لان حيفقد امان ابوه ويكبر وبقلبه كسر ماينجبر حتى لو كبر وصار عنده عيال وهيك
بس الي عمره ٢٥ بيتاثر صحيح بس عمره كبير ماتوفي ابوه الا وهو بالغ وراشد
ذكرتني ببنت عمي لمن توفي عمي كانت لسى ببطن امها ماشافته ابدا بس بصور اخواتها واخوانها تجاوزو فقده
بس هيا الين الحين بتقول ظلت حسره بقلبي لان ماشفته وماحسيت بحنانه وسنده
نفسها نفس الي عمره ٧ سنوات لساته صغير مش فاهم من الدنيا شيء مهما اخواته ضلو معاها مش حيكون مثل الاب

هيك رايي ومبعرف
يسعد اوقاتك هل كان حباً

[Juba]

انا فقدت والدي وانا عمري 5 سنين
ما بتذكره ولا بتذكر شو صار
بستفقده كثير
وبزعل كثير انه مش موجود باشياء بتصير معي

لكن ما في ذكرى ضلت موجودة بيني وبينه ممكن اتذكرها واتاثر فيا
الله يرحمه يا رب ويرحم جميع الاموات

عشان هيك برايي
اللي بتاثر اللي عمره اكبر
اللي عاشره وكان الو ذكريات معه

تحياتي

[ملآئكية]

من وجهة نظري العمر م بيشكل فرق اللي بيفرق بكلاتا الحالتين التعلق بالشخص اللي توفى سواء كان بعمر 7سنين أو بعمر 25 لانو لما يكون الانسان متعلق تعلق شديد بتأثر كتير
ربنا م يذوق حد مرارة الفراق ويحفظ أهلنا وأحبابنا
يسلمو ع الطرح

[S T E L L A]

ممسساكك وورد ههل ككانن ححباً ")
+ ننششاللهه بسس خخلصص هالششغغلهه
ح رجع لانن موضوعكك ححلو + https://up.jo1sat.net/do.php?img=1664 (https://up.jo1sat.net/)
وردهه

[مذهل .]

العمر كبير خلص فهم الدنيا ومش محتاج والده في كل خطوة بخطوها
مع بقاء الذكريات
اما الطفل راح يشوف والده بكل طفل بمر من قدامه
ماسك ايد ابوه بشتريله احتياجاته وبشيلوا على اكفاف راحته

لهيك صعب فقد الاب في الطفولة لاته راح يفتحلوا باب انه يعتمد على نفسه من هو وصغير
اما الكبير شبع من خنان الاب وطلع من جلباب ابوه وكبروا وعملوا

بس مش نعناته توفى والدوا ما راح يزعل وينتسى

الوالد ببقى حسرة فقده لاخرة العمر واسأل اجدادنا الحين وآبائنا


سلمت

[البريئة !]

رأيي مشابه لرأي خالد
الطفل هو بحاجة والده و ما بقدر يعيش بدونه
لكن شب بعمر 25 بكون مبلش يستقل لوحده و يعيش حياته
ما بكون لحاجة ابوه كتير
رح يلتهي بحياته و تأسيسها و تكوينها

الإتنين بزعلوا لكن الطفل بتأثر اكتر


تحياتي

[الصياد]

الصغير ما بيكون لسه واعي ولاا في هالذكريات اللي يتذكرها لابوه
ممكن يتاثر في مراحل حياته وهو بيكبر لكن الكبير ممكن يتاثر اكثر
لانه عاشت مع ابوه مراحل كثيرة حتى لو مستقل بحياته الاب بيكون سند بكل مرحلة بنعيشها
ومهما استقلينا واستقرينا بيضلهم سندنا

والله يحفظهم النا ويخليهم ويرحم اللي ماتوا ..

[قطر الندى]

كلما كثرت الذكريات كلما كان الحزن أعمق
طفل السبع سنين لايتذكر من والده إلا أشياء بسيطة ولكنه سيفتقد والده عندما تجعله الدنيا في مواقف يحتاج للأب فيها كحاجة ملحة
لكن الشخص الكبير بالعمر قد جمعته مع والده أو أمه أو أيا كان سنوات وسنوات من الذكريات وياكلوا سوا ويتكلموا ويضحكوا
الأماكن والكلمات وجميع الأشياء حوله تذكره به حتى لو أراد النسيان لايستطيع

لكن بالنهاية مع مرور الزمن يخف الحزن ولولا رحمة الله بالنسيان لهلك الإنسان من شدة الحزن في الدنيا

أشكرك هل كان حبا على الموضوع الجميل

[Nermin ta]

برايي انو الاثنين لهم اثر ولكن مختلف
لانو حتى لو كان صغير ب يعني ما بيتاثر بالنهاية تربى و كبر بدون اب و ممكن يكون نسيه و بيتمنى انو يكون موجود في حياته وممكن يكون له ذكرى موجعة له لانه الاطفال من الصعب نسيان الاوجاع لديهم
اما الكبير شئ طبيعي انو يوجعه الفراق بسبب كثرة الذكريات
تحياتي

[lonely heart]

صعب اجاوبك ع هالسؤال
لازم يلي يجاوبك ع هادا الشي شخص مر بهاي التجربه وعاشها
يلي بحدد هالشي مقدار تعلق الشخص بوالده او كمية الذكريات يلي بتربطهم ببعض ومقدار الحب يلي بيناتهم
عوافي هل كان حبا

[Aseel]

يلي عمرو 25 رح يتأثر آكثر

شكراً لالك
طآب مسائك

[ملاك الحب]

برأي الاطفال تحت سن ال ٥ سنوات م حيتأثرو كتير لانه بكون ذكريات الاب شبه ممحية من دماغهم
لو قلت من ٦ سنوات ل ١٨ ممكن هاي اكتر فئة حتتاثر بفقدان الاب
انا مريت بتجربة موت الاب
وكان عندي اخوة زغار وقتها ما كان اله تاثير كتير خاصة مع اختي
كان عمرها ٨ سنوات وكان يغيب عننا كتير

انا تاثرت اولها اكيد بس بالاخير م حسيت بالفقد لانه اخونا الكبير حضننا وصار مسؤول عنا
وكان بمثابة ابونا وهو عايش قبل م يتوفى كمان

موت الاب بيعتمد ع مقدار حجم الابوة ان كانت فيها حنية او لا

الله يرحم بابا ويرحم كل اب يارب